Nunavumi Pulaaktiligiyit
Titigakvia: P.O. Box 1450, Iqaluit, Nunavut
X0A 0H0, Canada
Foninga: (867) 979-6551, Sukatukut: (867) 979-1261
Kagitauyakut: info@nunavuttourism.com
Web: www.NunavutTourism.com
Autlaagutikhait Nunavumi
Ikitut apkotikhait ovalo amigaitut nunait ungahiktigiiktut kikiktani ovalo nunauyani, Nunavut ikayuktauyuk pikatainaktunik tingmianik katitigutikhainik amigaitut nunait. Tingmivaktut mikiyunut nunainut tingmivakhutik malguiktut ovalo ilaani pingahunik ubluini tingmikatakhutik, kihimi angitkiyait nunait ubluk tamaat tingmiakakpaktut.
Nalvaangitkuvit maliktainik tingmianik tikitumayanut, inmiigutait tingmiakut tikilaaktut. Inminiigutait tingmiat ilauyut halikaptat – ilaani talvatuakt tikipkailaaktut amigaitunut ikalukhiukviit ovalo pulaakatakviit. Atuguvit inikhimayunik autlaagutikhainik, inminiigutait akiit ilauniaktut kihimi ihivgiuklutit inminik.
Ikpinaktuk nalungilutik tingmiyut iluani Nunavumi ilaani kinguvakpaktut hilatiaguigaagat, ilaa mikiyunik nunaini nani tingmialikiyit atuinamagit takulaagutikhainik tingmiat maliktainik. Ovalo kukluktailutit tingmiat atulailaaktut atuktaukpata aniaktumut akyagutigilikata.
- Canadian North
Maliktait ovalo inmiigutait tingmiat ovalo akyagutait tamamik kayuktumik tingmiakaktut Boeing 737nik tamaat Nunavumi ovalo Nunatiami. Hilataanit tingmiakakviit ilauyut Ottawa, Winnepeg, Edmonton, Calgary ovalo Vancouver. Tingmikatagutait tamamik Kanatami ovalo hilataanut tingmiakaktut. Canadian North tingmiyut pilaaktut Aeroplan tingmitjutikhainik akiitumik.
Foninga: (867) 669-4000
Sukatukut: (867) 669-4040
Foninga Akiitut: 1-800-661-1505
Kagitauyakut Takulvia: www.canadiannorth.ca - First Air
Maliktait ovalo inminiigutait tingmiat talvunga ovalo iluani Nunavumi. Kitkaniitut hilataanit tingmiakakviit: Ottawa, Montreal, Edmonton, Winnepeg ovalo Yellowknife. First Air tingmivaktut 26nut nunainut Ukiuktaktumi, havakhutik tingmiat avataani 30nik. Tamamik maliktait First Air tingmiyut pilaaktut Aeroplan tingmitjutikhainik akiitumik. Inminiigutait tingmiat atulaaktut.
Foninga: (613) 839-3340
Iqaluit Titigakvia: (867) 979-8308
Sukatukut: (613) 839-5690
Foninga Akiituk: 1-800-267-1247
Kagitauyakut: reservat@firstair.ca
Kagitauyakut Takulvia: www.firstair.ca - Kenn Borek Air
Maliktait ovalo inminiigutait tingmiat Qikiqtaalumi.
Foninga: (867) 979-0040
Sukatukut: (867) 979-0132
Kagitauyakut: borekyfb@northwestel.com - Kivalliq Air
Maliktait Kivalliqmi ovalo Kitikmeoni. Inminiigutait tingmiat atulaaktut.
Foninga: (867) 645-2992
Sukatukut: (867) 645-2330
Winnipeg Titigakvia: 1-877-855-1500 - Unaalik Aviation
Maliktait ovalo inminiigutait tingmiat Qikiqtaalumi.
