ᐳᓚᕋᕐᕖᑦ
ᓄᓇᕗᑦ ᐳᓚᕐᕖᑦ ᓯᕗᓪᓕᖅᐹᒥ ᖃᐅᔨᒋᐊᕐᕕᐅᔪᓐᓇᖅᑐᑦ ᓄᓇᕗᒻᒨᓚᐅᓐᖏᓂᓐᓂᑦ. ᓄᓇᓕᓐᓂ ᐳᓚᕋᕐᕕᐅᔪᑦ ᑲᑎᕝᕕᐅᕙᑦᑐᖅ ᓄᓇᖅᑲᑎᒌᓐᓄᑦ ᐃᓕᖅᑯᓯᖏᓐᓂ ᐊᑐᖅᑐᑎᑦ; ᑕᑯᔅᓴᐅᑎᑦᑎᑦᑎᐊᖅᑐᑦ ᐱᒻᒪᕆᐅᔪᓂᑦ ᓄᓇᕗᑦ ᒥᔅᓵᓄᑦ; ᓇᓗᓇᐃᖅᓯᔪᓐᓇᑦᑎᐊᖅᑐᑦ ᓄᓇᕗᒻᒥᐅᑦ ᓄᓇᐃᓪᓗ ᒥᔅᓵᓄᑦ; ᓇᓪᓕᐅᓂᖅᓯᐅᖅᐸᑦᑐᑎᑦ ᓴᖅᑭᔮᖅᑎᑦᑎᕙᑦᑐᑎᓪᓗ ᐳᓚᕋᖅᑐᓕᕆᓂᕐᒥᑦ, ᓄᓇᓕᓐᓂᑦ ᐊᕕᑦᑐᖅᓯᒪᔪᓂᒃ ᐅᑭᐅᖅᑕᖅᑐᒥᓪᓗ ᒪᓂᒪᓴᐅᑎᓂᒃ.
ᖃᐅᔨᒋᐊᕈᓐᓇᖅᑐᑎᑦ ᐳᓚᕋᕐᕕᒻᒧᑦ ᑎᑭᓚᐅᓐᖏᓂᓐᓂᑦ, ᑎᑭᒃᑯᕕᓪᓘᓐᓃᑦ, ᐅᖃᓕᒫᒐᕋᓛᕐᓂᑦ ᐱᓗᑎᑦ ᐱᔭᕆᐊᓕᓐᓂᑦ. ᐃᖅᑲᓇᐃᔭᖅᑏᑦ ᖃᐅᔨᒋᐊᕈᓐᓇᖅᑐᑦ ᐊᐅᓪᓚᕈᔾᔨᒍᓐᓇᖅᑐᓂᑦ ᒥᕐᖑᐃᖅᓯᕐᕕᓕᐊᕈᔾᔨᒐᔭᖅᑐᓂᑦ ᐅᓪᓗᐃᓐᓇᕐᒥᓪᓘᓐᓃᑦ ᓄᓇᒦᑎᑦᑎᒋᐊᖅᑐᕐᓗᑎᑦ, ᐊᖏᕐᕋᒥᓪᓘᓐᓃᑦ ᑐᔪᕐᒥᔪᒪᓐᓂᕈᕕᑦ ᐅᓐᓄᐊᖏᓐᓇᖅ, ᕿᒥᕐᕈᔪᒪᓐᓂᕈᕕᓪᓘᓐᓃᑦ ᑕᒫᓃᓐᓂᓐᓂᑦ.
ᒫᒡᒍᓚ ᐊᓂᒃᓴᒃ ᐳᓚᕋᕐᕕᖓ (ᐊᕐᑯᐊᑦ)
ᒫᒡᒍᓚᑦ ᐊᓂᒃᓴᒃ ᐳᓚᕋᕐᕕᖓ ᓇᓪᓕᐅᓂᖅᓯᐅᓲᖅ ᐊᕐᕕᐊᓂᑦ ᐹᓪᓚᐃᓂᓪᓗ. ᐊᒥᓱᓂᑦ ᑕᑯᔅᓴᐅᑎᑦᑎᓪᓗᑎᒃ ᓴᓇᕐᕈᑎᐅᕙᑦᑐᒥᓂᕐᓂᑦ, ᐃᓄᐃᑦ ᐱᓐᖑᐊᕈᓯᖏᓐᓂ ᐊᓐᓄᕌᓕᐅᕈᓯᖏᓐᓂᓪᓗ. ᐳᓚᕋᕐᕕᒃ ᒪᑐᐃᖓᓲᖅ ᐳᓚᕋᖅᑏᑦ ᓂᐅᕐᕈᖃᑦᑕᓕᖅᑎᓪᓗᒋᑦ, ᔪᓚᐃᑉ ᓄᓐᖑᐊᓂ ᓰᑏᑉᐱᕆᒧᑦ. ᒪᑐᐃᖓᓚᐅᖅᐸᒻᒥᔪᖅ ᓇᓪᓕᐅᓂᖅᓯᐅᖅᑎᓪᓗᒋᑦ.
