• 
• 
• 

• ᒪᐅᓐᖓᐸᓪᓕᐊᓂᖅ ᐊᓯᖏᓐᓄᓪᓗ
  • ᓄᓇᕗᒻᒨᖅᐸᓪᓕᐊᓂᖅ
  • ᓄᓇᕗᒻᒦᓐᓂᖅ
• ᐊᑦᑕᓇᖅᑕᐃᓕᒪᓂᕐᒦᓐᓂᖅ
  • ᐊᑦᑕᓇᖅᑕᐃᒪᔪᒦᓐᓂᖅ
  • ᓇᓄᖅᑕᖃᖅᑎᓪᓗᒍ ᐊᑦᑕᓇᖅᑕᐃᓕᒪᔪᒦᓐᓂᖅ
  • ᐊᑐᖁᔭᐅᔪᓐᓇᖅᑐᑦ
• ᐊᑎᓕᐅᕆᐊᖃᕐᓂᖏᑦ ᐱᔪᓐᓇᐅᑏᓪᓗ
  • ᐊᑎᓕᐅᕆᐊᖃᕐᓂᖅ
  • ᐱᔪᓐᓇᐅᑏᑦ
• ᐳᓚᕋᕐᕖᑦ
• ᓯᓚᐃᑦ

ᓄᓇᕗᒻᒦᓐᓂᖅ

ᐊᑐᕆᐊᖅᑕᖃᐅᒐᓛᑦᑐᖅ ᐊᒥᓱᓪᓗ ᓄᓇᓖᑦ ᓯᐊᕐᒪᖅᓯᒪᓪᓗᑎᒃ ᕿᑭᖅᑖᓗᒻᒥ ᕿᑭᖅᑕᒐᓚᓐᓂᓪᓗ, ᓄᓇᕗᒻᒥ ᐃᑲᔫᑎᖃᑦᑎᐊᖅᑐᑦ ᖃᖓᑕᒐᔪᑦᑐᓂᒃ ᐊᓯᖏᓐᓄ ᓄᓇᓕᓐᓄᑦ. ᖃᖓᑕᓲᑦ ᓄᓇᓕᕋᓛᖑᓂᖅᓴᓄᑦ ᒪᕐᕈᐊᖅᑎᓲᑦ ᐱᖓᓱᐊᖅᑎᓪᓘᓐᓃᑦ ᐱᓇᓱᐊᕈᓯᐅᑉ ᐃᓗᐊᓂ, ᐃᓚᖏᓪᓕ ᓄᓇᓕᐸᐅᔭᐅᓂᖅᓴᐃᑦ ᖃᐅᑕᒫᖅᑕᐸᓗᓲᑦ ᖃᖓᑕᓲᑦ.

ᓂᐅᕐᕈᕕᒋᓂᐊᖅᑕᕐᓄᑦ ᓇᓂᓯᒍᓐᓇᓂᓐᖏᒃᑯᕕᑦ ᖃᖓᑕᕕᒋᔪᒪᔭᕐᓂᑦ, ᐊᑭᓖᒍᓐᓇᕐᒥᔪᑎᑦ ᖃᖓᑕᓲᕐᒥᑦ. ᖃᖓᑕᓲᕐᓂᑦ ᐊᑭᓕᖅᑕᐅᓯᒪᔪᓂᒃ - ᖁᓛᒍᓖᓪᓗ - ᐃᖃᓪᓕᐊᕐᕕᒻᒨᕈᔾᔨᒍᓐᓇᖅᑐᑦ ᒥᕐᖑᐃᖅᓯᕐᕕᓄᓪᓗ. ᐊᑭᓖᑦᑕᐅᑎᒋᓯᒪᒍᕕᑦ ᓈᒪᑦᑕᐅᑎᒋᔪᓂᒃ, ᐱᖃᓯᐅᑎᑐᐃᓐᓇᕆᐊᓕᒃ ᐊᑭᓕᖅᑕᐅᓯᒪᔪᒥᑦ ᖃᖓᑕᓲᕐᒥᑦ, ᑭᓯᐊᓂᓕ ᖃᐅᔨᓴᑦᑎᐊᕋᔭᖅᑐᑎᑦ ᑕᐃᒪᐃᑦᑐᒐᓗᐊᕐᒪᖔᖅ.

