ᐊᐅᓚᓂᖏᑦ
ᐊᑐᓂ ᒥᕐᖑᐃᖅᓯᕐᕖᑦ ᐸᕐᓇᐅᑎᖏᑦ ᓇᓗᓇᐃᖅᓯᓯᒪᔪᑦ ᖃᓄᐃᑦᑑᒐᔭᕐᓂᖏᓐᓂ ᐃᓪᓗᓂᑦ ᒥᕐᖑᐃᖅᓯᕐᕕᒻᒥ ᐊᒻᒪᓗ ᓇᒦᒋᐊᖃᕐᓂᖏᓐᓂ; ᓇᓗᓇᐃᖅᓯᓯᒪᓪᓗᑎᓪᓗ ᒥᕐᖑᐃᖅᓯᕐᕕᐅᑉ ᐃᓗᓕᖏᓐᓂ ᓇᓗᓇᐃᒃᑯᑎᓂᓪᓗ; ᐊᒻᒪᓗ ᓇᓗᓇᐃᖅᓯᓯᒪᒋᓪᓗᑎᒃ ᐊᓯᖏᓐᓂ ᐃᓪᓗᑕᖃᕆᐊᖃᕐᓂᖅᑲᑦ ᐊᐅᓚᔾᔪᑎᐅᒐᔭᖅᑐᓂᒃ ᐳᓚᕋᕐᕕᒥᓪᓗ. ᑕᒪᒃᑯᐊ ᐃᓪᓗᐃᑦ ᓴᓇᔭᐅᒐᔭᖅᑐᑎᒃ ᓄᓇᕗᑦ ᒐᕙᒪᒃᑯᖏᑦᑕ ᐊᑭᑐᔫᑎᖏᓐᓄ ᐸᕐᓇᐅᑎᓂᒃ ᐅᑭᐅᒐᓚᓐᓂᒃ - ᒪᓕᑦᑐᑦ ᐃᓪᓗᐃᑦ ᐊᖏᓂᖏᓐᓂ ᖃᓄᑎᒋᓪᓗ ᐊᖏᓂᖓᓐᓂ ᒥᕐᖑᐃᖅᓯᕐᕕᒃ.
ᐊᔾᔨᐸᓗᖏᑦ, ᐊᑐᓂ ᒥᕐᖑᐃᖅᓯᕐᕖᑦ ᑲᒪᔭᐅᖃᑦᑕᕆᐊᖃᕐᓂᖏᓐᓂ ᐊᐅᓚᔾᔪᑎᒋᔭᕆᐊᓕᖏᓐᓂᓪᓗ ᓇᓗᓇᐃᖅᓯᒪᓪᓗᑎᒃ ᒥᕐᖑᐃᖅᓯᕐᕖᑦ ᐊᐅᓚᓂᖏᑕ ᐊᑐᐊᒐᖏᓐᓂ. ᑕᒪᒃᑯᐊ ᐊᑐᐊᒐᐃᑦ ᐃᓗᓕᖃᖅᑐᑦ ᐊᑎᓕᐅᕆᖃᑦᑕᕆᐊᖃᕐᓂᕐᒥᑦ, ᐊᐅᓚᑦᑎᒋᐊᖃᕐᓂᖏᓐᓂ, ᑐᐊᕕᕐᓇᖅᑐᑕᖃᓕᕐᓂᖅᑲᓪᓗ ᐸᕐᓇᐅᑎᓂᒃ, ᐃᖅᑲᓇᐃᔭᖅᑎᖃᕆᐊᖃᕐᓂᖏᓐᓂᓪᓗ. ᐃᓚᖏᓐᓂ, ᐃᖅᑲᓇᐃᔭᖅᑲᕆᐊᖃᕋᔭᖅᑐᖅ ᒥᕐᖑᐃᖅᓯᕐᕕᒻᒥ ᐃᖅᑲᓇᐃᔭᐃᓐᓇᕐᓂᐊᖅᑐᒥᑦ, ᐃᖅᑲᓇᐃᔭᑲᐃᓐᓇᖃᑦᑕᕐᓂᐊᖅᑐᓂᓪᓗ ᐊᐅᓚᑦᑎᐊᖁᓪᓗ ᐳᓚᕋᖅᑎᓄᑦ ᓄᓇᖓᓐᓄᓪᓗ ᐊᑐᖅᑕᐅᖃᑦᑕᕐᓂᐊᖅᑐᒥᑦ. ᐊᐅᓚᑦᑎᓂᐊᖅᑐᑎᓪᓗ ᒥᕐᖑᐃᖅᓯᕐᕕᒻᒨᖅᑐᑦ ᐊᑐᑦᑎᐊᕋᓗᐊᕐᒪᖔᑕ ᖃᐅᔨᓴᖃᑦᑕᕋᔭᖅᑐᒥᑦ ᐊᑦᑕᓇᖅᑕᐃᓕᒪᔪᒦᑎᒋᐊᖃᕐᓂᖏᓐᓂᓪᓗ ᐃᖏᕐᕋᑦᑎᐊᖁᓪᓗᒋᓪᓗ ᓄᓇᕗᒻᒥ.
