• 
• 
• 

• Pulaakatakviit Pilihimayuit
  • Inuit ovalo Nunait
  • Akhuuktut Ayonagutait ovalo Pilaaktakhait
  • Ikayugutikhait Pulaakatakviit ovalo Nutaat Nunait
• Pulaakatakviit Ilitigutikhait
  • Havaktakhait
  • Paknaiyautikhait
  • Hanatigutikhait
  • Havagutikhait
• Pulaaktilgiyit Hanayakhait
  • Salliq
  • Kugaaruk
  • Kangiqtugaapik
  • Kekerten
  • Sanikiluaq
  • Napartulik
  • Arviat
  • Back River
• Nunataaligutikhait
  • Pulaaktiligiyit ovalo Nunavumi Nunataagutit Angigutaanut
  • Pulaaktiligiyit ovalo IIBAmi
• Makpigaat
  • Nunavumi Pulaakatakviit
  • Legislation

Napartulik

Tapkunani ihumagiyauni tapkuat pivaliatitnit tapkuat Nunavutmi Minnguiqhiqvit Havagutit, tapkuat Timingat Avatiligiyit, Minnguiqhivit Taihimayutlu Nunat Havakviat naunaiyaiyut tapkuat atuguminaqnianik pivaliatitni upaguminaqtuq tamna avataalu tahapkuat ingilgat napaqtuqaqhimaniat tahamna quttiktuq ukiuqtaqtuq piyaunahuaqnia hapuhimaninut nunguttailininutlu tahamna nunap nunamittutuqat ilitquhitlu piqutituqauni, pivaliqyumini pilaqnit hulilukkittunut, pulaqtuliginiqmut maniliugutinutlu pivaliatitni.

Napartulik talvanittuq inuittumi Axel Heiberg Qikiqtaq, Kanatap saivagiya-anginiqhani qikiqtaq  tukliuplunilu-uanakhiqniqhani qikiqtaq Kanatami. Iniqaqtuq tahamani Qikiqtaalukmi mikhaani 385 kilaamitat uanangani Auhuittuq, Kanatap uanakhiqpaq nunaliuyuq, mikhaani 1895 kilaamitat talvangat Iqaluit aqliknaqtuqlu 3860 kilaamitat uanangani Ottawa, pipluni Axel Heiberg qanitqiyaunia angayuqaqavianut Norway tamnalu Iceland taphumangautnganit angayuqaqaqvia Kanata. Napartulik inilik qanipyakhuni mikhaani talvunga Eureka havakvik tamnalu Auhuittuq. Qanipyakhunilu talvunga Quttinirpaaq Nunaqyuaqmi Minnguiqhivik. Tamapyak tamna Axel Heiberg Qikiqtaq ulihimayuq hikuinaqmik piqaluyakmik, kihimik angilgagiyauyuq amihunut Umingmaknut tapkuatlu takuttigittut Kingailat Tuktut. Tapkuat itiqligutihimayut uyaqani napaqtut tahamani Napartulikmi mikhanittut 45 Milian ukiuni utuqaqpiat, kihimik huniyuittut: napaaqtugaluit amiagui, piguqnit, ihagui napaaqtut, kippakui napaqtut tuahungayutlu huli takukhauttiaqtut tahamani qangani quttiktup ukiuqtaqtup nunani.  Takuyumanaqniqhauyuq tamna piqpianga amigaitni piguqtut hunat tapkuangungittut, piyut, itiqligutihimaittut utuqait, kihimik huniumaitpiaqtut qiqutihimakaphuktut ilitquhi. Qiyuvaluit katitauyut tahamangat inaanit huli ikualalaqtut qiyuakhatut. Napartulik ayyikkutaitpiaqtuq inigiya. Piqaqtuq malguinaknik pingahuniklunit ayyikkutapyainik nunanik ilihimayauyut piqaqnit hilaqyuaqmi, kihimik naliatluniit hagimatyutaulaittuq taimaittunik taimanitaqniqyuanik piguqtut nauhimani. Ilagiplugu qiqutihimakaphukni piguqtut, Napartulik ilihimayaukmiyuq qaphinik angiyunik itiqligutihimayunik angutikhat nalvaqviuninik tahapkuavaluit angatait  tortoises-nik. Pihimayukhauyuqlu atuqpiaqnianik kangiqhimatyutit ilangat utuqauniqhanik taimaniqnitanik akhutaklu hilaqyuaqmi nunguhimaniuyunik hulinit Hilaqyuap atuqpakhimania.

Nunavut Minnguiqhivit tatya katitigiyut tuhagakhanik ikayuqhiqniinik Piyuminaqni Naunaiyaqninut taphumunga Nunatagauyumi Minnguiqhivikhaq talvani Napartulik ikayugahuaqhugu nunguttailini aqliknaqtut hilaqyuamutlu naunaitpiaqtut itiqliguhimanit tahapkuatluttauq tatya qanugililat amigaitni Umingmait Kingailaplu Tuktui. Atuqpiaqtuq ilagiya atulaqnianut Nunatagauyumi Minnguiqhivik talvani Napartulik hapuhimani tahapkuat nunamittutuqat qanugitni tapkuatluttauq piqaqtitni pilaqninut attaqtuyumik ilihagutinut havagutit ikatuqni inuit ilitniinik tahapkuninga aliaginilu una ayyikkutaittuq nuna tahamani Nunavutmi.