ᖃᐅᔨᒪᑦᑎᐊᕆᐊᖃᕐᓂᐊᖅᑐᑎᑦ ᖃᖓᑕᓲᕐᓂᑦ ᓄᓇᕗᒻᒥ ᐃᓛᓐᓂᒃᑯᑦ ᑭᖑᕙᕆᐊᖅᑕᐅᓲᖑᒻᒪᑕ ᓯᓚ ᐱᔾᔪᑎᒋᓪᓗᒍ, ᐱᓗᐊᖅᑐᒥᑦ ᓄᓇᓕᕋᓛᖑᓂᖅᓴᓄᑦ ᒪᓕᒐᕐᓂᑦ ᒪᓕᒋᐊᖃᕐᓂᖏᓐᓄᑦ. ᑲᒪᓇᓗᐊᓐᖏᒻᒥᔪᖅ ᐃᓚᖓᓐᓂ ᖃᖓᑕᓲᕆᓂᐊᖅᑲᐅᔭᐃᑦ ᐊᐃᔅᓯᓵᕆᐊᖃᕐᓂᖅᑲᑦ ᖃᓂᒪᔪᒥᑦ ᓄᓇᓕᓐᓂᑦ ᑕᐃᒪᐃᒐᔪᖃᑦᑕᕐᖓᑕ.

• ᑲᓇᐃᑎᐊᓐ ᖃᖓᑕᓲᓕᕆᔨᒃᑯᖏᑦ
  ᐊᐅᓪᓚᕐᕕᒋᒐᔪᓲᖏᓐᓂ ᐊᐅᓪᓚᖃᑦᑕᓲᑦ ᐊᑭᓖᔪᓐᓇᕆᓪᓗᑎᑦ ᓱᓇᒃᑯᑖᓂᓪᓗ ᑐᔪᐃᔪᓐᓇᕆᓪᓗᑎᑦ ᓱᐱᔪᓕᒫᑦ 737-ᖑᓪᓗᑎᑦ ᓄᓇᕗᓕᐊᓲᑦ ᓄᓇᑦᑎᐊᕐᒧᓪᓗ. ᐅᕙᓐᖔᕈᓐᓇᖅᑐᑦ ᐋᑐᕚᒥ, ᐅᐃᓂᐹᒥ, ᐃᐊᑦᒪᑕᒥ, ᑭᐅᒍᕆ ᕚᓐᑰᕗᒥᓪᓗ. ᑲᓇᑕᒥ ᖃᖓᑕᕙᑦᑐᑦ ᐊᓯᐊᓂᓗ ᑲᓇᑕᐅᑉ ᓯᓚᑖᓂ. ᐊᐅᓪᓚᖅᑐᑦ ᑲᓇᐃᑎᐊᒃᑯᑦ ᓄᐊᑦᑎᔪᓐᓇᕐᒥᔪᑦ ᐳᐃᑦᔅᓂᒃ.
  ᐅᖃᓚᐅᑎᖓ: (867) 669-4000
  ᓱᒃᑲᔪᒃᑰᕈᑎᖓ: (867) 669-4040
  ᐊᑭᖃᓐᖏᑦᑐᖅ ᐅᓚᐅᑎᖓ: 1-800-661-1505
  ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖓ: www.canadiannorth.ca
• ᕘᔅ ᐃᐅᒃᑯᑦ
  ᐊᐅᓪᓚᕐᕕᒋᒐᔪᓲᖏᓐᓂ ᐊᐅᓪᓚᖃᑦᑕᓲᑦ ᐊᑭᓖᔪᓐᓇᕆᓪᓗᑎᑦ ᓄᓇᕗᑦ ᐃᓗᐊᓂ. ᐅᕙᓐᖔᕈᓐᓇᖅᑐᑦ: ᐋᑐᕚᒥᑦ, ᒪᓐᑐᕆᐊ, ᐃᐊᑦᒪᑕᓐ, ᐅᐃᓂᐹᒃ, ᔨᐊᓗᓇᐃᒥᓗ. ᕘᔅ ᐃᐅ ᖃᖓᑕᖃᑦᑕᓲᖅ 26-ᓄ ᓄᓇᓕᓐᓄᑦ ᐅᑭᐅᖅᑕᖅᑐᒥ, 30-ᓂᒃ ᖃᖓᑕᓲᖁᑎᖃᖅᑐᓂ. ᓇᒧᑐᐃᓐᓇᑦᑎᐊᕋᓗᐊᕈᕕᑦ ᖃᖓᑕᓂᕐᓄᑦ ᓄᐊᑦᑎᒍᓐᓇᕐᒥᔪᑎᑦ ᐳᐃᓐᔅᓂᒃ. ᐊᑭᓕᖅᑕᐅᔪᓐᓇᕐᒥᔪᑦ ᖃᖓᑕᓲᑦ ᐊᑭᓖᒍᒪᒐᔭᖅᑐᓄᑦ.
  ᐅᖃᓚᐅᑎᖓ: (613) 839-3340
  ᐃᖃᓗᓐᓂ ᐊᓪᓚᕕᖓ: (867) 979-8308
  ᓱᒃᑲᔪᒃᑰᕈᑎᖓ: (613) 839-5690
  ᐊᑭᖃᓐᖏᑦᑐᖅ ᐅᓚᐅᑎᖓ: 1-800-267-1247
  ᖃᕋᓴᐅᔭᒃᑯᑦ ᑐᕌᕈᑎᖓ: reservat@firstair.ca
  ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖓ: www.firstair.ca
• ᑭᐊᓐ ᐴᕆᒃ ᖃᖓᑕᓲᓕᕆᔨᒃᑯᑦ
  ᐊᐅᓪᓚᕐᕕᒋᒐᔪᓲᖏᓐᓂ ᐊᐅᓪᓚᖃᑦᑕᓲᑦ ᐊᑭᓖᔪᓐᓇᕆᓪᓗᑎᑦ ᕿᑭᖅᑖᓗᒻᒥ.
  ᐅᖃᓚᐅᑎᖓ: (867) 979-0040
  ᓱᒃᑲᔪᒃᑰᕈᑎᖓ: (867) 979-0132
  ᖃᕋᓴᐅᔭᒃᑯᑦ ᑐᕌᕈᑎᖓ: borekyfb@northwestel.com
• ᑭᕙᓪᓕᖅ ᖃᖓᑕᓲᓕᕆᔨᒃᑯᑦ
  ᐊᐅᓪᓚᕐᕕᒋᒐᔪᓲᖏᓐᓂ ᐊᐅᓪᓚᖃᑦᑕᓲᑦ ᐊᑭᓖᔪᓐᓇᕆᓪᓗᑎᑦ ᑭᕙᓪᓕᕐᒥᑦ ᕿᑎᕐᒥᐅᓂᓪᓗ. ᐊᑭᓖᖅᑕᐅᔪᓐᓇᕐᒥᔪᑦ ᖃᖓᑕᓲᑦ ᐊᑭᓖᒍᒪᒐᔭᖅᑐᓄᑦ
  ᐅᖃᓚᐅᑎᖓ: (867) 645-2992
  ᓱᒃᑲᔪᒃᑰᕈᑎᖓ: (867) 645-2330
  ᐅᐃᓂᐹᒥ ᐊᓪᓚᕕᖓ: 1-877-855-1500
• ᐅᓈᓕᒃ ᖃᖓᑕᓲᓕᕆᔨᒃᑯᖏᑦ
  ᐊᐅᓪᓚᕐᕕᒋᒐᔪᓲᖏᓐᓂ ᐊᐅᓪᓚᖃᑦᑕᓲᑦ ᐊᑭᓖᔪᓐᓇᕆᓪᓗᑎᑦ ᕿᑭᖅᑖᓗᒻᒥ.
  ᐅᖃᓚᐅᑎᖓ: (867) 979-6795
  ᐊᑭᖃᓐᖏᑦᑐᖅ ᐅᖃᓚᐅᑎᖓ: 1-866-366-6784
  ᓱᒃᑲᔪᒃᑰᕈᑎᖓ: (867) 979-6798
  ᖃᕋᓴᐅᔭᒃᑯᑦ ᑐᕌᕈᑎᖓ: unaalik-operations@nunanet.com