- ᐅᖃᓚᐅᑎᖓ: 867-857-2366
- ᓱᒃᑲᔪᒃᑰᕈᑎᖓ: 867-857-2519
ᕕᐅᐸ ᐊᑯᒪᓕᒃ ᐳᓚᕋᕐᕕᖓ/ᖃᒪᓂᑦᑐᐊᖅ ᐳᓚᕋᕐᕕᖓ (ᖃᒪᓂᑦᑐᐊᖅ)
ᐅᐊᑦᑎᐊᕈᒧᑦ ᑕᑯᓐᓇᓐᖑᐊᓕᕈᓐᓇᖅᑐᑎᑦ ᓂᐅᕕᖅᑎᒃᑯᒥᓂᕐᓂᑦ ᕕᐅᕋ ᐊᑯᒪᓕᒃ ᐳᓚᕋᕐᕕᖓᓐᓂ ᖃᒪᓂᑦᑐᐊᕐᒥ - ᑲᓇᑕᒥ ᐅᐸᑦᑕᐅᒐᔪᑦᑐᖅ. ᕕᐅᕋ ᐊᑯᒪᓕᒃ ᐳᓚᕋᕐᕕᖓᓅᕐᓗᑎᑦ, ᖃᒪᓂᑦᑐᐊᑉ ᑕᑯᔭᒐᖃᕐᕕᖓᓐᓄᑦ, ᐅᕝᕙᓘᓐᓃᑦ ᔭᓯ ᐆᓇᖅ ᓴᓇᓐᖑᐊᒐᖃᕐᕕᖓᓐᓄᑦ, ᑕᐃᑯᖓᓘᓐᓃᑦ ᑕᓚᓐ ᑰᖓᓐᓄᑦ, ᑲᔮᓐ ᑰᖓᓐᓄᑦ, ᑕᓚᓐ ᓂᕐᔪᑎᕐᕕᖓᓄᓪᓘᓐᓃᑦ ᐅᐸᓪᓗᑎᑦ.
- ᐅᖃᓚᐅᑎᖓ: (867) 793-2456
- ᓱᒃᑲᔪᒃᑰᕈᑎᖓ: (867) 793-2175
ᖃᒪᓂᑦᑐᐊᖅ ᐳᓚᕋᕐᕕᖓ:
- ᐅᖃᓚᐅᑎᖓ: (867) 793-2598
- ᓱᒃᑲᔪᒃᑰᕈᑎᖓ: (867) 793-2509
ᐅᑭᐅᖅᑕᖅᑐᒥ ᓯᔾᔭᖏᓐᓂ ᐳᓚᕋᕐᕕᖓ (ᐃᖃᓗᑦᑐᑦᑎᐊᖅ)
ᕿᒥᕐᕈᓗᒋᑦ ᐊᑐᖅᑕᐅᓚᐅᖅᓯᒪᔪᖅ ᐅᑭᐅᖅᑕᖅᑐᒥ ᐅᒥᐊᕐᔪᐊᒃᑯᑦ ᐊᖅᑯᑕᐅᓚᐅᖅᓯᒪᔪᖅ ᐅᑭᐅᖅᑕᖅᑐᑉ ᐳᓚᕋᕐᕕᖓᓐᓂ ᐃᖃᓗᑦᑐᑦᑎᐊᕐᒥ. ᐳᓚᕋᕐᕕᒨᕐᒥᓗᑎᑦ ᐅᕙᔪᖅ ᐅᑭᐅᖅᑕᖅᑐᒥ ᒥᕐᖑᐃᖅᓯᕐᕕᖓᓐᓄᑦ ᓄᓇᖓᓐᓄᓪᓗ, ᓄᓇᓕᓐᓂᓪᓗ ᐳᓚᕋᕈᒪᓐᓂᕈᕕᑦ ᐋᖅᑮᔪᓐᓇᕐᒥᔪᑎᑦ.
- ᐅᖃᓚᐅᑎᖓ: (867) 983-2842
- ᓱᒃᑲᔪᒃᑰᕈᑎᖓ: (867) 983-2302
ᒪᓪᓕᒃᔪᐊᖅ ᒥᕐᖑᐃᖅᓯᕐᕕᐅᑉ ᐳᓚᕋᕐᕕᖓ (ᑭᓐᖓᐃᑦ)
ᐅᒥᐊᕐᔪᐊᒃᑯᑦ ᖃᓪᓗᓈᖅᑕᐅᑎᓂᒃ ᐊᖅᑯᓵᖅᑕᐅᕙᒻᒥᔪᒃ ᒪᓪᓕᒃᔪᐊᖅ ᐅᑭᐅᖅᑕᖅᑐᒥ ᒥᕐᖑᐃᖅᓯᕐᕕᒃ ᑭᓐᖓᕐᓂᑦ, ᒪᓪᓕᒃᔪᐊᖅ ᐳᓚᕋᕐᕕᖓ ᐃᑦᑕᕐᓂᓴᖃᕐᒥᔪᖅ ᑐᓂᒥᓂᕐᓂᑦ ᐱᒋᔭᐅᓯᒪᔪᓂᒃ ᒪᓪᓕᒃᔪᐊᖅ ᕿᑭᖅᑕᖓᓂᓪᓗ. ᐸᕐᓇᓪᓗᑎᑦ ᐱᒋᐊᕈᓐᓇᖅᑐᑎᑦ ᑕᒫᓐᖓᑦ ᒥᕐᖑᐃᖅᓯᕐᕕᓕᐊᖅᐸᓪᓕᐊᓗᑎᒃ.
- ᐅᖃᓚᐅᑎᖓ: (867) 897-8996
- ᓱᒃᑲᔪᒃᑰᕈᑎᖓ: (867) 897-8475
ᐅᓂᒃᑳᕐᕕᒃ ᐳᓚᕋᕐᕕᖓ (ᐃᖃᓗᐃᑦ)
ᐅᓂᒃᑳᕐᕕᒃ ᐳᓚᕋᕐᕕᖓ ᓇᓪᓕᐅᓂᖅᓯᐅᓲᖅ ᓄᓇᕗᒻᒥ - ᓄᓇᖏᓐᓂ, ᐃᓄᖏᓐᓂ, ᖃᓄᐃᓐᓂᐅᓚᐅᖅᓯᒪᔪᓂᓪᓗ. ᐳᓚᕋᕐᕕᒃ ᖃᓄᐃᓘᖅᑎᑦᑎᒍᓐᓇᕐᒥᔪᖅ ᐃᖃᓗᓐᓃᓐᓂᓐᓂᑦ, ᐊᐅᓪᓚᕈᔾᔭᐅᓗᑎᑦ ᐳᕉᐱᓱ ᐸᐃᒧᑦ ᐱᓱᓪᓗᑎᓪᓘᓐᓃᑦ ᐃᖃᓗᓐᓂ - ᓄᓇᕗᑦ ᑐᑦᑕᕐᕕᖓ. ᐳᓚᕋᕐᕕᒃ ᐱᒋᐊᕐᕕᑦᑎᐊᕙᐅᕗᖅ ᓯᐅᕕᐊ ᒍᕆᓂᐊᒨᕐᓗᑎᑦ ᒥᕐᖑᐃᖅᓯᕐᕕᒻᒧᑦ ᖃᐅᒻᒫᕐᕕᒧᓪᓘᓐᓃᑦ ᒥᕐᖑᐃᖅᓯᕐᕕᒻᒧᑦ, ᖃᓂᑦᑐᐃᓐᓇᐅᓪᓗᑎᑦ ᐃᖃᓗᓐᓄᑦ, ᐊᑎᓕᐅᕐᓗᑎᓪᓘᓐᓃᑦ ᐃᓯᕐᓂᐊᕋᕕᑦ ᑲᑕᓐᓇᓕᒃ ᐅᑭᐅᖅᑕᖅᑐᑉ ᒥᕐᖑᐃᖅᓯᕐᕕᖓᓐᓄᑦ.
