ᐱᕚᓪᓕᕈᑎᔅᓴᐃᑦ ᒥᕐᖑᐃᖅᓯᕐᕕᒻᒥ ᓄᓇᑦᑎᐊᕙᐃᓪᓗ
ᒥᕐᖑᐃᖅᓯᕐᕖᑦ ᓄᓇᑦᑎᐊᕙᐃᓪᓗ ᓄᓇᕗᒻᒥ, ᓲᕐᓗ ᐸᖅᑭᔭᐅᕙᒻᒪᑕ ᐊᓯᖏᓐᓂ, ᑮᓇᐅᔭᓕᐅᑎᔅᓴᖃᕈᓐᓇᖅᑐᑦ. ᐃᓚᖏᑦ ᐱᕚᓪᓕᕈᑎᐅᔪᓐᓇᖅᑐᑦ ᓄᓇᓕᓐᓂᑦ ᐃᖅᑲᓇᐃᔭᕐᓂᑎᒍᑦ, ᐊᐅᓚᑦᑎᓂᒃᑯᑦ, ᐳᓚᕋᖅᑐᓕᕆᓂᕐᒥᓪᓗ. ᒥᕐᖑᐃᖅᓯᕐᕕᒻᒥ ᐃᖅᑲᓇᐃᔭᖅᑏᑦ, ᐃᖅᑲᓇᐃᔭᑲᐃᓐᓇᖃᑦᑕᖅᑐᓪᓗ ᐊᐅᔭᒃᑯᓪᓗ ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᑕᐅᑲᐃᓐᓇᖃᑦᑕᕋᔭᖅᑐᑦ ᐃᑲᔪᕐᓗᑎᒃ ᐊᐅᓚᑦᑎᓂᕐᒥᑦ ᓴᖅᑭᔮᖅᑎᑦᑎᓂᕐᒥᓪᓗ ᒥᕐᖑᐃᖅᓯᕐᕕᓐᓂᑦ. ᒥᕐᖑᐃᖅᓯᕐᕕᓕᕆᕙᓪᓕᐊᓂᖅ ᐊᐅᓚᑦᑎᓂᕐᓗ ᓱᓇᒃᑯᑖᖃᕆᐊᖃᖅᑯᑦ ᐊᓯᖏᓐᓂᓪᓗ ᐱᔨᑦᑎᖅᑕᐅᓗᑎᑦ ᐊᑭᑦᑐᕋᐅᖅᓯᒪᔪᒃᑯᑦ ᐱᕚᓪᓕᕈᑕᐅᖃᑦᑕᕐᓂᐊᖅᑐᑎᑦ ᓄᓇᓕᓐᓂᑦ ᐊᕕᑦᑐᖅᓯᒪᔪᓂᓪᓗ ᑲᒻᐸᓂᐅᔪᓂᒃ. ᓴᖅᑭᔮᖅᑎᑦᑎᓂᖅ ᓂᐅᕐᕈᑎᖃᕋᓱᐊᕐᓂᕐᓗ ᒥᕐᖑᐃᖅᓯᕐᕕᓂᑦ ᐳᓚᕋᖅᑎᓂᑦ ᐱᑕᖃᓕᖅᑎᑦᑎᓂᖅᓴᐅᓕᕋᔭᖅᑐᖅ ᐅᕝᕙᓘᓐᓃᑦ ᒪᑭᒪᔾᔪᑎᔅᓴᖅᑕᖃᕐᓂᖅᓴᐅᓕᕐᓗᓂ ᓄᓇᓕᓐᓂᑦ. ᐊᑐᖅᑎᓪᓗᒋᑦ ᖁᕕᐊᓲᑎᖃᖅᑎᓪᓗᒋᓪᓗ ᓄᓇᑦᑎᓐᓂ ᐱᖅᑯᓯᑦᑎᓂᓪᓗ, ᒥᕐᖑᐃᖅᓯᕐᕕᒻᒥ ᐳᓚᕋᖅᑏᑦ ᑮᓇᐅᔭᖏᓐᓂ ᐊᑐᖃᑦᑕᕋᔭᖅᑐᖅ ᓂᐅᕕᖃᑦᑕᕐᓗᑎᑦ ᓴᓇᓐᖑᐊᒐᕐᓂᑦ ᓴᓇᐅᒐᓂᓪᓗ, ᐃᖅᑲᓇᐃᔭᖅᑎᑦᑎᓗᑎᒃ ᐊᐅᓪᓚᕈᔾᔨᔨᓂᒃ ᐳᓚᕋᖅᑐᓕᕆᓂᕐᒥᓪᓗ ᐊᐅᓚᑦᑎᕙᑦᑐᓂᒃ, ᐊᖏᕐᕋᒥᓗ ᑐᔪᕐᒥᖃᑦᑕᕐᓗᑎᒃ ᐊᑯᓂᐅᓂᖅᓴᕐᓗ ᓄᓇᓕᓐᓃᓕᕐᓗᑎᑦ. ᑕᒪᒃᑯᐊᓗ ᖃᖓᑦᑕᐅᑏᑦ ᐊᑭᖏᑦ ᑐᔪᕐᒥᕕᒻᒥᓪᓗ ᐃᑲᔫᑎᐅᒐᔭᕐᒥᔪᑦ ᓄᓇᓕᓐᓄᑦ ᓄᓇᕗᒻᒥ.