ᑖᒃᓯᑦᑏᑦ

ᓄᓇᓕᓕᒫᐸᓗᓐᓂᑦ, ᑖᒃᓯᑕᖃᓲᖅ ᖃᖓᑕᓲᖅᑕᖃᓚᐅᖅᑎᓪᓗᒍ. ᐅᖃᓚᐅᑎᓂᒃ ᑎᒍᑐᐃᓐᓇᕐᓂᑦ ᑖᒃᓯᓄᑦ ᑐᕋᐃᓐᓇᖅᑐᓂᒃ ᐱᑕᖃᕋᔪᓲᖑᒻᒥᔪᖅ ᐃᓚᖏᓪᓗ ᑐᔪᕐᒥᕕᓐᓄᑦ. ᑕᒃᓰᑦ ᐊᑭᖃᕋᔪᓲᑦ ᐊᔾᔨᒌᓐᓂᑦ ᐊᑐᓂ ᐃᓄᓐᓄᑦ, ᐊᑕᐅᑦᑎᑯᓪᓗ ᐅᓯᒐᔪᓲᖑᓪᓗᑎᒃ, ᑲᒪᒐᔭᓐᖏᓚᑎᑦ ᐊᓯᐊᓅᕈᔾᔨᓂᖅᑲᑦ ᑖᒃᓯ ᐋᑦᑎᓂᖅᑲᓪᓘᓐᓃᑦ ᐃᕕᑦ ᐅᐸᒐᓱᑦᑕᖓᓅᓚᐅᓐᖏᓂᓐᓂᑦ, ᐃᑭᒪᔪᖃᖅᑲᓪᓗ ᐃᑭᑐᐃᓐᓇᕈᓐᓇᕐᒥᔪᑎᑦ. ᐊᑕᐅᓯᕐᒥᑦ ᒪᕐᕉᓂᓪᓘᓐᓃᑦ ᑖᒃᓯᑕᖃᕋᔪᓲᖅ ᓄᓇᓕᒻᒥᑦ, ᐃᑭᑐᐃᓐᓇᕈᓐᓇᖅᑐᑎᑦ ᐃᓂᖃᑐᐊᕈᕕᑦ.

