Tunngahugiti Nunavumi Pulaakatakviinut
Nunavut, naunaiyakhimayut Inuinik ovalo nunait. Ukiuktaktumi nunait takupkaiyut angiyut nunait ovalo inilaitut hilait, angiyut nunauyait, hikuliit kingiktut, nunat ovalo tagiut amigaituliit umayunik ovalo piniktumik inuuviviniit atuktainik ublumi.
Hamani ihumagiyait pulaakatakviit ovaluniit nutaat nunait aalangayut – ilaukataumata atugutikhainik ovalo nunamiiyaangani piniktumik ovalo ihumauyautainik. Pulaakatakviit ovalo nutaat nunait takupkaihimayut – nakuutiaktut umayukhiugiagani ovaluniit ikalukhiugiagani nunait; nakuuyut hiniktakvigiagani nunait, atuktauvaktut ilaani ilakatigiit inuugaakhimayunit; nunait kingulimik ikpinagutikatut – nani naalalaaktut kinguliinik ilaulaaktut ublumimut; ovalo nunait aliahugiyait Inuit. Nunauyut pinikpiaktut, ukautikatiahutik ovalo ilaukatigiyumayauyuk. Nunauyut ukaktut "katjaqnaaq" – Aliahuktunga hamani piniktumi nunami. Nalvaakhimayunga inminiigutainik, angilgakhimaliktunga.
Kaitkuyahi ukiuktaktumut ilaukatauyaangani pinigutainik Nunavut, naalalutit amigaitut ukautainik nunat ovalo kungialugit angitjutait ovalo ukaklutit "Katjanaaq!"
Nunauyatiamit nunait Katannilik Pulaakatakviinit hakugiktumut Kugluktuk Kuugait kugluit, nalvaanahualutit Nunavumi Pulaakatakviit, Inuuviviniit Kuugait ovalo aalat nutaat nunait.
Pilutit tuhagutikhainik piyumayatit paknaiyagiagani ovalo paknaiyaklugit autlaagutikhait, aniktaililutik, titigaklutik ovalo atugutikhait pihimayakhainik ovalo ikpinaktut tuhagutikhainik.
Naluhuilutit kanuk Nunavumi Pulaakatakviit ovalo Nutaat Nunait paknaiyakpaktut, munagivaktut ovalo havakpaktut pulaakatakviit ovalo nutaat nunait ovalo naluhuilutit nutaanik hanayakhainik.
Autlaalutit ilanganut Nunavumi Pulaakatakviit piksakut, kungiagutikut ovalo nipikut. Ovaluniit, piksatit ililugit autlaagutinik takupkaiyaangani aalanik ukiuktaktunik!
Kailiktut Hulinahuat
Pikangituk nutaanik pivaliahimayunik hatja.
Kailiktut Hulinahuat
Pikangituk nutaanik pivaliahimayunik hatja.
Takulugit hamani
Foninga: 867-975-7700
Sukatukut: 867-975-7747
Kagitauyakut:Parks@gov.nu.ca
