• english
  • Francias
  • Inuktitut

Pulaakatakviit Havakviit

Nunavumi Pulaakatakviit Havakviit hivuliuyukhat takulugit pulaaguvit Nunavumut. Nunaini havakviuyut nani nunakatigiit katimavaktut ilaukatauplutik inuuviviniit havagutikhainik; havakviit nani ukautigivaktait alianaktut ovalo ikpinaktut kinguliit ukautainik Nunavumi; ukakpaktut ilaukatautjutait hakugiktut kitkanit Nunavumiut ovalo nunait; ovalo aliahukatigiyait ovalo tuhaktitiyait pulaakatagutikhait, nunaini, aviktukhimayuni ovalo Nunavumi takulaakut.

Takulugit nunaini Pulaakatakviit Havakviit tikitinatit ovaluniit talvungaguvit, pikagiagani makpigaanik ovalo titigagutikhainik atuktakhanik. Havaktiit havakvimi takupkalaaktaatit nunaini ikayuktinik ovaluniit havaktinik pulaakatakvinmungaulaaktut ovaluniit ublumi nunamiilutik, ihuakhilugit Inuit ikluinik hiniktakvikhainik pilihimayuit ovaluniit takulutit nutaanik ovaluniit pilutit utakititlutit.

Margaret Aniksak Pulaakatakvit Havakviit (Arviat)

Margaret Aniksak Pulaakatakvik Havakviit aliahuktut aliagiyainik kinguliit Arviami ovalo Padlimiut nunait. Aliagilugit amigaitut takuyakhat ilauyut inuuviviniit hanalgutait, Inuit olapkitjutait ovalo inuuviviniit aanugaagit. Havakvik angmaumavaktut ilaani ukiumi; Julymit Septembermut. Ilaani angmakpaktut nutaat piligaagata.

  • Foninga: 867-857-2366
  • Sukatukut: 867-857-2519

Vera Akumalik Pulaakatakvik Havakviit/Kamanituaq Inuuviviniit Havakviit (Kamanituaq)

Kinguliinik kungialutit Hudson’s Bay Niuvikvianik Vera Akumalik Pulaakatakvik Havakviini – kitkaniitpiaktuk nunait Kanatami. Nutkalutit Vera Akumalik Havakviit, Kamanituaq Inuuviviniit Havakviit, atauhik Kamanituaqmi kungiakviit ovaluniit Jessie Oonark Hanayaktut Havakviit pilihaaguvit ovaluniit nutkaliguvit autlaagutinit Thelon Inuuviviniit Kuugait, Kazan Inuuviviniit Kuugait ovaluniit Thelon Umayut Minguiktikviit.

  • Foninga: (867) 793-2456
  • Sukatukut: (867) 793-2175

Kamanituaq Inuuviviniit Havakviit:

  • Foninga: (867) 793-2598
  • Sukatukut: (867) 793-2509

Ukiuktaktumi Hinaani Pulaakatavik Havakviit (Ikaluktutiak)

Takulugit kinguliit kinikhiayut Northwest Passagemik tagiumik Ukiuktaktumi Hinaani Pulaakatakvik Havakviini Ikaluktutiami. Nutkalutit havakvimi pulaagutinik Ovayok Nunavumi Pulaakatakvik ovalo

  • Foninga: (867) 983-2842
  • Sukatukut: (867) 983-2302

Mallikjuaq Pulaakatakvik Havakviit (Kinngait)

Kitkaniituk nutkavikhak umiakyuanik pulaaktut Mallikjuaq Nunavumi Pulaakatakvik Kinngaini, Mallikjuaq Pulaakatakvik Havakvik takupkailaaktut hanauyakhimayunik ingilgaat takupkaiyut Dorset ovalo Mallikjuaq kikiktait. Pililutit hamani ihuakhaklugit autlaagutikatit Pulaakatakvinut.