ᓄᓇᓯᐅᑎᒥᒃ ᐊᑐᖅᑐᐊᕐᓂᖅ

ᓄᓇᕗᒻᒥ ᓄᓇᓕᓕᒫᐸᓗᐃᑦ ᓄᓇᓕᕋᓛᐸᓘᑏᓐᓇᐅᒐᓗᐊᑦ ᐱᓱᓪᓗᓂ ᕿᒥᕐᕈᔭᔅᓴᐃᑦ, ᐃᓚᖏᑦ ᓄᓇᓖᑦ ᐊᑐᖅᑐᐊᕋᔅᓴᖅᑕᖃᓲᖑᒻᒥᔪᑦ ᓄᓇᓯᐅᑎᓂᒃ ᑖᒃᓰᑦ ᐊᓪᓛᒃ. ᕿᑎᕐᒥᐅᓂᑦ, ᓄᓇᓕᓐᓂᒃ ᓲᕐᓗ ᐃᖃᓗᑦᑐᑦᑎᐊᕐᒥ, ᐊᑐᕆᐊᖅᑕᖃᐅᕐᖓᑦ ᐊᓯᖏᓐᓄᑦ ᓄᓇᓕᓐᓄᑦ ᐅᕝᕙᓘᓐᓃᑦ ᐃᓄᓐᓄᑦ ᐊᑐᖅᑕᐅᕙᑦᑐᓂᒃ ᐃᓪᓗᕋᓛᖓᓅᖅᐸᑦᑐᓂᒃ ᑐᐱᕐᕕᖏᓐᓄᓪᓗ. ᐊᒻᒪᓗ, ᐃᖃᓗᓐᓂ ᑲᖏᖅᖠᓂᕐᒥᓪᓗ ᐊᑐᕆᐊᖅᑕᖃᐅᕐᒥᔪᖅ ᓄᓇᓕᐅᑉ ᓯᓚᑖᓄᑦ ᖁᐊᖅᑕᖅᑐᓪᓗᑎᑦ, ᑭᓯᐊᓂᓕ, ᓄᓇᓕᓕᒫᐸᓗᐃᑦ ᓯᐅᕋᕐᓂᑦ ᐊᑐᕆᐊᖃᕋᔪᑦᑐᑦ. ᐊᑐᕆᐊᒐᓛᓘᓐᖏᒃᑲᓗᐊᖅᑐᑎᑦ, ᐱᓲᑎᒥᒃ ᐊᑐᖅᑐᐊᕐᕕᔅᓴᐅᒻᒥᔪᖅ, ᓯᑭᑐᕐᓂᑦ, ᐊᓯᖏᓪᓗ ᓄᓇᓯᐅᑎᓄᑦ ᐅᓯᑲᖅᑕᐅᑎᓄᓪᓘᓐᓃᑦ ᐊᑐᕋᔅᓴᐅᒻᒥᔪᑦ. ᐊᑐᖅᑐᐊᕐᓂᐊᕐᓗᓂ ᓄᓇᓯᐅᑎᒥᒃ ᓄᓇᕗᒻᒥ, ᑲᓇᑕᒥ, ᐅᑭᐅᖅᑕᖅᑐᒥ ᓯᓚᕐᔪᐊᒥᓘᓐᓃᑦ ᐃᓕᓴᕆᔭᐅᓯᒪᔪᓄᑦ ᐊᖁᑦᑐᖅᓯᐅᑎᖃᕆᐊᖃᖅᑐᑎᑦ. ᓂᐅᕐᕈᓯᒪᔪᑦ ᖃᐅᔨᒪᔭᕆᐊᖃᕐᒥᔪᑦ ᐊᑐᖅᑐᐊᕐᓂᐊᕐᓂᕈᑎᒃ ᓄᓇᓯᐅᑎᒥᒃ ᐊᐅᓪᓚᕈᔾᔨᔩᑦ ᑐᔪᕐᒥᕖᓪᓗ ᐋᑦᑎᒐᔪᓲᑦ ᐊᐃᖅᓯᒐᔪᑦᑐᑎᓪᓗ.