Foninga: (867) 979-6795
Foninga Akiituk: 1-866-366-6784
Sukatukut: (867) 979-6798
Kagitauyakut: unaalik-operations@nunanet.com
Taksiit Ikayugutikhait
Amigaituni nunaini, nunaini taksiit takuvakhait tamamik tingmiat tikitut. Fonikatut tingmiakavimi ovalo ilangit hiniktakviit. Taksiit akilikpaktut aatjikiinik akiinik Inuk atauhik ovalo inugiakpaktut ilaani atugumayut taksimik, kuluktailutit taksilikiyit nutkakata aalanut tikitumayainik ovaluniit akyalutik Inunik ovalo atuinalugit taksiit inukagiagani. Ilaani atauhiunaktut taksiit nunaini, ikilutit inikhakakat.
Akhaluutit Atulaaktut
Amigaiatut Nunavumi nunait mikiyut kinikhiayaangani pihuklutik, amigaitut akhaluutinik atuktilaaktut akiliklugit ilauyut taksinik atugutikhainik. Nunaini Kitikmeot, nunait ilangit Ikaluktutiak, amigaitut apkotikhait ovaluniit apkotiluit Inuit atulikpaktait autlaagiagani ikluvaluminut ovalo nunaligigalaat haniani nunainit. Ovalo, nunait ilangit Iqaluit ovalo Kangiklinik ikitut apkotit uyagakhiukhimayunik, kihimi amigaitut nunait apkotait uyagaliakatut talvatuak. Keelinikagiagani kafiit apkotit, pilaaktut atuklutik ATVnik, nunahiutinik ovalo ilangit nunait akhaluutinik ovalo angiyunik akhaluutinik. Atugiagani akhaluutinik Nunavumi pikaktukhauyutit Kanatamit Pravinsiit, Nunait ovaluniit Hilakyuamit laisinsikhainik. Autlaaktut ihumayut atugumayainik akhaluutinik ihumayukhat amigaitut pulaaktiligiyit havaktiit ovalo hiniktakviit tunilaaktut autlaagutikhainik pulaaktunut.
Paknaiyagutiktait Autlaagutikhainik
Aliahugutikhainik kinikhiayut pulaaktut Nunavumut, autlaagutikhainik munagiyut ovalo havaktut tunilaaktut amigaitunik autlaakatagutikhainik ilauyut aalatkiit ikayugutikhait. Munagiyiit havalikpaktut Marchmit Septembermut, nani Nunavumi autlaakatalikpaktut ukiungit. Takulaaktut ukiumi tatkikhiutini paknaiyagiagani, kihimi kaayunaktitlugit ubluit ovalo taakhihimayumi ubluit, autlaaktut ukiumi ikitut talvani.
Pulaakhimaliguvit ukiuktaktumi nunainut ovalo autlaagumaliguvit nunamut ovaluniit ikalukhiuklutit, takulugit Pulaakatakviit Havakviit, Hamletkut ovaluniit Nunaini Umayuligiyit (HTO) – ukalaaktaatit naniitut nunaini laisinsikatut munagiyiit ovaluniit havakviit.
Takulugit Nunavumi Pulaaktiligiyit (www.nunavuttourism.com) tuhafaagumaguvit havaktinik, munagiyinik ovalo ihuakhagiagani autlaagutikhait.
Hiniktakvikhait
Pikaktut aalatkiinik atulaaktut hiniktakvikhainik pulaaktitlutit Nunavumut, nutaanik hiniktakvinik katimavikaktunik alianaktumik hinitianaktut B&B’s ovalo pulaakataktut iklukhainut ovalo pulaavikatialaagutait Inuit ikluinut. Katitigutait hiniktakvigilaat tamamik nunaini ikayugutait titigakhimayut nanaiyautainut ikayuktut pulaakatakvikhainut.
