ᐱᓕᕆᕝᕕᒃ ᐱᔾᔪᑎᒋᓪᓗᒍ
ᓴᖅᑭᑕᐅᓚᐅᖅᓯᒪᑎᓪᓗᒍ ᐊᕙᑎᓕᕆᔨᒃᑯᑦ 2004-ᒥ, ᑖᒃᑯᐊ ᓄᓇᕗᒻᒥ ᒐᕙᒪᒃᑯᑦ ᐱᓕᕆᕝᕕᒃᓴᒥᒃ ᓴᖅᑭᑦᑎᓚᐅᕐᒪᑕ ᓯᕗᓕᖅᑎᐅᕕᐅᓂᐊᖅᖢᓂ ᐱᔭᒃᓴᖃᕐᓗᓂ ᓴᐳᒻᒥᔭᕆᐊᖃᕐᓂᕐᒧᑦ, ᐱᕙᓪᓕᐊᑎᑦᑎᓂᕐᒧᑦ ᐊᒻᒪᓗ ᑲᔪᓯᔾᔪᑕᐅᔪᓐᓇᕐᓂᐊᕐᖢᓂ ᐊᑐᖅᑕᐅᓂᖓᓄᑦ ᓯᓚᒥ ᓄᓇᒥᙶᖅᑐᓂᒃ ᐃᒪᕐᒥᙶᖅᑐᓂᒡᓗ ᓄᓇᕗᒻᒥ ᐃᑲᔪᖅᑐᐃᓂᒃᑯᑦ ᐊᐅᓚᑦᑎᔨᐅᔪᓂᒃ ᐊᕙᑎᓕᕆᓂᕐᒧᑦ, ᓂᕐᔪᑎᓄᑦ, ᐊᒻᒪᓗ ᒥᕐᙳᐃᖅᓯᕕᖕᓄᑦ.
ᓄᓇᕗᒻᒥ ᒥᕐᙳᐃᖅᓯᕖᑦ ᐊᒻᒪᓗ ᐅᐸᒃᑕᐅᒐᔪᙱᑦᑐᑦ ᓄᓇᐃᑦ ᐃᓂᐅᖕᒪᑕ ᓴᖅᑭᔮᖅᑎᑦᑎᓪᓗᑎᒃ ᐊᒻᒪ ᑭᒡᒐᖅᑐᐃᓪᓗᑎᒃ ᐊᕙᑎᒥᒃ, ᐃᓕᖅᑯᓯᒃᑯᑦ, ᐃᓄᓕᕆᓂᒃᑯᑦ, ᐊᒻᒪᓗ ᐱᕈᖅᐸᓪᓕᐊᔭᕆᐊᖃᕐᓂᒃᑯᑦ ᐱᒻᒪᕆᐅᒋᔭᐅᔪᑎᒍᑦ ᓇᓗᓇᐃᖅᓯᖕᒪᑕ ᖃᓄᐃᓐᓂᐅᔪᓂᒃ ᓄᓇᕗᒻᒥ. ᑕᒪᒃᑯᐊ ᐱᒻᒪᕆᐅᒋᔭᐅᔪᑦ ᐋᖅᑭᒃᓯᓯᒪᖕᒪᑕ ᖃᓄᐃᓕᖓᔾᔪᓯᑦᑎᓐᓄᑦ ᓄᓇᒧᑦ. ᑖᒃᑯᐊ ᓄᓇᕗᒻᒥ ᒥᕐᙳᐃᖅᓯᕖᑦ ᐊᒻᒪ ᐅᐸᒃᑕᐅᒐᔪᙱᑦᑐᑦ ᓄᓇᐃᑦ ᐱᓕᕆᕝᕕᖓᑦ ᐱᔭᒃᓴᖃᕐᒪᑦ ᓴᐳᔾᔨᓯᒪᔭᕆᐊᖃᕐᓂᕐᒧᑦ ᐱᒻᒪᕆᐅᔪᓂᒃ ᓄᓇᓂᒃ ᓵᙵᔪᓄᑦ ᐱᒻᒪᕆᐅᒋᔭᐅᔪᓄᑦ ᑭᖑᕚᒃᓴᑦᑎᓐᓄᑦ ᐊᑐᖅᑕᐅᔪᒫᖅᑐᓂᒃ. ‘ᓇᖕᒥᓂᖃᙱᓚᒍᑦ’ ᓄᓇᒥᒃ; ᑲᒪᔨᑐᐃᓐᓇᐅᕗᒍᑦ ᑕᒪᒃᑯᓄᖓ ᐃᓂᐅᔪᓄᑦ ᓄᓇᕗᒻᒥ.
