• 
• 
• 

• Pulaakatakviit Pilihimayuit
  • Inuit ovalo Nunait
  • Akhuuktut Ayonagutait ovalo Pilaaktakhait
  • Ikayugutikhait Pulaakatakviit ovalo Nutaat Nunait
• Pulaakatakviit Ilitigutikhait
  • Havaktakhait
  • Paknaiyautikhait
  • Hanatigutikhait
  • Havagutikhait
• Pulaaktilgiyit Hanayakhait
  • Salliq
  • Kugaaruk
  • Kangiqtugaapik
  • Sanigayaq
  • Kekerten
  • Sylvia Grinnell
• Nunataaligutikhait
  • Pulaaktiligiyit ovalo Nunavumi Nunataagutit Angigutaanut
  • Pulaaktiligiyit ovalo IIBAmi
• Makpigaat
  • Nunavumi Pulaakatakviit
  • Legislation

Pulaaktiligiyit ovalo IIBAmi

May 13mi, 2002, Hivulikti Paul Okalik, ilaukatauplutik Munagiyit Hanatiligiyit Ministanga Olayuk Akesuk, Nunavut Tunngavik Timinga (NTI) Angayukaak Cathy Towtongie, ovalo Angayukaat tamamik Kivalliq, Kitikmeot ovalo Qikiqtani Inuit Katutjikatingit angiklugit Ataani Inuit Ikpinaktut ovalo Ikayugutikhait Angigutaanut (IIBA) Nunavumi Pulaaktiligiyit.

Iniktigutikhiat IIBAmi piniaktait piyakhainik ataani Nunavumi Nunataagutit Angigutaanut. Iniktiniaktait ilaukatautjutikhait Inuit ilaukatauyunik pulaakatakviit munagitjutikhainik ovalo paknaiyautikhainik, tamamik Nunavumi ovalo nunaini ovalo piniaktut nakuuyumik ilaukatautjutikhainik kitkanit kavamatkut ovalo Inuit hanatiligiyiinik ovlao iniktigutikhainik Nunavumi Pulaaktiligiyit pilihimayuit.

Ukautait angigutaanut ilauyut:

• Hanatiligiyiit Inuit pulaaktiligiyiit uktugutikhainik ovalo hanalutik ayoikhaitjutikhainik pilihimayuit ovalo kinauyakhainik uktugutikhait tugaalugit hanayaangani Inuit pulaaktiligiyit ayoikhautikhainik ovalo pilaaktakhainik.
• Munagitjutikhainik Inuit inminiigutait nunait atugutikhainik umayukhiuklutik, hanauyaklutik uyakanik ovalo aalanik atugutikhainik.
• Pinahuaklutik Inuit iluani nunait tamaat Nunavumi ilauniaktut tikuagutikhainik, hanatjutikhainik ovalo munagitjutikhainik Nunavumi pulaakatakviit.
• Pinahuaklutik munagitjutikhainik ovalo aliagitjutikhainik akhut ingilgaat atukhimayainik, inuuviviniit ovalo inminik inuuviviniit Nunavumi.
• Pinahuaklutik ilaukatautjutikhainik Inuulgamiit ovalo ilaukatigilugit Inuit Kauyimayatukangit ovalo ukautait kinguliit ilaulugit atuinaktainik kauyimayatukangit iluani pulaakatakviit munagitjutikhainik.
• Tuhaktitilugit amigainahualugit Inuit ilaukatautjutikhainik tunikhaitjutikhait niuvikhimayut ovalo ikayugutikhait piyumayait hanatjutikhainik ovalo havagutikhainik Nunavumi pulaaktiligiyit pilihimayuit.

Atikhimayait angigutaanut inikhimayut malguni ukiuni aivagutainik ovalo hanahimayut maligutikhainik ovalo atugutikhainik Pulaakatakviit ovalo Pulaaktiligiyiit himautiniaktut atulaktainik maligutikhait angigutaanut pulaaktiligiyit kinauyakhait paknaiyautikhait ovalo hanatiligiyit ovalo pipkainiaktut havakatigilugit nunait hanatjutikhainik ovalo hanatiligiyiinik pulaakatakviit nunaini naamaktumik ovalo ikpinaktumik ilinut ovalo munaginiaktait ovalo ukaniaktait Nunavumi inminiigutait, inuuviviniit ovalo olapkitjutikhait inuuviviniit.