ᐋᖅᑮᓇᓱᐊᕐᓂᖅ ᓂᐅᕐᕈᓯᒪᓂᕆᓂᐊᖅᑕᒥᓂᒃ ᕿᒥᕐᕈᔭᖅᑐᕐᓂᐊᕐᓗᓂ

ᓂᐅᕐᕈᓯᒪᔪᓄᑦ ᖃᓄᐃᓘᕈᓘᔭᕆᐊᖅᑐᖅᑐᓄᑦ ᓄᓇᕗᒻᒧᑦ, ᐊᐅᓪᓚᕈᔾᔨᔩᑦ ᕿᒥᕐᕈᑎᑦᑎᔩᓪᓗ ᐅᑎᖅᑕᕆᐊᕐᕕᔅᓴᒥᑦ ᐊᔾᔨᒌᓐᖏᑦᑐᓂᒃ ᐱᔨᑦᑎᕋᓲᖑᒻᒥᔪᑦ. ᐊᐅᓪᓚᕈᔾᔨᔩᑦ ᐊᐅᓪᓚᕈᔾᔨᓲᑦ ᐱᒋᐊᖅᑐᒋᑦ ᒫᔾᔨᒥ ᓰᑏᑉᐱᕆᒧᑦ, ᓄᓇᕗᒻᒥ ᑕᒫᓂ ᐳᓚᕋᖅᑎᑕᖃᕐᓂᖅᐹᖑᓲᖑᓪᓗᓂ. ᐃᖅᑲᓇᐃᔭᓐᖏᒃᑲᓗᐊᖅᑎᓪᓗᒋᑦ ᖃᐅᔨᒋᐊᖅᑕᐅᔪᓐᓇᕐᒥᔪᑦ ᐸᕐᓇᖅᑐᓄᑦ, ᑭᓯᐊᓂᓕ ᓂᓪᓚᓱᓐᓂᖓᓐᓄᑦ ᐅᓪᓗᑭᖃᑦᑕᖅᑐᓂᓗ, ᓂᐅᕐᕈᒐᔪᓲᑦ ᐳᓚᕋᖅᑏᑦ ᐅᓪᓗᖅᑐᓯᓂᖅᓴᐅᑎᓪᓗᒍ ᓂᓪᓚᓱᓐᖏᓂᖅᓴᐅᑎᓪᓗᒍᓗ.

ᓄᓇᓕᓐᓅᖅᑕᐅᑎᒋᓂᐊᕈᕕᑦ ᓄᓇᒃᑰᕈᒪᓐᓂᕈᕕᑦ ᐃᖃᓪᓕᐊᕐᓂᐊᕐᓂᕈᕕᓪᓘᓐᓃᑦ, ᖃᐅᔨᒋᐊᖅᑳᕋᔭᖅᑯᑎᑦ ᐳᓚᕋᕐᕕᒻᒧᑦ, ᕼᐊᒻᒪᓚᒃᑯᑦ ᐊᓪᓚᕕᖓᓐᓄᑦ ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒃᑯᓐᓄᑦ - ᖃᐅᔨᑎᑦᑎᒍᓐᓇᕋᔭᖅᑐᑦ ᓄᓇᓕᓐᓂᑦ ᓚᐃᓴᔅᓯᖃᖅᑐᓄᑦ ᐊᐅᓪᓚᕈᔾᔨᔨᓂᑦ.

ᖃᐅᔨᒋᐊᕐᓗᑎᓪᓗ ᓄᓇᕗᑦ ᐳᓚᕋᖅᑐᓕᕆᔨᒃᑯᖏᓐᓄᑦ (www.nunavuttourism.com) ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐊᐅᓪᓚᕈᔾᔨᔩᑦ ᒥᔅᓵᓄᑦ, ᕿᒥᕐᕈᐊᖅᑎᑦᑎᔨᓄᑦ, ᐋᖅᑭᔅᓱᐃᔪᒪᓐᓂᕈᕕᓪᓗ ᓂᐅᕐᕈᓯᒪᓂᕆᓂᐊᖅᑕᕐᓂᑦ.

ᑐᔪᕐᒥᕖᑦ

ᓂᕈᐊᕈᓐᓇᑦᑎᐊᖅᑐᑎᑦ ᑐᔪᕐᒥᕕᒋᒍᒪᔭᕐᓂᑦ ᓄᓇᕗᒻᒦᓂᕐᓂᑦ, ᑐᔪᕐᒥᕕᒻᒥ ᑲᑎᒪᕕᖃᖅᑐᓂᒃ ᐅᕝᕙᓘᓐᓃᑦ ᓯᓂᑦᑕᕐᕕᕋᓛᕐᒥᑦ ᐊᒻᒪᓘᓐᓃᑦ ᐳᓚᕋᖅᑐᓕᕆᔩᑦ ᐊᖏᕐᕋᖏᓐᓂ, ᐊᓪᓛᓪᓗ ᐃᓄᐃᑦ ᐊᖏᕐᕋᖓᓃᒍᓐᓇᕆᓪᓗᑎᑦ. ᑎᑎᕋᖅᓯᒪᔪᓂᒃ ᑐᔪᕐᒥᕕᔅᓴᓂᒃ ᓄᓇᓕᓐᓂᒃ ᐱᑕᖃᕐᒥᔪᖅ ᒥᕐᖑᐃᖅᓯᕐᕕᓕᕆᕙᑦᑐᓂᑦ ᐱᑕᖃᕐᒥᔪᖅ.

