• 
• 
• 

• Talvungautjutait ovalo autlaakatagutikhait
  • Autlaagutikhait Nunavumi
  • Autlaakatagutikhait Nunavumi
• Aniktailigiyit Autlaagutikhait
  • Aniktailigiyit Autlaagutikhait
  • Nanuit Aniktailigiyiit
  • Atulaaktut Pitkutikhait
• Titigagutikhait ovalo Atugutikhait Makpigaat
  • Titigagutikhait
  • Atugutikhait Makpigaat
• Pulaakatakviit Havakviit
• Hilat

Hilat

UKIUKTAKTUMI HILAIT

Ukiuktaktuk pivaktut takiyumik, kaayunaktumik ukiut ovalo naitumik, niklamayumik auyait. Kihimi auyait pivaktut taaktiyuitumik ublunik tamaat Nunavumi, nunait ilangit nani hikinik takuyauyuituk ukiumi. Ilaa mikhiyut ikaaniit taakhitjutait ovalo kaayunagutait, pulaakataluangituk autlaaktunik ukiumi Nunavumi. Talvatuak Inuit nalungitut ayoikhaitjutainik ovalo hanalgutinik autlaalikpaktut ukiumi.

Anugiit 15mit 20mut km/hr pivaktut ukiuk tamaat Nunavumi. Anugiit hakugikhivaktut iniktigutainik auyami ovalo ukiuhaligiagani ovalo tikilaaktut avataanut 100mik km/hr kilamik. Nalungilutit hiugat tingmiyut auyami ovalo kapakpiapaktut hilat apotikagaagat.

Nalungilutit takuyakhainik ovalo munagitjutikhainik paniktiligiyiit ukpatainik. Nalungilutit nutkaktigutikhainik paniktiligiyiit unahimalutik, panikhimalutik, nigititiakhimalutik ovalo paniktaililutik. Tigumiakpaklutit imanik ukiuk tamaat paniktitailigiagani ukpatainik. Kaayunakpiaktut hilat ovalo kanilaaktut ukiuk tamaat.

Ihumalutit kanugitunik aanugaanik pihimayukhauyut:

• Pualukalutit, pangutikalutit, nahakalutit, kunguhinik unakutikalutit ovaluniit unaktumik hitaakinik atuinaktait aanugaat ukiuk tamaat.
• Aalangukataktut hilait ovalo havakpiagaagat hilami atuktukhat amigaitunik aanugaanik. Pililutit iluani aanugaanik ataktaanik ovalo yapanik, ilalugit kaanganut aanugaanik.
• Kanugitaangat hilat, atuklutit anugiitumik ovaluniit anikhalaaktunik imalaitumik yapanik ovalo ataktaanik.
• Atuguilutit yapanik cottonmik. Cotton kinitkaangata nipalumit, apotinit ovaluniit unagaagat ukpatait, kaayulilaamat ukpatait, paniktilaalugit.
• Tigumialutit atigimik nahakaktumik.
• Tigumialutit pihugutikhanik kaminik, olapkitjutit kamiinik pihuuyagiagani hiniktakvinit ovalo kinilaitut kamiit autlaaniaguvit kuuganik ikaktakhainik ovalo kuugauyait ovalo kuugait ikaaniaguvit.
• Autlaaniaguvit kayakut, itigatit aktukhimaniaktut kayat ataanik nanai kaayunaktut ilaani. Tigumiakpaklutit unakutikatumik olapanik ovaluniit angiyumik olapanik atuklutit amigaitunik hitaakinik.
• Atukpaklutit nahanik ovalo kiinainik paniktailigiyiinik atuklutit.
• Munagilugit iitit atuklutit taaktunik ilgaanik.