ᐊᑎᓕᐅᕆᐊᖃᕐᓂᖅ
ᑭᖑᓪᓕᖅᐹᒥᓪᓕ ᑲᒪᒋᔭᕆᐊᖃᖅᑕᖏᑦ ᐳᓚᕋᖅᑏᑦ ᓄᓇᕗᑦ ᒥᕐᖑᐃᖅᓯᕐᕕᖓᓐᓅᓚᐅᓐᖏᓐᓂᖏᓐᓂ, ᐊᑎᓕᐅᕆᐊᖃᖅᑐᑦ ᐃᓕᓐᓂᐊᖅᑎᑕᐅᓗᑎᓪᓗ ᐸᕐᓇᑦᑎᐊᕐᓗᑎᓪᓗ ᓱᓇᒃᑯᑖᕐᓂᓪᓗ ᐱᓱᖓᐅᑎᒋᐊᖃᕈᑎᒃ ᖃᐅᔨᓴᕆᐊᖃᖅᑐᑦ, ᐊᐱᖅᑯᑎᔅᓴᖃᕈᑎᓗ ᒥᕐᖑᐃᖅᓯᕐᕖᑦ ᐃᖅᑲᓇᐃᔭᖅᑎᖏᓐᓄᑦ ᐊᐱᕆᔪᓐᓇᓕᖅᑐᑦ.
ᒫᓐᓇᐅᔪᖅ, ᐊᑎᓕᐅᕆᐊᖃᕐᓃᑦ/ᖃᐅᔨᒃᑲᐃᓂᕐᓗ ᐅᑎᖅᓯᒪᓕᕈᑎᒃ ᒪᓕᔅᓴᐃᓐᓇᕆᐊᓕᒃ ᐳᓚᕋᖅᑎᓕᒫᓄᑦ ᑲᑕᓐᓇᓕᒨᖅᑐᓄᑦ ᐅᑭᐅᖅᑕᖅᑐᑉ ᒥᕐᖑᐃᖅᓯᕐᕕᖓᓐᓄᑦ. ᐊᐅᓪᓚᖅᓯᒪᓂᐊᕈᕕᑦ ᓇᓪᓕᐊᓐᓄᑐᐃᓐᓇᖅ ᓄᓇᕗᑦ ᒥᕐᖑᐃᖅᓯᕐᕕᖏᓐᓄᑦ, ᐊᑎᓕᐅᕆᐊᖃᖅᑐᑎᑦ ᐸᓖᓯᒃᑯᓐᓄᑦ (ᐱᓗᐊᖅᑐᒥᓪᓗ ᐳᐃᒍᖅᑕᐃᓕᑦᑎᐊᕆᑦ ᖃᐅᔨᒃᑲᐃᒋᐊᖃᕋᕕᑦ ᐅᑎᕈᕕᑦ!) ᐊᐅᓪᓚᖅᓯᒪᓂᕆᓂᐊᖅᑕᑎᑦ ᑎᑎᕋᖅᓯᒪᓗᒋᑦ ᖃᐅᔨᒪᔭᕐᓄᑦ ᕿᒪᒍᓐᓇᕐᒥᔭᑎᑦ.
ᑲᑕᓐᓇᓕᒻᒥ, ᐊᑎᓕᐅᕆᐊᖃᖅᑐᑦ ᖃᐅᔨᒃᑲᐃᓗᑎᓪᓗ ᐅᑎᕐᓂᕐᓂᑦ ᐅᓂᒃᑳᕐᕕᒻᒥ ᐳᓚᕋᕐᕕᒻᒥ ᐃᖃᓗᓐᓂ ᑲᑕᓐᓇᓕᒻᒥᓗ ᐅᑭᐅᖅᑕᖅᑐᒥ ᒥᕐᖑᐃᖅᓯᕐᕕᐅᑉ ᐳᓚᕋᕐᕕᖓᓐᓂ ᑭᒻᒥᕈᒻᒥ ᑕᐃᒪᐃᒍᓐᓇᖅᑐᖅ. ᐊᐅᓪᓚᕈᔾᔭᐅᓯᒪᔪᑦ ᐊᑎᓕᐅᕆᐊᖃᕐᒥᔪᑦ ᐊᐅᓪᓚᕈᔾᔨᔨᒧᑦ. ᐊᐅᓪᓚᕈᔾᔨᔩᑦ ᑐᑭᓯᒋᐊᕆᐊᖃᖅᑐᑦ ᓄᓇᕗᑦ ᐅᑭᐅᖅᑕᖅᑐᒥ ᒥᕐᖑᐃᖅᓯᕐᕕᖓᑕ ᐊᓪᓚᕕᖓᓐᓄᑦ ᐃᖃᓗᓐᓂ ᐊᐅᓪᓚᕈᔾᔨᔨᓂᒃ ᐊᑎᓕᐅᖅᑕᐅᓯᒪᓂᖏᓐᓂ/ᐅᑎᖅᓯᒪᓕᖅᑐᑎᓪᓗ ᖃᐅᔨᒃᑲᐃᓂᕐᒥᑦ ᐃᓕᓐᓂᐊᖅᑎᑕᐅᒋᐊᖃᕐᓂᖏᓐᓂᓪᓗ.