ᓄᓇᕗᒻᒥ, ᑐᔪᕐᒥᕕᑦ ᐊᔾᔨᒌᓐᖏᑦᑐᑦ ᓴᓗᒻᒪᓴᖅᑕᐅᖃᑦᑕᕐᓗᑎᑦ ᐅᕝᕙᓘᓐᓃᑦ ᑐᔪᕐᒥᕕᕋᓛᓂᒃ, ᐊᖏᕐᕋᒥᓪᓘᓐᓃᑦ ᑐᔪᕐᒥᓗᑎᑦ, ᓯᓂᑦᑕᕐᕕᕋᓛᒻᒥᓪᓘᓐᓃᑦ ᐊᓪᓛᖃᐃ ᐃᓪᓗᕕᒐᒻᒦᑲᐃᓐᓇᕈᓐᓇᕋᔭᕐᒥᔪᑎᑦ. ᓄᓇᕗᒻᒦᓂᓐᓂ ᐊᔾᔨᐅᖏᑦᑐᒥᑦ ᐊᑐᕈᒪᓐᓂᕈᕕᑦ, ᑐᔪᕐᒥᕕᒻᒦᒍᓐᓇᖅᑐᑎᑦ ᐅᕝᕙᓘᓐᓃᑦ ᓄᓇᓕᕋᓛᖑᓂᖅᓴᓂᒃ ᐊᔾᔨᐅᖏᑦᑐᒥᑦ ᐊᑐᕈᓐᓇᕐᒥᔪᑎᑦ ᐱᖅᑯᓯᖏᓐᓂ ᒪᓕᓪᓗᑎᑦ.

ᑐᔪᕐᒥᕕᑦᑕᖃᐅᖅᑐᑦ ᓄᓇᕗᒻᒥ ᐱᐅᑦᑎᐊᖅᑐᑎᑦ ᐃᓚᖏᑦ ᐱᔨᑦᑎᕋᖅᑎᖃᐅᖅᑐᑎᒃ - ᐊᔾᔨᑐᐃᓐᓇᐸᓗᒋᓪᓗᓂᒋᑦ ᓇᒥᑐᐃᓐᓇᖅ ᑲᓇᑕᒥ. ᑭᓯᐊᓂᓕ. ᐊᒥᓱᑦ ᓄᓇᓖᑦ ᑐᔪᕐᒥᕕᖏᑦ ᐱᐅᓂᖅᐹᒻᒪᕆᐅᓐᖏᑦᑐᑦ, ᓴᓗᒪᑦᑎᐊᕋᓗᐊᖅᑐᑎᒃ ᐊᐅᓚᑦᑎᐊᕈᓐᓇᖅᑐᑎᓪᓗ. ᓄᓇᓕᕋᓛᖑᓂᖅᓴᓂᒃ ᐱᕕᑭᓐᓂᖅᓴᐃᑦ, ᐊᓯᖏᓐᓂᓪᓗ ᐃᓪᓗᖃᑎᖃᑐᐃᓐᓇᕆᐊᖃᖅᑐᑎᑦ. ᑕᒪᓐᓇ ᐊᑲᐅᓐᓈᖅᑐᔮᓐᖏᑦᑐᒐᓗᐊᖅ ᐃᓄᑐᐊᕐᒧᑦ ᓂᐅᕐᕈᓯᒪᔪᒧᑦ, ᑭᓯᐊᓂᓕ ᓇᓗᓇᓐᖏᑦᑎᐊᖅᑐᖅ ᑲᑎᓯᒍᓐᓇᖅᑐᑎᑦ ᑭᓇᑐᐃᓐᓇᑦᑎᐊᕐᓂᑦ ᓇᑭᓐᖔᖅᓯᒪᑐᐃᓐᓇᑦᑎᐊᖅᑐᓂᑦ, ᐊᔾᔨᒌᓐᖏᑦᑐᓂᓪᓗ ᐱᓕᕆᔪᓐᓇᑦᑎᐊᖅᑐᓯ ᖃᓄᐃᓘᖅᑎᑕᐅᒍᓐᓇᕆᓪᓗᓯᓗ. ᑕᐃᒫᑦᑕᐅ ᐅᑭᐅᖅᑕᖅᑐᒥ ᐊᑐᖅᑕᐅᖏᓐᓇᕐᒥᔪᑦ - ᑐᔪᕐᒥᕖᑦ ᐊᑭᑐᒻᒪᑕ - ᑕᒫᓂᖃᐃ $140-ᒥᑦ ᐱᒋᐊᖅᑐᒍ $180-ᒨᖓᒍᓐᓇᖅᑐᖅ ᐅᓐᓄᐊᖏᓐᓇᖅ, ᓂᕆᔾᔪᑏᑦ ᐱᖃᓯᐅᑎᓐᓇᒋᑦ. ᐊᑭᓖᒃᑲᓐᓂᕆᐊᖃᕋᔭᕆᓪᓗᑎᑦ ᑕᒫᓂᖃᐃ $60-ᒥᑦ $90-ᒧᑦ ᐅᓪᓗᒧᑦ ᐊᑕᐅᓯᕐᒧᑦ ᑐᔪᕐᒥᕕᒻᒥ ᓂᕆᓐᓂᕈᕕᑦ - ᓂᕆᕕᑦᑕᖃᕋᔪᓲᖑᓐᖏᑦᑐᖅ ᐊᓯᖏᓐᓂ ᓄᓇᓕᓐᓂᑦ. ᖃᐅᔨᒪᒋᐊᖃᕐᒥᔪᑎᑦ ᐊᑭᖏᑦ ᒪᓕᒐᔪᓲᑦ ᐊᑕᐅᓯᕐᒧᑦ ᐃᓄᒻᒧᑦ ᐅᕝᕙᓘᓐᓃᑦ ᐊᑕᐅᓯᕐᒧᑦ ᐃᓪᓕᕐᒥᑦ, ᐊᑕᐅᓯᕐᒧᑦ ᐃᓪᓗᕈᓯᕐᒨᖓᒐᔪᓐᖏᑦᑐᑦ.