ᒥᕐᖑᐃᖅᓯᕐᕖᑦ ᓄᓇᑦᑎᐊᕙᐃᓪᓗ ᐱᑕᖃᕐᒥᔪᑦ ᐊᑦᑕᓇᖅᑕᐅᓕᒪᔪᒦᑎᑦᑎᓂᕐᒥᑦ ᒥᕐᖑᐃᖅᓯᕈᓐᓇᓂᕐᒥᓪᓗ - ᑲᒪᒋᔭᐅᓪᓗᑎᒃ ᒥᕐᖑᐃᖅᓯᕕᓕᕆᔨᒃᑯᓐᓂ ᐳᓚᕋᖅᑐᓕᕆᓂᕐᒥᑦ ᐱᔨᑦᑎᕋᖅᑎᓂᓪᓗ, ᐊᑎᓕᐅᖅᓯᒪᒋᐊᖃᕐᓂᖏᓐᓂ ᑐᐊᕕᕐᓇᖅᑐᖃᖅᑲᓪᓗ ᑲᒪᒍᓐᓇᕐᓂᖏᓐᓂ, ᐃᓪᓗᖁᑎᓐᓂᓪᓗ ᒪᑯᓂᖓ ᐃᓪᓗᕋᓛᓐᓂᑦ ᐊᑐᖅᑕᐅᑲᐃᓐᓇᕈᓐᓇᖅᑐᓂᒃ ᑐᐱᕐᕕᓂᓪᓗ ᐊᑐᖅᑕᐅᖃᑦᑕᖅᑐᓂᑦ ᓄᓇᓕᓐᓂᑦ ᐳᓚᕋᖅᑎᓂᓪᓗ.
ᐊᓯᖏᑎᒍᑦᑕᐅ ᐱᕚᓪᓕᕈᑎᖃᕈᓐᓇᕐᒥᔪᑦ ᑭᓯᐊᓂᓕ ᐆᑦᑐᕋᔅᓴᐅᑦᑎᐊᓐᖏᑦᑐᒥᑦ, ᑕᐃᒫᓪᓗᐊᖅᑕᐅ ᐱᒻᒪᕆᐅᑎᒋᒻᒥᔪᖅ. ᒥᕐᖑᐃᖅᓯᕐᕖᑦ ᓄᓇᑦᑎᐊᕙᐃᓪᓗ ᐸᖅᑭᑦᑎᔾᔪᑕᐅᔪᑦ ᓄᓇᑦᑎᓐᓂ ᓄᓇᑐᖃᒥᓂᕐᓂᓪᓗ ᐅᑉᐱᕆᔭᐅᔪᓂᒃ ᖁᕕᐊᒋᔭᐅᔪᓐᓇᖅᑐᓂᑦ, ᐃᓕᕝᕕᐅᔪᓐᓇᖅᑐᓂᓪᓗ. ᐊᓯᖏᓐᓂᓪᓕ ᐱᓂᖅᓴᐅᓪᓗᑎᒃ, ᒥᕐᖑᐃᖅᓯᕐᕖᑦ ᐊᑦᑐᐊᔪᓗ ᐳᓚᕋᖅᑐᓕᕆᓂᖅ ᓴᖅᑭᔮᖅᑎᑦᑎᔪᓐᓇᑦᑎᐊᖅᑐᑦ, ᓴᓐᖓᑎᓗᒋᑦ ᐃᑲᔪᖅᑐᐃᓗᑎᓪᓗ ᐃᓄᐃᑦ ᐱᖅᑯᓯᖏᓐᓂ, ᐃᓅᓯᕐᓂᓪᓗ ᐱᐅᓯᕚᓪᓕᑎᑦᑎᒍᓐᓇᖅᑐᑎᒃ, ᐃᓕᖅᑯᓯᑦᑎᐊᕙᓐᓂᓪᓗ ᐊᑐᕈᓐᓇᖅᑐᑎᑦ. ᑕᒪᒃᑯᐊ ᒪᑭᒪᔾᔪᑎᔅᓴᐃᑦ ᒪᓕᑦᑎᐊᕐᖓᑕ ᐱᖅᑯᓯᕆᔭᖏᓐᓂ ᓄᓇᓂᑦ ᓄᓇᓕᓐᓂᓪᓗ. ᑕᐃᒪᐃᑦᑐᓂᑦ, ᐱᔪᓐᓇᕐᓂᖃᑦᑎᐊᖅᑐᑦ ᐱᖅᑯᓯᕐᒥᓂᑦ ᐊᑐᕐᓗᑎᒃ ᐊᑐᐃᓐᓇᐅᑎᑦᑎᒍᓐᓇᖅᑐᑦ ᐃᓄᐃᓪᓗ ᖃᐅᔨᒪᔭᑐᖃᖏᓐᓂ. ᐸᖅᑭᑦᑎᓂᑦᑎᒍᑦ ᑐᑭᓯᔭᕐᓂᕐᓗᑎᓪᓗ ᐅᑉᐱᕆᔭᑐᖃᐃᑦ ᓄᓇᐃᓪᓗ, ᒥᕐᖑᐃᖅᓯᕐᕖᑦ ᐊᔭᐅᖅᑐᐃᑲᓐᓂᖅᑐᑦ ᐱᓕᕆᖃᑕᐅᑦᑎᐊᖁᓪᓗᒋᑦ ᐃᒻᒥᒃᑰᖅᑐᑦ ᓄᓇᓖᓪᓗ ᓄᓇᖅᑲᑎᒌᑦ.
ᒥᕐᖑᐃᖅᓯᕐᕖᑦ ᓄᓇᑦᑎᐊᕙᐃᓪᓗ ᐸᖅᑭᔭᐅᔪᒪᑦᑎᐊᖅᑐᑦ ᐃᓄᓐᓄᑦ ᓄᓇᖏᑦ ᓄᓇᑐᖃᒥᓂᖏᓪᓗ, ᐊᒻᒪᓗ ᐃᓅᓯᑐᖃᖏᓐᓂ ᐊᑐᕐᓗᑎᑦ. ᓇᓗᓇᐃᖅᓯᓗᑎᒃ ᓄᓇᒥᑦ ᒥᕐᖑᐃᖅᓯᕐᕕᐅᔪᓐᓇᖅᑐᒥᑦ ᐸᖅᑭᔭᐅᒐᔭᖅᑐᑎᓪᓗ ᐱᑕᖃᖁᔭᐅᓐᖏᑦᑐᓂᑦ ᐸᕐᓇᐅᑕᐅᓯᒪᓐᖏᑦᑐᓂᑦ ᐱᕙᓪᓕᐊᒍᒪᓂᕐᒥᑦ; ᐊᑦᑕᓇᖅᑐᒦᑎᑦᑕᐃᓕᒪᓗᒋᓪᓗ ᐅᑉᐱᕆᔭᐅᔪᑦ ᐸᖅᑭᔭᐅᔪᓗᑎᑦ. ᐸᕐᓇᓯᒪᓗᑎᒃ ᐊᐅᓚᑦᑎᓗᑎᓪᓗᑕ ᒪᒃᑯᓇᓐᖓᑦ ᓄᓇᓂᑦ ᒪᓕᓪᓗᑎᒃ ᐱᖅᑯᓯᖏᓐᓂ ᐱᔪᒪᓂᖏᓐᓂᓪᓗ ᓄᓇᓖᑦ, ᐱᒻᒪᕆᕈᖅᑎᑕᐅᒐᔭᖅᑐᑦ ᓄᓇᓕᓐᓂ ᐅᐱᒋᔭᐅᑦᑎᐊᕐᓗᑎᑦ ᓇᓗᓇᒃᑯᑎᒋᓗᓂᒋᓪᓗ ᐊᒻᒪᓗ ᐳᓚᕋᖅᑎᓂᑦ ᓄᓇᓕᓐᓂᓪᓗ ᖁᕕᐊᒋᔭᐅᓂᖅᓴᐅᓕᕐᓗᑎᒃ ᑕᒪᒃᑯᐊ ᓇᓗᓇᐃᖅᓯᔾᔪᑎᐅᒻᒪᑕ ᑭᓇᐅᓂᖏᓐᓂ ᓄᓇᕗᒻᒥᐅᑦ.