- ᐅᖃᓚᐅᑎᖓ: (867) 979-4636
- ᓱᒃᑲᔪᒃᑰᕈᑎᖓ: (867) 979-1261
- ᖃᕋᓴᐅᔭᒃᑯᑦ ᑐᕌᕈᑎᖓ: info@nunavuttourism.com
ᑲᑕᓐᓇᓕᒃ ᒥᕐᖑᐃᖅᓯᕐᕕᖓᑕ ᐳᓚᕋᕐᕕᖓ (ᑭᒻᒥᕈᑦ)
ᑲᑕᓐᓇᓕᒃ ᐳᓚᕋᕐᕕᖓ, ᑐᐃ ᓲᐳᒦᑦᑐᖅ ᑭᒻᒥᕈᒻᒥ, ᑲᑕᓐᓇᓕᐅᑉ ᒥᕐᖑᐃᖅᓯᕐᕕᖓᑦᑕ ᒥᔅᓵᓄᑦ ᐅᓂᒃᑳᓕᒃ ᑯᔾᔪᐊᖓᓂᓪᓗ. ᐃᖅᑲᓇᐃᔭᖅᑎᖏᑦ ᐊᑎᓕᐅᖅᓯᔪᓐᓇᖅᑐᑦ ᒥᕐᖑᐃᖅᓯᕐᕕᓕᐊᕈᒪᒍᕕᑦ, ᐊᖏᕐᕋᒥᓪᓘᓐᓃᑦ ᑐᔪᕐᒥᔪᒪᒍᕕᑦ ᑭᒻᒥᕈᒻᒥ.
- ᐅᖃᓚᐅᑎᖓ: (867) 939-2416
- ᓱᒃᑲᔪᒃᑰᕈᑎᖓ: (867) 939-2406
- ᖃᕋᓴᐅᔭᒃᑯᑦ ᑐᕌᕈᑎᖓ: katannilik@qiniq.com
ᖁᓪᓗᖅᑐᖅ ᓄᓇᑐᖃᖏᑦ ᐳᓚᕋᕐᕕᖓᓪᓗ (ᖁᓪᓗᖅᑐᖅ)
ᐳᓚᕋᖅᑏᑦ ᖁᓪᓗᖅᑐᒨᖅᑐᑦ ᐳᓚᕋᕐᕕᖓᓐᓄᓪᓗ ᐃᓕᒃᑲᔭᖅᑐᑦ ᓄᓇᑐᖃᒥᓂᕐᓂᑦ, ᐱᒻᒪᕆᐅᓂᖓᓐᓂᓪᓗ ᖁᓪᓗᖅᑐᖅ - ᓂᕈᐊᕋᔅᓴᕈᖅᑎᑕᐅᓯᒪᔪᖅ ᑲᓇᑕᒥ ᑰᑐᖃᐅᓂᖓᓐᓄᑦ, ᑯᒡᓗᒃ ᐅᑭᐅᖅᑕᖅᑐᒥ ᒥᕐᖑᐃᖅᓯᕐᕕᖓ ᑕᑯᒥᓇᑦᑎᐊᖅᑐᖅ. ᐳᓚᕋᕐᕕᖓᓐᓂ ᐱᒋᐊᕐᓗᑎᑦ ᓇᒻᒥᓂᖅ ᐱᓱᓪᓗᑎᑦ ᖁᓪᓗᖅᑐᒃᑰᕈᓐᓇᖅᑐᑎᑦ.
- ᐅᖃᓚᐅᑎᖓ: (867) 982-3570
- ᓱᒃᑲᔪᒃᑰᕈᑎᖓ: (867) 982-3573
ᐊᒻᒫᓕᒃ ᐳᓚᕋᕐᕕᖓ
ᐊᕐᕕᓂᐊᕐᕕᐅᕙᓚᐅᖅᓯᒪᔪᖅ ᑲᖏᖅᑐᐊᓗᒻᒥ ᐸᓐᓂᖅᑐᓪᓗ ᒥᔅᓵᓄᑦ ᐅᓂᒃᑲᖅᑕᖃᕆᓪᓗᓂ ᐊᒻᒫᓕᒻᒥ ᐳᓚᕋᕐᕕᖓᓐᓂ. ᐅᖅᓱᓕᐅᕐᕕᒥᓂᕐᒥᑦ ᕿᑭᖅᑕᒥᓪᓗ ᒥᕐᖑᐃᖅᓯᕐᕕᖓᓐᓂ, - ᐱᖓᓱᓄᑦ ᐃᑲᕐᕋᓄᑦ ᐅᒥᐊᒃᑰᕋᔭᖅᑐᑎᑦ ᐸᓐᓂᖅᑐᒥ. ᐃᖅᑲᓇᐃᔭᖅᑎᖓᓪᓗ ᐋᖅᑮᔪᓐᓇᕐᒥᔪᖅ ᐊᐅᓪᓚᕈᔾᔭᐅᒍᒪᓐᓂᕈᕕᑦ ᒥᕐᖑᐃᖅᓯᕐᕕᒻᒧᑦ, ᐊᐅᔪᐃᑦᑐᒧᓪᓘᓐᓃᑦ ᒥᕐᖑᐃᖅᓯᕐᕕᖓᓐᓄᑦ.