ᓄᓇᕗᑦ ᒥᕐᖑᐃᖅᓯᕐᕕᖏᑦ ᐊᑎᓕᐅᕐᓂᕐᒧᑦ ᑕᑕᑎᕆᐊᓖᑉ ᐱᔭᕇᕆᐊᖃᖅᑐᑦ ᐊᑎᓕᐅᖅᑕᐅᓯᒪᓗᑎᓪᓗ ᓯᕗᓕᖅᑎᓄᑦ ᐊᒻᒪᓗ ᐊᑎᓕᕆᔨᓄᑦ. ᐊᑎᓕᐅᕐᓂᕐᒧᑦ ᑕᑕᑎᕆᐊᓖᑦ ᑎᑎᖅᑲᖁᑎᒋᔭᐅᕗᑦ ᐊᐅᓪᓚᖅᓯᒪᓂᕆᓂᐊᖅᑕᖏᑦᑕ ᒥᔅᓵᓅᖓᓪᓗᑎᒃ, ᓱᓇᒃᑯᑖᖏᑕᓗ ᒥᔅᓵᓄᑦ.
ᐊᑎᓕᐅᖅᓯᒪᓂᖏᑦ ᐳᓚᕋᖅᑏᑦ ᐊᓯᖏᓐᓂ ᐱᔪᓐᓇᕐᒥᔪᑦ, ᖃᐅᔨᒪᓕᕐᓗᑎᓪᓗ, ᐅᓪᓗᒥᒨᔪᖅ ᐊᑦᑕᓇᐃᖅᑕᐅᓕᒪᓂᕐᒥᑦ ᖃᐅᔨᒃᑲᐃᔾᔪᑎᓂᒃ, ᓄᓇᓂᑦ ᐃᒪᕐᓂᓪᓗ, ᓂᕐᔪᑎᓂᓪᓗ ᑕᑯᔪᒥᓃᑦ ᖃᐅᔨᒪᑎᑦᑎᒋᐊᖃᕐᓂᖏᑦ ᐃᓪᓗᕋᓛᓪᓗ ᒥᔅᓵᓄᑦ ᐊᑐᕈᓐᓇᕐᓂᖏᓐᓂᓪᓗ. ᐊᑎᓕᐅᖅᓯᒪᒍᑎᑦ ᐃᖅᑲᓇᐃᔭᖅᑎᒧᑦ ᖃᐅᔨᒪᔭᐅᔪᓐᓇᕐᖓᑕ ᓇᐅᒃᑰᕐᓂᐊᕐᓂᖏᓐᓄ ᖃᖓᒃᑯᓪᓗ ᐅᑎᕐᕕᔅᓴᖃᕐᒪᖔᑕ. ᓯᕗᒃᑲᑕᖅᑎᖏᑦ ᖃᐅᔨᒪᔭᕆᐊᖃᖅᑐᑦ ᐅᖃᓕᒫᖅᓯᒪᒋᐊᖃᕐᓂᖏᓐᓂ ᑐᑭᓯᐅᒪᑦᑎᐊᕐᓗᑎᓪᓗ ᐊᑦᑕᓇᖅᑕᐃᓕᒪᓂᕐᒥᑦ ᐃᖏᕐᕋᓂᖏᓐᓂᓪᓗ/ᓇᓄᕐᓂᓪᓗ ᐊᑦᑕᓇᖅᑕᐃᓕᒪᓂᕐᒥᑦ ᓄᓇᕗᑦ ᒥᕐᖑᐃᖅᓯᕐᕕᖏᓐᓂ.
ᐃᑲᔫᑎᖃᓂᖅᐹᖑᒐᔭᖅᑐᖅ, ᐅᖃᓕᒫᖅᓯᒪᑉᐸᑕ ᐊᖏᕐᕋᒥᓂᑦ ᐊᐅᓪᓚᓚᐅᓐᖏᓐᓂᖏᓐᓂ.