ᑕᐃᒪᐃᓐᓂᖓᓐᓄᑦ, ᐃᓕᓐᓂᐊᕈᑕᐅᑦᑎᐊᕈᓐᓇᖅᑐᑦ ᓄᓇᑐᖃᐃᓪᓗ ᖁᕕᐊᒋᔭᐅᔾᔪᑎᐅᔪᓐᓇᖅᑐᑎᒃ ᓴᓐᖓᑎᑉᐸᓪᓕᐊᓪᓗᓂ ᐃᓄᐃᑦ ᐱᖅᑯᓯᖏᑦ ᐊᒻᒪᓗ ᐃᑲᔫᑎᐅᒐᔭᖅᑐᓂᒃ ᓄᓇᓕᓐᓂᑦ ᐃᓱᒪᒋᔭᖏᓐᓂ ᐅᐱᒍᓱᓐᓂᖃᑦᑎᐊᕐᓗᑎᓪᓗ ᑲᑐᔾᔨᖃᑦᑕᕐᓗᑎᑦ. ᓄᐊᑦᑎᓂᖅᑎᒍᑦ ᑎᑎᕋᖅᑕᐅᖃᑦᑕᕐᓂᖏᑎᒍᓪᓗ ᐅᓂᒃᑳᖅᑐᐊᑐᖃᐃᑦ, ᓴᖅᑭᔮᖅᑎᑦᑎᔾᔪᑎᓂᒃ ᐋᖅᑭᔅᓱᐃᓗᑎᒃ ᒥᕐᖑᐃᖅᓯᕐᕕᐅᓪᓗ ᐳᓚᕋᕐᕕᖏᓐᓂ ᐱᑕᖃᕐᓗᑎᑦ, ᐋᖅᑭᔅᓱᐃᓗᑎᑦ ᐃᑲᔪᖅᑐᐃᓗᑎᓪᓗ ᓄᓇᓕᓐᓂᑦ ᐃᑲᔫᑎᔅᓴᓂᒃ. ᒥᕐᖑᐃᖅᓯᕐᕕᓂᑦ ᐃᑲᔫᑎᔅᓴᐃᑦ ᑐᑭᓯᑎᑦᑎᒍᓐᓇᖅᑐᑦ ᐃᓕᓐᓂᐊᑎᑦᑎᓯᓐᓈᕐᓗᑎᑦ ᓄᓇᓕᓐᓂᑦ ᐊᐅᔭᒃᑯᑦ ᖃᐅᔨᓴᖅᑎᓂᒃ ᐅᐱᕐᖏᑎᑕᐅᖃᑦᑕᕐᓗᑎᑦ, ᐳᓚᕋᕐᕖᓪᓗ ᓇᓗᓇᐃᒃᑯᑏᓪᓗ ᐱᑕᖃᕐᓗᑎᑦ, ᐳᓚᕋᖅᑎᓄᓪᓗ, ᖁᕕᐊᒋᔭᐅᖃᑦᑕᑦᑎᐊᕐᓗᑎᑦ ᐃᓄᐃᑦ ᐱᖅᑯᓯᖏᑦ.
