• 
• 
• 

• Pulaakatakviit Pilihimayuit
  • Inuit ovalo Nunait
  • Akhuuktut Ayonagutait ovalo Pilaaktakhait
  • Ikayugutikhait Pulaakatakviit ovalo Nutaat Nunait
• Pulaakatakviit Ilitigutikhait
  • Havaktakhait
  • Paknaiyautikhait
  • Hanatigutikhait
  • Havagutikhait
• Pulaaktilgiyit Hanayakhait
  • Salliq
  • Kugaaruk
  • Kangiqtugaapik
  • Kekerten
  • Sanikiluaq
  • Napartulik
  • Arviat
  • Back River
• Nunataaligutikhait
  • Pulaaktiligiyit ovalo Nunavumi Nunataagutit Angigutaanut
  • Pulaaktiligiyit ovalo IIBAmi
• Makpigaat
  • Nunavumi Pulaakatakviit
  • Legislation

Tamna Hanningayuq Kuuga

Ilangani tapkuat tukingi tapkuat pivaliatitnit tapkuat Katanamiut Piqutituqat Kuukkat Kuuktaqni (www.chrs.ca), tapkuat Timingat Avatiligiyit, Minnguiqhivit Taihimayutlu Nunat Havaktit naunaiyaqni tapkuat atuguminaqnit pivaliatitnia tamna Hanningayuq Kuugaq tamnautitlugu Kanatamiunut Piqutituqat Kuugaq  haniani nunaliuyut Qamanittuaq Uqhuqtuuqlu piplugit pinahuaqni nunguttailini aliahutiginilu tapkuat nunat nunamittutuqauni ilitquhiqnutlu piqutituqat, pivaliqtitnilu pilaqnit hulilukkitniqmut, pulaqtuliginiq maniliugutinutlu pivaliatitni.

Qamanittuaq kihimiuyuq nunamiuttat Nunavutmi nunaliuyuq, tahamanittunilu Kivalliqmiuni.  Uqhuqtuuq ilihimayauyuq tamna “Uqsuqtuq”, tukilik “uqhuitnaq”, tahamanittuqlu Kitikmeotni.  Tamna Hanningayuq Kuugaq ilangat Nunavutmi anginiqhat kuukkat.  Kuuktuq kivanmut tahamangat iluaninuaq Nunatsiaq, hanguplunilu uannakmut, mikhaani 300 kilaamitat uanangani Qamanittuaq, talvangat tugaqtuq tagiumut. Ilai Inuit taivaktat tamna Hanningayuq Kuugaq taphuminga “Ukkuhikhalik”, tukilik “nuna nalvaqviunia uyaqanik utkuhikhaliugaqhat qulliqniklu”.

Katanamiut Piqutituqat Kuukkat allautqiyat tahapkunangat Nunatagauyuni Minnguiqhiqvit. Tamna anginiqhamik allangania tapkununga taihimayunik maligaittut maligaqnikluniit atuliqhimayunik piyagangat kuukkat taiyauyagangata tapkununga Kanatamiut Piqutituqat Kuukkat Kuuktaqni. Nunamik ahinut nutauyuitutlu. Hunat ahianguqpaktut qanuqtut nunaliuyut, nunamik nanminilgit ahiniqmiutlu ihumaginia kuugaq. Pivaktuq qanugitniqpianganik kuugaq, piqaqpiaqnia nunamittutuqat ilitquhialu piqutituqaunia tapkuatluttauq hulilukkitpakninut pilaqnit pinguqtauyanga Kanatamiut Piqutituqat Kuukkat. Ahiagut ilittugiyauni tapkuat ayyikkutaittut Piqutituqat Pinagiyauni, Katanamiut Piqutituqat Kuukkat ihuaqutiqaqmiyut atuqtauvakni Aulatauninut Upalungaiyaqni havaktaunit piplugit piguqhaqni angiqatigigutit tahapkunangat nunaliuyunit, nunamik nanminilgit aulattiyitlu qanuqtut nakuuniqhamik aulanikhai Kuugaq ihuaqhihimanahuaqhugit aliahutaunilu pinguqhimania Piqutituqat Pinagiyauni.

Nunavutmi Minnguiqhiqvit Taihimayutlu Nunat ilihimaniqhauniat taphuminga Hanningayuq Kuugaq Piqutituqaunia Pinagiyauni atuliqat tatya Qanugitpakhimanianut Naunaiyaqnia iniqat.  Tatyallak, Inuit Kavamatkutlu ihumaliuqniat naliaknik piniagiakha kayuhipkagiangaluniit piniangittangalunit tamna Niguaqtaunia atuqhugit tapkuat Kanatamiut Piqutituqat Kuukkat Kuuktaqni.