  • Foninga: (867) 897-8996
  • Sukatukut: (867) 897-8475

Unikkaarvik Pulaakatakvik Havakviit (Iqaluit)

Unikkaarvik Pulaakatakvik Havakviit aliahuktut Nunavumik – nunait, Inuit ovalo kinguliit. Havakvik pipkaivaktut amigaitunik pilaaktakhainik Iqaluniititlugit, ilauyut munagiyauyut pihugutikhait kangikhuani Frobisher ovaluniit pihuklutit Iqalunit – Nunavumi hivuliuyuk nunait. Havakvik atulakvigilaat autlaagutikhainik Sylvia Grinnell Nunavumi Pulaakatakvik ovaluniit Qaummaarviit Nunavumi Pulaakatakvik, tamamik ungahingitut Iqalunit ovaluniit titigaklutit pulaagiagani Katannilik Nunavumi Pulaakatakvik.

Katannilik Pulaakatakvik Havakviit (Kimmirut)

The Katannilik Park Visitor Centre, located in the restored Dewey Soper House in Kimmirut, provides interpretation for Katannilik Territorial Park and the Soper Heritage River. Staff at the centre will also register you in or out of the Park, and set up home-stays for visitors to Kimmirut.

Kugluktuk Inuuviviniit ovalo Pulaakatakvik Havakviit (Kugluktuk)

Pulaaaktut Kugluktuk Inuuviviniit ovalo Pulaakatakvik Havakviit ilihalaaktut nunainik kinguliit ovalo ikpinagutait Coppermine Kuugait – atiktauhimayuk Kanatami Inuuviviniit Kuugait ovalo piniktuk Kugluk(Bloody Falls) Nunavumi Pulaakatakvik. Havakvik autlakvigilaat inminik pihuguvit apkotait Kugluktumi.

  • Foninga: (867) 982-3570
  • Sukatukut: (867) 982-3573

Angmarlik Pulaakatakvik Havakviit

Kinguliit akvikhiuktut Cumberland Sound tagiungani ovalo Pangnirtung ukakhimayut Angmarlik Pulaakatakvik Havakviini, Hudson’s Bay Ukhuit havakviit ovalo Keketen Nunavumi Pulaakatakvik – pingahunik kayuktuklutit Pangnirtungmit. Havaktiit havakvimi ihuakhalaaktut nunait ikayuktikhainik ovalo havaktikhainik pulaakatakvimut ovaluniit Auyuittuq Kanatami Pulaakatakvik.

  • Foninga: (867) 473-8737
  • Sukatukut (867) 473-8685

Nattinnak Havakviit (Mittimatalik)

Pulaaktut Mittimatalikmut kaivaktut aliahugumaplutik upingaami nunahiugutait ovalo kingmikut autlaagutait umayunik kungiagiagani hikuilgumi ovalo tingmiat kungialugit kaiktuinik Bylot Kikiktait, skiilutik ovalo kayaktuklutik ikalukhiugumayunik, kilalugit tuugaliit kungialutik ovalo tagiumi kayaktuklutik ilangani hikugaaluit ovaluniit hiniktaklutit Tamaarvik Nunavumi Pulaakatakvik. Hamna ovalo kinguliit nunait haniani, takulaaktut Nattinnak Havakviit – ovalo Sirmilik Kanatami Pulaakatakvik ovalo Bylot Kikiktait Tingmiat Minguiktikviit.

  • Foninga: (867) 899-8225
  • Sukatukut: (867) 899-8175

Kangiklinik Pulaakatakvik Havakviit (Kangiklinik)

Kangiklinik Pulaakatakvik Havakviit iklukatut Kangiklinik Tingmiakaviani. Havaktiit havakvimi ikayulaaktut pulaaktunik Iqalugaarjuup Nunanga Nunavumi Pulaakatakvik ovalo ihuakhalaaktut autlaagiagani Marble Kikiktainut – Inuit inminiigutait kinguliit nunait ovalo aalat nunait Kivalliqmi.

  • Foninga: 867-645-3838
  • Sukatukut: 867-645-3904