ᓄᓇᓖᑦ ᐊᒥᓱᑲᓪᓚᐃᑦ ᓯᓂᑦᑕᕐᕕᖃᖅᑐᑦ ᑐᔪᕐᒥᕕᒻᒦᒍᒪᓐᓂᖏᒃᑯᕕᑦ. ᐊᑭᑭᓐᓂᖅᓴᐅᒐᔪᓲᑦ, ᐅᓪᓛᕈᕐᒥᑕᕐᕕᔅᓴᐅᓪᓗᓂᓗ ᐱᖃᓯᐅᑎᓯᒪᓪᓗᓂ. ᓂᕆᓂᕆᖃᑦᑕᕐᓂᐊᖅᑕᕐᓂᑦ ᐋᖅᑭᔅᓱᐃᓯᒪᒋᐊᖃᕐᒥᔪᑎᑦ ᑐᔪᕐᒥᕕᓐᓂᑦ ᐊᓯᐊᓂᓘᓐᓃᑦ ᓂᕆᓂᐊᕐᓂᕈᕕᑦ ᖃᐅᔨᒪᑎᑦᑎᒋᐊᖃᕆᓪᓗᑎᑦ. ᐳᓚᕋᖅᑐᓕᕆᔩᑦ ᐊᖏᕐᕋᖏᑦ ᑕᐃᒪᐃᒻᒥᔪᑦ, ᑰᖃᕐᕕᒻᒥᓪᓕ ᐊᑐᕈᓐᓇᑦᑎᐊᖅᑐᑎᑦ ᓇᒻᒥᓂᕐᓗ ᓂᕿᓕᐅᖃᑦᑕᕐᓗᑎᑦ.

