• english
  • Francias
  • Inuktitut

Paknaiyautikhait

Unguvalakuyut nunanik apigiyaukpata ovalo PSA havanialikait, aipaa ilanga atugutikhait piliniaktut ilitiklugit Nunaini Ilaukatauyut Paknaiyaiyiit ovalo Munagiyiit Katimayigalaat (CJPMC). Maliklugit IIBAmi, Nunavumi Pulaaktiligiyit ovalo kitut Aviktukhimayut Inuit Katutkikatingit (RIA) tikuakhimayut ilaukatauyut nunainit ikhivautikaktut CJPMC tunilaaktut ihuamgiyainik ovalo pitkuhimayainik paknaiyaiyiinik, ilitigutikhainik, havagutikhainik ovalo munagitjutikhainik Nunavumi Pulaakatakviit. Piniagunakhiyut ilangit katimakatauyut hivulimit pulaakatakviit katimayigalaat ilauniaktut CJPMCmi nutkaktitailigiagani.

Nunavumi Pulaaktiligiyit havakatiginiaktait CJPMCkut, nunakatigiit ovalo aalat ilaukatauyumayut (ilauyut Inuit Inuuviviniit Tutkuktuiyit, Geoscience Titigakviit, Aviktukhimayut Inuit Katutjikatingit, Aviktukhimayut Umayuligiyit Havakviit) ovalo Inuit nunani ikayuktiit hanatiligiyiinik Tutkuktuitjutait Pulaaktiligiyit Pitkutikhait ilauniaktut hapkoa:

  • Ingilgaat atukhimayait ovalo Inuuviviniit Ikpinaktut nunait;
  • Inuuviviniit, ilauyut ukakhimayut kinguliit ovalo aalat kinguliit tuhagutikhait;
  • Inuktitut nunait atiit pulaakatakviit ovalo naniitut ihumagiyauyut iluani pulaakatakviit;
  • Umayut naunaiyautait, nunauyat ovalo ikpinaktut umayut nunait munagiyauyukhat ovaluniit munagitjutikaktukhat; ovalo
  • Nunauyaliugutait ovalo uyagakhait pitkutikhait.

Keeliningit tutkuktuihimayut, mikiyumik, aktuklugit pinahuaktait ovalo piyumayait IIBAmi ovalo Nunavumi Pulaaktiligiyit Pikuyakyuangit. Hanatiligiyiit hapkoa tutkuktuihimayut, Nunavumi Pulaaktiligiyit ovalo CJPMCkut hivulimik ihumalutik tuhagutikhainik katitikhimayut havanahuaktainit pititlugit ovalo naunaiyakhimayut nunat ilakhainik tutkuktuihimayut ovalo ihivgiugutait havaktakhait pihimayakhainik.

Nunavumi Pulaaktiligiyit ovlao CJPMCkut atuniaktait hamna tuhagutikhait naunaiyagiagani pulaakatakviit keeliniit, naamaktut Inuinaqtut atiit ovalo pulaakatakviit ukautait tuhagutikhainik pilihimayuit. Tuhagutikhait atuniaktutlu hanalugit Pulaakatakviit Kitkaniitut Paknaiyautait ovalo Pulaaktiligiyit Munagitjutikhait Paknaiyautikhait. Hapkoa paknaiyautikhait atuniaktut atugutikhainik hanahimayut pinahuagiagani aatjikutainik atugutikhainik pulaakatakviit paknaiyautikhait ovalo munagitjutikhait Nunavumi. Hapkoa atugutikhait piniaktut inikhimayut paknaiyautikhait ilauniaktut takutialaamik pulaakatakviit ukautait ovalo munagitjutikhait tikitumayainik; naunaiyaklugit pulaakatakviit keeliniit; naunaiyaklugit ovalo munagilugit inuuviviniit ikpinagiyait nunait, ikpinaktut umayut nunait ovalo olapkivikhait nunati atuklugit “nunauyaliugutait” ovaluniit aalat nunauyaliugutait; ukaklutik hunat iklukhainik piyumayut pulaakatakvimi; ovalo ukaklutik inikhimayut paknaiyautikhait pinahuagiagani pulaakatakviit ikpinaktut pitkutikhainik ovalo pilaaktakhainik pihimaniaktait.

Ukakhimataakhimayut, nunat ukakatigilugit ovalo ilaukatigilugit ikpinaktut ilakhait hanatiligiyaangani pulaakatakvikhait kitkani ovalo munagitjutikhait paknaiyautikhait. Mikhaanut CJPMCkut, Nunavumi Pulaaktiligiyit katimapkainiaktut nunani angmaumayumik takupkailutik ovalo naalautikut tuhaktitilutik; ukakatigilugit Inutukait, inuulgamiit ovalo aalat nunakatigiit; hanalutik tuhagutikhainik makpigaat ovalo aalanik tuhagutikhainik pinahuagiagani nunakatigiit ovalo aalat ilaukatauyumayut pulaakatakvimi tuhagutikagiagani naluhuigutikhait angigutikhainut pulaakatakviit paknaiyautikhait ovalo munagitjutikhait.

Ilangit Munagitjutikhait Paknaiyautikhait ilaulaaktut ilanganik mikhaanut umayunut, ihivgiuktauyukhat Nunavumi Umayuligiyit Katimayiit pihimayaangani umayuligiyiit ovaluniit aalanik umayuligiyit pilihimayuit; ovalo pinahuaklutik Nunavumi Umayuligiyit Katimgyiit nalugiyaangani pulaaktiligiyit munagitjutikhait angigutainut nunaini.

CJPMCkut angiktaakagit inikhimayut paknaiyautikhait, angiktauyukhat Nunavumi Ilaukatauyut Paknaiyaiyiit ovalo Munagiyiit Katimayigalaat (NJPMC) pinahuaktut paknaiyautikhait aatjikutauyut IIBAmi ovalo atugutikhait pulaakatakviit. Ihivgiugutainik NJPMCkut apiginiaktut CJPMCkut ovalo Nunavumi Pulaaktiligiyit havafaalutik, ihuakhaklugit munagitjutikhait ukautait ovaluniit ihuakhaklugit paknaiyautikhait takupkaiyaangani nutaanik tuhagutikhait ihumaalugiyait pulaakatakviit ovalo tunifaalugit paknaiyautikhait NJPMCkut. Naamagilikait paknaiyautikhainik, tuniniaktait angikhimayait Ministamut, Munagiyit Hilakyualigiyit. Aatjikutaatut, Minista apiginiaktait NJPMCkut ihivgiuklugit ovaluniit ihuakhaklugit paknaiyautikhait takupkaiyaangani nutaat tuhagutikhait pihimayainik.