ᑕᑯᓐᓇᖅᑕᕗᑦ ᑐᕌᒐᕗᓪᓗ
ᑕᑯᓐᓇᖅᑕᕗᑦ
ᑕᕝᕘᖓ ᓄᓇᕗᑦ ᒥᕐᖑᐃᖅᓯᕐᕖᑦ ᓄᓇᑦᑎᐊᕙᐃᓪᓗ ᐃᑲᔫᑎᑎᒍᑦ, ᓄᓇᑦᑎᕗᑦ ᐱᖅᑯᓯᕗᓪᓗ ᐸᖅᑭᔭᐅᓂᐊᖅᑯᑦ; ᖁᕕᐊᒋᓗᑎᒍ, ᐃᑲᔫᑎᓪᓚᕆᐅᒻᒪᑕ ᐅᕙᑦᑎᓐᓄᑦ ᐊᐅᓚᑦᑎᖃᑕᐅᓪᓗᑕᓗ ᐱᕙᓪᓕᐊᑎᑦᑎᖃᑕᐅᓪᓗᑕᓗ.
ᑐᕌᒐᕗᑦ
- ᐸᖅᑭᓗᑎᒍ ᓄᓇᕗᑦ ᓄᓇᖏᑦ ᐱᖅᑯᓯᕗᓪᓗ, ᓄᓇᕗᑦ ᐅᑭᐅᖅᑕᖅᑐᒥ ᒥᕐᖑᐃᖅᓯᕐᕕᖏᑦ ᓄᓇᑦᑎᐊᕙᐃᓪᓗ ᓇᓗᓇᐃᖅᓯᓯᒪᕗᑦ, ᐸᖅᑭᑦᑎᕗᑦ ᓴᖅᑭᔮᖅᑎᑦᑎᕗᓪᓗ ᓄᓇᕗᑦ ᓄᓇᖏᓐᓂ ᐱᖅᑯᓯᖏᓐᓂᓪᓗ; ᐊᔾᔨᒌᓐᖏᑦᑐᓂᒃ ᐱᕈᖅᑐᖏᓐᓂ ᓱᓕᑦᑎᐊᕐᓂᖏᓐᓂᓪᓗ; ᐊᔾᔨᐅᖏᓐᓂᖏᓐᓂᓪᓗ ᐅᑉᐱᕆᔭᑦᑎᐊᕐᓂᖏᓐᓂᓪᓗ ᓄᓇᐃᑦ ᐱᖅᑯᓯᖏᓪᓗ ᓄᓇᒥᑦ ᐊᑐᖅᑕᐅᔪᓐᓇᖅᑐᓂᒃ.
- ᓴᖅᑭᔮᖅᑎᑦᑎᓗᑎᒃ ᖃᓄᐃᓘᕐᕕᐅᔪᓐᓇᖅᑐᓂᒃ ᐃᓅᓇᓱᐊᑦᑎᐊᕐᓂᒥᓪᓗ. ᓄᓇᕗᑦ ᐅᑭᐅᖅᑕᖅᑐᒥ ᒥᕐᖑᐃᖅᓯᕕᖏᑦ ᓄᓇᑦᑎᐊᕙᐃᓪᓗ ᒪᓂᒪᔾᔪᑕᐅᕗᑦ ᓈᒻᒪᑦᑐᓄᑦ, ᐊᑦᑕᓇᓐᖏᑦᑐᓄᑦ ᐊᑐᖅᑕᐅᑦᑎᐊᕈᓐᓇᖅᑐᓂᓪᓗ ᖃᓄᐃᓘᕈᒪᔪᓄᑦ ᐊᒻᒪᓗ ᑭᒃᑯᑐᐃᓐᓇᕐᓂᑦ ᖁᕕᐊᒋᔭᐅᔫᒥᖃᑦᑕᖁᓪᓗᒋᑦ ᐸᖅᑭᔭᐅᓂᖏᑦ ᓄᓇᖏᑦ ᐱᖅᑯᓯᖏᓪᓗ ᐅᑉᐱᕆᔭᐅᔪᓂᒃ.
- ᐊᑐᖅᑕᐅᔪᓐᓇᑦᑎᐊᖅᑐᓕᒃ ᐋᖅᑮᓯᒪᓗᑎᒃ ᒪᑭᒪᔾᔪᑕᐅᔪᓐᓇᖅᑐᓂᒃ ᒥᕐᖑᐃᖅᓯᕐᕕᓂᑦ ᓄᓇᕗᒻᒥ. ᒥᕐᖑᐃᖅᓯᕐᕕᕗᑦ ᓄᓇᑦᑎᐊᕙᐃᓪᓗ ᐱᒻᒪᕆᐅᒻᒪᑕ ᑐᑦᑕᕐᕕᐅᔭᕆᐊᖃᖅᑐᑎᑦ ᒪᓂᒪᔾᔪᑎᑦᑎᐊᕙᐅᓗᑎᓪᓗ ᓄᓇᕗᒻᒥᐅᑕᕐᓄᑦ ᐳᓚᕋᖅᑎᓄᓪᓗ ᐊᑐᐃᓐᓇᐅᑎᑦᑎᓗᑎᒃ ᑐᕋᐃᓐᓇᖅᑐᒥᑦ ᑐᕌᐃᓐᓇᖏᑦᑐᒥᓪᓗ ᐱᕙᓪᓕᐊᑎᑦᑎᓂᕐᒥᑦ ᓄᓇᓕᓐᓄᑦ.
- ᐱᖃᑕᐅᑎᑦᑎᐊᕐᓗᒋᑦ ᓄᓇᓕᒃ ᐱᐅᖅᓱᐊᕐᓂᕐᒥᑦ ᓄᓇᑐᖃᐃᓪᓗ ᖁᕕᐊᒋᔭᐅᑎᑦᑎᐊᕋᓱᐊᕐᓗᒋᑦ. ᓄᓇᕗᑦ ᒥᕐᖑᐃᖅᓯᕐᕕᖏᑦ ᓄᓇᑦᑎᐊᕙᐃᓪᓗ ᑲᓱᖅᑎᑦᑎᓯᒪᕗᑦ ᓄᓇᖅᑲᑎᒌᓐᓂᒃ ᐳᓚᕋᖅᑎᓂᓪᓗ; ᓴᖅᑭᔮᖅᑎᑦᑎᓗᑎᓪᓗ, ᐅᐱᒍᓱᓪᓗᑎᒃ, ᑐᑭᓯᐅᒪᑦᑎᐊᕐᓗᑎᒃ ᖁᕕᐊᒋᔭᖃᑦᑎᐊᕐᓗᑎᓪᓗ ᐊᔾᔨᐅᖏᑦᑐᓂᑦ ᓄᓇᑦᑎᓐᓂ ᐱᖅᑯᓯᑦᑎᓂᓪᓗ.