Nunavumi, hiniktakvikhait aalatkiiktut tamaat ikayugutikatut hiniktakviit aatjikutainik nigiagani Kanatami aalangayut mikiyut hiniktakviit, Inuit ikluini, B&B’s ovaluniit hiniklutik Igloomi. Aatjikutaatut Nunavumi pivaktainik amigaitut, hiniktakviit mikiyuni ukiuktaktumi nunait ilaulaaktut nutaanik ovalo utiktilaaktunik inuuviviniit pivaktainik.
Ikitut hiniktakviit ovalo hinikvigilaat Nunavumi nakuutiaktunik ovalo ikayugutikatut – aatjikutaatut ovlauniit avataanut naunaiyautait nalvaakpaktut tamaat Kanatami. Kihimi, amigaitut nunait hiniktakviit naamainaktut, kihimi halumayut ovalo havatiaktut. Inikhait keelinikatut mikiyuni nunaini ovalo ilaani ikluanik atukatigiiniaktut aalanik pulaaktunik. Hivulimi hamna naamangituk ilanganut avaliitumik autlaagumayunut, kihimi takuniaktutit aalatkiinik Inunik tamaat nunakyuamit, ilaulutik aalatkiinik autlaagutikhainik ovalo hulitjutikhainik. Aatjikutaanik aalat ukiuktaktumi pivaktainik, hiniktakviit akituyut – akililaaktutit $140mit $180mut unuak atauhik, ilaungitut nigitjutikhait akiit. Nigitjutikhait kitkaniitut akiit $60mit $90mut ubluk tamaat nigiguvit hiniktakvimi – ilaani nunaini nigiviuyuk. Nalungilutitlu akiit atauhimut akiliktivaktut akianut ikluamut.
Amigaitut nunait pikaktut B&Bnik himautainik hiniktakviit. Akikitkiyait ovalo atiatut nigilaaktut ublaami. Ihuakhaiyukhauyut hinikvigiyainut hiniktakvilu aalanik nigiyumaguvit. Inuit ikluit aatjikutauyut kihimi igalaaktut inminik ovalo munagilugit nigitjutikhainik.
Ilangit autlaaktut ilaukatauyumayut inminik inuuviviniit ovalo hiniktaklutik Inuit ikluini. Hamna pilaaktut, kihimi, aalatut hiniktakviit, Inuit ikluit munagitjutikangitut naamagutikhainik ovalo aniktailigutainik ovalo laisinsikangitut Kavamatkut Nunavumit. Ilinik munagitjutikatutit ihivgiuklugit ikayugutikhainik tunilaaktait. Ikitut apigilaaktait, “Pivakpiit imaatut kingulimi?” “Nigitjutikhait ilauvaat?” ovalo “Avaliitumik ikluakaniaktunga ovaluniit iklikaniaktunga?” Inuit akhut tunngayukuvaktut ovalo Inuit ikluit nutaanguyuk pilaaktait aalanik autlaagutikhainik pilaaktait, kihimi ukiuktaktumi inuuyaami aalangayut ovalo takuyakhaliit nalungitkalualutik autlaaktut. Ihuakhalaat Inuit ikluinik foniklugit Hamletkut titigakviit ovaluniit Pulaaktiligiyit Havakviit nunaini pulaagumayutit hiniktigumaguvit Inuit ilakatigiit ikayulaaktut hiniktakvikhainik.
Nalvaalaaktut hiniktakvikhainik ovalo nunaligigalaat amigaituni nunaini Nunavumi. Nunainiingitut ovalo havakpaktut ilaani ukiumi. Amigaitut hiniktakvikhait ikayukpaktut nutaanik ukiuktaktumi piyakhainik ovalo kinikhiayakhainik ilangit, iklukhiulutik ovalo umayunik kungiagiakhiulutik. Naamaktut kihimi ikluakatigiiniaktut nunaligigalaami ovalo kipikhanik pihimayakhauyutit.
Takulugit Nunavumi Pulaaktiligiyit (Kagitauyakut Takulvia: www.nunavuttourism.com), ovaluniit tingmialikiyit ihuakhaiyaangani hiniktakvikhainik autlaaktitlutit.