- ᐅᖃᓚᐅᑎᖓ: (867) 473-8737
- ᓱᒃᑲᔪᒃᑰᕈᑎᖓ (867) 473-8685
ᓇᑦᑎᓐᓇᖅ ᐳᓚᕋᕐᕕᖓ (ᒥᑦᑎᒪᑕᓕᒃ)
ᐳᓚᕋᖅᑏᑦ ᒥᑦᑎᒪᑕᓕᒻᒥ ᐅᐱᕐᖓᓵᒃᑯᑦ ᓯᑭᑐᕈᓐᓇᕐᒥᔪᑦ ᕿᒧᔅᓯᑯᓪᓗ ᓂᕐᔪᑎᓂᑦ ᑕᑯᓐᓇᕆᐊᕐᓗᑎᑦ ᓯᓈᖓᓐᓄᑦ ᒥᑦᑎᒪᑕᓕᐅᑉ ᕿᑭᖅᑕᖓᓄᑦ ᑎᒻᒥᐊᓂᑦ ᑕᑯᓐᓇᕆᐊᕐᓗᑎᑦ, ᓯᑮᕐᓗᑎᓪᓗ ᐅᒥᐊᒃᑯᓪᓗ ᐃᖃᓪᓕᐊᕈᔾᔭᐅᔪᓐᓇᕆᓪᓗᑎᑦ, ᑐᒑᓕᓐᓂᓪᓗ ᑕᑯᓐᓇᕆᐊᕐᓗᑎᑦ, ᖃᔭᖅᑐᕐᓗᑎᓪᓗ ᐱᖃᓗᔭᐅᑉ ᖃᓂᒋᔭᖓᒍᑦ, ᑐᐱᖅᓯᒪᓗᑎᓪᓗ ᑕᒻᒫᕐᕕᒻᒥ ᒥᕐᖑᐃᖅᓯᕐᕕᒻᒥ. ᑕᒪᓐᓇ, ᖃᓄᐃᑦᑐᖃᑦᑕᖅᓯᒪᓂᖏᑦ, ᐅᓂᒃᑳᕆᔭᐅᑦᑎᐊᖅᑐᑦ ᓇᑦᑎᓐᓇᕐᒥ - ᓯᕐᒥᓕᒃ ᑲᓇᑕᐅᑉ ᒥᕐᖑᐃᖅᓯᕐᕕᒋᓪᓗᓂᐅᒃ, ᒥᑦᑎᒪᑕᓕᐅᑉ ᕿᑭᖅᑕᖓ ᑎᒻᒥᐊᖃᕐᕕᐅᔪᖅ.
- ᐅᖃᓚᐅᑎᖓ: (867) 899-8225
- ᓱᒃᑲᔪᒃᑰᕈᑎᖓ: (867) 899-8175
ᑲᖏᖅᖠᓂᕐᒥᑦ ᐳᓚᕋᕐᕕᒃ (ᑲᖏᖅᖠᓂᖅ)
ᑲᖏᖅᖠᓂᕐᒥᑦ ᐳᓚᕋᕐᕕᖓᓐᓂ ᖃᖓᑕᓲᒃᑯᕕᒻᒦᑦᑐᖅ. ᐃᖅᑲᓇᐃᔭᖅᑎᖏᑦ ᐳᓚᕋᕐᕕᒻᒨᖁᔨᒐᔭᕐᒥᔪᖅ ᐃᖃᓗᒑᕐᔫᑉ ᓄᓇᖓᓐᓄᑦ ᐅᑭᐅᖅᑕᖅᑐᒥ ᒥᕐᖑᐃᖅᓯᕐᕕᒻᒥ, ᐅᖅᓱᕆᐊᕐᒨᕈᔾᔨᒍᓐᓇᕐᒥᔪᑦ - ᐃᓄᐃᑦ ᓇᒻᒥᓂᖁᑎᖓ ᓄᓇᑐᖃᖅ, ᐊᓯᖏᓐᓂᓪᓗ ᕿᒥᕐᕈᑎᑕᐅᔪᓐᓇᕋᔭᕆᓪᓗᑎᑦ.
- ᐅᖃᓚᐅᑎᖓ: 867-645-3838
- ᓱᒃᑲᔪᒃᑰᕈᑎᖓ: 867-645-3904