ᐃᓚᖏᑦ ᓂᐅᕐᕈᓯᒪᔪᑦ ᐱᖅᑯᓯᕐᒥᑦ ᑕᑯᒍᒪᔪᑦ ᐃᓄᐃᑦ ᐊᖏᕐᕋᖏᓐᓂ ᑐᔪᕐᒥᔪᓐᓇᕐᒥᔪᑦ. ᑐᔪᕐᒥᕕᑎᑐᓐᖏᑦᑐᓪᓕ, ᐊᖏᕐᕋᒥ ᒪᓕᔅᓴᐃᓐᓇᕆᐊᖃᓐᖏᑦᑐᑦ ᒪᓕᒐᕐᓂᑦ ᐅᕝᕙᓘᓐᓃᑦ ᐊᑦᑕᓇᖅᑕᐃᓕᒪᓂᕐᒥᑦ ᒪᓕᒐᕐᓂᑦ ᓚᐃᓴᔅᓯᖃᔅᓴᐃᓐᓇᕆᐊᖃᕋᑎᓪᓗ ᓄᓇᕗᑦ ᒐᕙᒪᒃᑯᖏᓐᓄᑦ. ᓇᒻᒥᓂᖅ ᖃᐅᔨᓴᕈᓐᓇᖅᑐᑎᑦ ᖃᓄᑦᑐᓂᒃ ᐱᔨᑦᑎᕋᐅᑎᑕᖃᕐᒪᖔᖅ. ᒪᑯᐊ ᐃᓱᒪᒋᔭᕆᐊᖃᕐᓂᐊᕐᒥᔭᑎᑦ, “ᑕᐃᒪᐃᓚᐅᖅᓯᒪᕖᑦ ᐅᐊᑦᑎᐊᕈ?”, “ᓂᕆᔭᔅᓴᐃᑦ ᐱᖃᓯᐅᑎᓯᒪᕙᑦ?”, ᐊᒻᒪᓗ “ᓇᒻᒥᓂᖅ ᐃᓪᓗᕈᓯᖃᕋᔭᖅᑯᖔ ᐃᓪᓗᒥᓪᓘᓐᓃᑦ?” ᐃᓄᐃᑦ ᐊᔅᓱᐊᓗᒃ ᑐᓐᖓᓇᑐᑦ ᐊᖏᕐᕋᒥᓪᓗ ᑐᔪᕐᒥᖔᖅᑐᓂ ᖃᐅᔨᓇᕐᓂᖅᓴᐅᒻᒥᔪᖅ ᑭᓱᑐᐃᓐᓇᕐᓂᑦ, ᑭᓯᐊᓂᓕ ᖃᐅᔨᒪᓂᐊᖅᑯᑎᑦ ᐊᔾᔨᒋᓐᖏᑦᑎᐊᖅᑕᖓᓐᓂ ᐃᓅᓇᓱᐊᓲᖑᒻᒪᑕ ᐊᔾᔨᐅᖏᑦᑐᓂᓪᓗ ᐊᑐᓲᖑᓪᓗᑎᑦ ᑕᑯᔭᐅᒐᔪᓐᖏᑦᑐᓄᑦ ᓂᐅᕐᕈᓯᒪᔪᓄᑦ. ᐊᖏᕐᕋᒥ ᑐᔪᕐᒥᒍᒪᓐᓂᕈᕕᑦ, ᐅᕐᑳᓚᖅᑳᕋᔭᖅᑯᑎᑦ ᕼᐊᒻᒪᓚᒃᑯᓐᓄᑦ ᐅᕝᕙᓘᓐᓃᑦ ᐳᓚᕋᖅᑐᓕᕆᔨᒃᑯᓐᓄᑦ ᓄᓇᓕᓐᓄᑦ ᓂᐅᕐᕈᕕᒋᔪᒪᔭᕐᓄᑦ ᐃᓚᒌᑦ ᐊᑎᓕᐅᖅᓯᒪᒻᒪᑕ ᑐᔪᕐᒥᕕᐅᒍᓐᓇᖅᑐᑦ.

ᓄᓇᓕᐅᑉ ᓯᓚᑖᓂ ᑐᔪᕐᒥᕕᑦᑕᖃᐅᕐᒥᔪᖅ ᓄᓇᓕᕋᓛᓐᓂᓪᓗ ᓄᓇᕗᒻᒥ. ᓄᓇᓕᓐᓃᒐᔪᓐᖏᑦᑐᑦ ᑭᓯᐊᓂ ᐊᐅᓚᓲᑦ ᐳᓚᕋᖅᑎᑕᖃᖃᑦᑕᓕᖅᑎᓪᓗᒍ. ᐊᒥᓱᑦ ᐃᓪᓗᖏᑦ ᓂᕆᑎᑦᑎᖃᑦᑕᓲᑦ ᐅᑭᐅᖅᑕᖅᑐᒥᓪᓗ ᖃᓄᐃᓘᖅᑎᑦᑎᕙᑦᑐᑎᒃ ᐊᐅᓪᓚᕈᔾᔨᖃᑦᑕᖅᑐᑎᓪᓗ ᓲᕐᓗ ᐃᖃᓪᓕᐊᕈᔾᔨᒍᓐᓇᖅᑐᑦ ᓂᕐᔪᑎᓂᓪᓘᓐᓃᑦ ᑕᑯᓐᓇᖅᑐᖃᕈᒪᓐᓂᖅᑲᑦ. ᐊᑲᐅᑦᑎᐊᖅᑐᑦ, ᑭᓯᐊᓂᓕ ᑐᔪᕐᒥᕕᖃᕋᔭᖅᑐᑎᑦ ᓄᓇᓕᕋᓛᓐᓂᒃ ᓇᒻᒥᓂᕐᓗᖃᐃ ᐴᒡᒋᕆᐊᖃᕋᔭᖅᑐᑎᑦ.

ᖃᐅᔨᒋᐊᕐᓗᑎᓪᓗ ᓄᓇᕗᑦ ᐳᓚᕋᖅᑐᓕᕆᔨᒃᑯᖏᓐᓄᑦ (www.nunavuttourism.com) ᑐᑭᓯᒋᐊᒃᑲᓐᓂᕈᓐᓇᕐᒥᔪᑎᑦ ᖃᖓᑦᑕᐅᑎᓕᕆᔨᒃᑯᓐᓂ ᑐᔪᕐᒥᕕᒋᓂᐊᖅᑕᕕᑦ ᒥᔅᓴᓄᑦ.