Arviat
Ilangani tapkuat tukingi tapkuat pivaliatitnit tapkuat Nunavut Minnguiqhivit Havagutit, tapkuat Timingat Avatiligiyit, Minnguiqhivit Taihimayutlu Nunat Havaktit naunaiyaqtat atuguminaqninga pivaliatitnia takuyauyumania tamna nunaliuyuq Arviat piplugu ihumaginia hapuhimani nunguttailinilu tahamna nunap nunamittutuqaunia ilitquhitlu piqutituqauni, pivaliqtitnilu pilaqnit hulilukkitniqmut, pulaqtuliginiq maniliugutinutlu pivaliatitni.
Arviat tamna aipagiya kanangnaqniqhaq nunaliuyuq tahamani Nunavutmi iniqaqhunilu tahamani Kivalliqmi mikhaani 260 kilaamitat uanangani Kuukyuaq, Manitoba mikhaanilu 100 kilaamitat tahamangat napaaqtuqaqniqmit. Arviat inilik qanipyani nalaani taphuma McConnell Tikitpaktut Tingmiat Hapuhimavia tamnalu Arvia'juaq tamnalu Qikiqtaarjuk Nunaqyuaqmi Atuqpakhimayut Inait avatanittut qaphit kuukkat qipittaqtut tahamuna hatqiumayukkut natiqnakkut.
Atulaqnia minnguiqhivik pivaliatitnia nuna avatani Arviat naunaiqtauhimayuq tahamani, kihimik kihimiungittuq tapkununga, tamna McConnell Kuugaq Itimni takuminaqnianut angutikhatlu – tahapkuat ilaliutilat taphumunga Tikitpaktut Tingmiat Hapuhimavia aulatauyuq tapkunangat Kanatamiut Angutikhatnut Kivgaqtutit; Padlei talvani Kinga Tahiq inituqlituqanut, atuqpakhimanit, angutikhatlu amigaipyakmata; Maguse Kuugaq tamnalu Post uanangani Arviat atuqpakhimaninut pihimaqpiaqmiyut; tamanlu Edehon Tahiq kanangnangata nigiani Arviat inituqlituqainut, pinniqnianut, angutikhanutlu atuqpiaqtut.
