ᕿᑭᖅᑕᓐ
ᕿᑭᖅᑕᓐ ᒥᕐᖑᐃᖅᓯᕐᕕᖓ ᐊᑐᖅᑕᐅᒐᔪᖃᑦᑕᖅᑐᐊᓘᓚᐅᖅᓯᒪᔪᖅ 1850-ᖏᓐᓂ ᐊᒻᒪᓗ 1860-ᖏᓐᓂ. 50-ᑭᓚᒦᑕᒥᑦ ᐅᖓᓯᓐᓂᓕ ᐸᓐᓂᖅᑑᒥ ᑲᖏᖅᑐᐊᓘ ᐃᓗᐊᓂ, ᕿᑭᖅᑕ ᐊᕐᕕᓂᐊᕐᕕᐅᖃᑦᑕᖅᑐᓄᑦ ᐊᑐᖅᑕᐅᖃᑦᑕᖅᑐᒥᓂᖅ ᓯᒃᑳᑦᑎᓄᑦ ᐅᐃᓕᐊᒻ ᐸᓂᒧᑦ 1840-ᖏᓐᓂ. ᐊᒥᓱᑲᓪᓚᓐᓂᒃ ᐃᑦᑕᕐᓂᓴᖃᐅᕐᒥᔪᖅ ᐃᓚᖏᑦ ᐅᖅᓱᓕᐅᕐᕕᒥᓃᑦ ᑐᓐᖓᕕᒥᓃᓪᓗ ᐱᖓᓱᓄᑦ ᐃᓪᓗᓂᑦ ᓴᓇᔭᐅᓚᐅᖅᓯᒪᔪᒥᓂᕐᓂᑦ 1857-ᖑᑎᓪᓗᒍ ᓯᒃᑳᑦᑎᓄᑦ ᐊᕐᕕᓂᐊᖅᑎᓄᑦ, ᐅᖅᓱᓕᐅᕐᕕᖃᖅᑐᑎᑦ ᐅᒃᑯᓯᕐᔪᐊᓂᑦ, ᐅᖅᓱᓕᐅᕈᑕᐅᕙᑦᑐᑎᑦ ᑐᐱᕐᕕᒥᓂᕐᓂᓪᓗ ᓴᐅᓂᖏᓐᓂᓪᓗ ᐋᖅᑭᒋᐊᖅᑕᐅᓯᒪᓪᓗᑎᒃ.
ᐋᖅᑭᒋᐊᖅᑕᐅᒐᓱᔅᓯᒪᓕᖅᑐᖅ ᓯᒃᑳᑦᑎᓄᑦ ᐊᕐᕕᓂᐊᕐᕕᒥᓂᖅ ᕿᑭᖅᑕᓂᑦ. ᐋᖅᑭᒋᐊᖅᑕᐅᓚᐅᖅᑎᓪᓗᒋᑦ ᓇᓗᓇᓐᖏᑦᑐᑦ ᐱᕚᓪᓕᕈᑎᐅᒐᔭᖅᑐᖅ ᐸᓐᓂᖅᑑᒥᐅᑕᕐᓄᑦ, ᐅᔾᔨᕆᔭᐅᓂᖅᓴᐅᓕᕐᓗᓂᓗ ᐸᓐᓂᖅᑑᒥᐅᑕᕐᓄᑦ ᐊᕐᕕᓂᐊᖅᑏᑦ ᓄᓇᒥᓂᕆᓪᓗᓂᐅᒃ. ᓯᒃᑳᑦᑎᒃᑯᑦ ᐊᕐᕕᓂᐊᕐᕕᒥᓂᖏᑦ ᕿᑭᖅᑕᓂ ᐃᑲᔫᑎᖃᕋᔭᕐᒥᔪᑦ ᐊᐅᓪᓚᕈᔾᔨᔨᓂᒃ ᐳᓚᕋᖅᑎᓂᑦ ᒥᕐᖑᐃᖅᓯᕐᕕᓕᐊᖅᑎᑦᑎᕙᓪᓗᑎᒃ ᐃᓗᓕᖏᓪᓗ ᓇᓗᓇᐃᖅᓯᒪᑦᑎᐊᕐᓗᑎᒃ ᐃᓪᓗᕋᓛᓕᐅᕐᓗᑎᓪᓗ ᑐᐊᕕᕐᓇᖅᑐᓄᑦ ᐊᑐᖅᑕᐅᖃᑦᑕᕋᔭᖅᑐᓂᒃ. ᑖᓐᓇ ᐱᒋᐊᖅᐸᓪᓕᐊᓕᖅᑐᖅ ᐱᔭᕇᖅᑕᐅᒐᔭᖅᑐᖅ ᑭᓯᐊᓂ 2005-ᒥ.