ᑕᑯᓐᓇᔅᓴᐃᓐᓇᕆᐊᖃᕐᒥᔪᑦ ᐊᑎᓕᐅᓚᐅᕐᓗᒋᑦ ᑕᕐᕆᔮᔅᓴᓂᒃ ᐊᑦᑕᓇᖅᑕᐃᓕᒪᓂᕐᒥᑦ ᐊᐅᓪᓚᖅᓯᒪᓂᖏᓐᓂ
ᓇᓄᕐᓂᓪᓗ ᐊᑦᑕᓇᖅᑕᐃᓕᒪᓂᕐᒥᑦ. ᑖᒃᑯᐊ ᓂᐱᓖᑦ ᐊᔾᔨᓐᖑᐊᕐᓂᑦ ᕿᒥᕐᕈᔪᓐᓇᖅᑐᑦ ᓈᓚᓪᓗᑎᓪᓗ ᐃᓱᒪᒋᔭᕆᐊᖃᕐᓂᐊᖅᑕᖏᓐᓂ ᐳᓚᕋᖅᑏᑦ ᓄᓇᕗᑦ ᐅᑭᐅᖅᑕᖅᑐᑉ ᒥᕐᖑᐃᖅᓯᕐᕕᓕᐊᓚᐅᓐᖏᓐᓂᖓᓐᓂ.
ᓯᕗᒃᑲᑕᖅᑎᖏᑦ ᖃᐅᔨᒃᑲᐃᒋᐊᖃᕐᒥᔪᑦ ᐅᑎᖅᓯᒪᓕᕈᑎᑦ. ᖃᐅᔨᒃᑲᐃᔅᓴᐃᓐᓇᕆᐊᓖᑦ ᐃᖅᑲᓇᔭᖅᑎᒥᑦ ᐅᑎᖅᓯᒪᓕᕐᓂᖏᓐᓂ. ᖃᐅᔨᒃᑲᐃᓂᖏᑦ ᐳᓚᕋᖅᑏᑦ ᖃᓄᐃᓚᐅᕐᓂᖏᓐᓂ ᐊᑐᓚᐅᖅᑕᖓᓪᓗ ᓄᓇ ᖃᓄᐃᑐᓚᐅᕐᓂᖓᓐᓂ, ᓂᕐᔪᑎᓂᓪᓗ ᑕᑯᔭᒥᓂᖏᓐᓂ ᖁᕕᐊᒋᔭᖃᕐᓂᒻᒪᖔᕐᓗ ᐅᓂᒃᑳᕈᓐᓇᕋᔭᕐᖓᑦ. ᐅᑎᖅᑐᖃᕐᓂᖏᑉᐸᑦ ᐅᓪᓗᖓᓐᓂ ᐅᑎᕐᕕᔅᓴᖓᓐᓂ, ᐸᖅᓴᐃᔩᑦ ᖃᐅᔨᒃᑲᖅᑕᐅᒐᔭᖅᑐᑦ ᐸᖅᓴᐃᒋᐊᓕᕐᓗᑎᑦ.
ᐸᖅᓴᐃᔪᖃᕐᓂᖅᑲᑦ ᐊᑭᖏᑦ ᐊᑭᓕᖅᑕᐅᒐᔭᖅᑐᑦ ᐳᓚᕋᖅᑎᓄᑦ ᐊᐃᔭᓄᑦ.
ᐳᓚᕋᖅᑏᑦ ᖃᐅᔨᒪᔭᕆᐊᖃᖅᑐᑦ ᐸᖅᓴᐃᔩᑦ ᑭᖑᕙᕈᓐᓴᕐᓂᖏᓐᓂ, ᐃᓛᓐᓂᒃᑯᑦ ᐅᓪᓗᒐᓚᓐᓄᑦ, ᓂᑦᑕᖏᓐᓂᖓᓐᓄᑦ, ᓯᓚᑲᒻᒪᐅᓂᖓᓐᓄ, ᐊᓄᕆᔪᐊᓘᓂᖓᓄᓪᓘᓐᓃᑦ. ᖃᖓᑕᓲᑦ ᑭᓯᐊᓂ ᒥᒃᑲᔭᖅᑐᑦ ᐊᑦᑕᓇᖏᑐᐊᖅᑲ ᓄᓇᖓ.
ᖃᕋᓴᐅᔭᒃᑯᑦ ᐱᔭᐅᔪᓐᓇᖅᑐᑦ ᐅᖃᓕᒫᖅᑕᐅᓗᑎᓪᓗ ᐊᑎᓕᐅᕐᓂᕆᔭᕆᐊᓕᖏᑦ:
- ᑲᑕᓐᓇᓕᒃ ᒥᕐᖑᐃᖅᓯᕐᕕᖓᓐᓄᑦ ᐊᑎᓕᐅᕆᐊᓖᑦ ᐊᐅᓪᓚᕈᔾᔨᔨᖃᓐᖏᑦᑐᓄᑦ (.pdf)
- ᑲᑕᓐᓇᓕᒃ ᒥᕐᖑᐃᖅᓯᕐᕕᖓᓐᓄᑦ ᐊᑎᓕᐅᕆᐊᓖᑦ ᐊᐅᓪᓚᕈᔾᔨᔨᖃᖅᑐᓄᑦ (.pdf)
