ᒥᒃᓵᓄᑦ
ᓄᓇᕗᒻᒥ ᒥᕐᖑᐃᖅᓯᕐᕖᑦ ᒥᒃᓵᓄᑦ
ᓄᓇᕗᒻᒥ ᒥᕐᖑᐃᖅᓯᕐᕖᑦ ᓄᓇᒋᔭᐅᕗᑦ ᑕᑯᒃᓴᐅᑎᑦᑎᓪᓗᑎᒃ ᓄᓇᕗᒻᒥ ᐊᔾᔨᐅᙱᑦᑐᒥᒃ ᐱᐅᓯᕆᕙᓚᐅᖅᑕᖏᑦ ᐊᒻᒪ ᒫᓐᓇ ᐊᑐᖅᑕᐅᔪᑦ ᐊᒻᒪ ᐃᓕᖅᑯᓯᕆᔭᐅᔪᑦ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᓄᓇᓕᖕᓂ ᐃᑲᔪᖅᓱᖅᑕᐅᕗᑦ ᓴᐳᔾᔭᐅᓯᒪᔪᑦ ᑕᑯᒃᓴᐅᑎᑦᑎᓪᓗᑎᒡᓗ ᐱᒻᒪᕆᐅᒋᔭᐅᔪᓂᒃ ᓄᓇᕗᒥᐅᓄᑦ ᐃᖃᓪᓕᐊᕐᕕᐅᔪᒪᑦᑎᐊᖅᖢᑎᒡᓗ ᐊᐅᓪᓛᕐᕕᐅᓪᓗᑎᒡᓗ, ᓄᓂᕙᒋᐊᕐᕕᐅᓪᓗᑎᒃ, ᐱᓱᒡᕕᒃᑯᑦ, ᐅᕝᕙᓘᓐᓃᑦ ᓴᐃᓕᓐᓇᖅᖢᑎᒃ ᒪᒥᓴᕆᐊᖅᐸᒃᖢᑎᒃᓗ. ᑕᒪᒃᑯᐊ ᓄᓇᐃᑦ ᖃᑕᙳᑎᒌᖑᓪᓗᑕ ᖁᕕᐊᓱᒡᕕᒋᕙᒃᑕᕗᑦ ᐊᒻᒪᓗ ᓂᐅᕐᕈᖅᑲᔪᓄᑦᑕᐅᖅ ᖁᕕᐊᒋᔭᐅᖃᑦᑕᖁᒋᕙᕗᑦ ᓄᓇᕗᒻᒧᐊᖅᑐᓄᑦ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᒻᒪᕆᐅᖕᒪᑕ ᐃᓅᓯᑦᑎᐊᕙᖕᒧᑦ ᓄᓇᕗᒥᐅᓄᑦ. ᐊᔾᔨᐅᖏᑦᑐᑦ ᓄᓇᐃᑦ ᐃᓕᖅᑯᓯᑐᖃᖏᓐᓂᑦ ᐊᒻᒪ ᓄᓇᒥᙶᖅᑐᓂᑦ ᐃᑦᑕᕐᓂᓴᓂᑦ ᑲᔪᖏᖅᓴᐃᔪᑦ ᐊᒻᒪ ᑲᔪᓯᑎᑦᑎᔪᑦ ᑕᕐᓂᕐᒥᑦ. ᐊᕙᑎᒧᑦ ᐅᔾᔨᕐᓇᕐᓂᖓ ᐃᓕᖅᑯᓯᑐᖃᕐᓄᓪᓗ ᐊᓐᓂᕐᓇᕐᓂᖓ ᒥᕐᙳᐃᖅᓯᕐᕕᖕᓄᑦ ᐱᐅᓂᖏᓐᓄᑦ ᐃᓄᐃᑦ ᑲᒪᒋᔭᐅᕙᖕᓂᖏᓐᓄᑦ.
About The Organization
ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ ᐱᓕᕆᕝᕕᖓ ᖁᕕᐊᓲᑎᖃᓲᖑᕗᑦ, ᐅᔾᔨᕆᔭᐅᓕᖅᑎᑦᑎᓲᖑᕗᑦ ᓴᐳᔾᔨᓲᖑᕗᓪᓗ ᐃᓕᖅᑯᓯᑦᑎᓐᓂ ᐊᒻᒪ ᓄᓇᒥᙶᖅᑐᓂᒃ ᐳᓛᖅᑎᓄᑦ ᐊᒻᒪ ᓄᓇᖅᑲᑎᒌᓄᑦ.
ᒥᕐᖑᐃᖅᓯᕕᓕᕆᔩᑦ ᐊᒻᒪ ᐱᓐᓇᕆᔭᐅᔪᓄᓪᓗ ᓄᓇᓕᕆᔩᑦ ᑲᒪᒋᔭᖃᖅᑐᑦ ᐸᕐᓇᐃᓂᕐᒥᒃ, ᓴᖅᑭᑦᑎᕆᓂᕐᒥᒃ, ᐊᐅᓚᑦᑎᓂᕐᒥᒃ, ᐊᐅᓚᓂᕆᔭᖏᓐᓂᒃ ᐊᒻᒪ ᐱᕚᓪᓕᕈᑎᒃᓴᖏᓐᓂᒃ ᒥᕐᖑᐃᖅᓯᕕᖕᓂᒃ −ᓄᓇᕗᒻᒥ ᒥᕐᖑᐃᖅᓯᕐᕕᖏᑦ ᐱᓐᓇᕆᔭᐅᔪᓪᓗ ᓄᓇᓂ.
ᓄᓇᕗᒻᒥ ᒥᕐᖑᐃᖅᓯᕕᓕᕆᔩᑦ ᓄᓇᐃᓪᓗ ᓴᐳᔾᔭᐅᓯᒪᔪᑦ ᐱᒻᒪᕆᐅᓪᓗᑎᒃ ᑐᖅᑲᖅᑕᕐᕕᐅᕗᑦ ᑲᔾᔮᕐᓇᑦᑎᐊᖅᖢᑎᒡᓗ ᓄᓇᕗᒻᒥᐅᓄᑦ ᐳᓛᕆᐊᖅᓯᒪᔪᓄᓪᓗ. ᑕᑯᒃᓴᐅᑎᑦᑎᓂᖏᓐᓄᑦ ᓄᓇᒥᐅᑕᓂᒃ ᐱᐅᑦᑎᐊᖅᑐᓂᒃ ᐊᒻᒪ ᐃᑦᑕᕐᓂᓴᖃᕐᕕᖕᓂᒃ ᑕᑯᒃᓴᐅᔪᖃᖅᖢᑎᒃ ᓄᓇᓕᖕᓄᑦ, ᐊᕕᒃᑐᖅᓯᒪᔪᓂᒃ, ᑲᓇᑕᒥ ᐊᒻᒪ ᓄᓇᕐᔪᐊᕐᒥ; ᓴᙱᒃᑎᒋᐊᕈᑕᐅᓪᓗᑎᒃ ᐃᑲᔪᖅᓱᐃᔾᔪᑕᐅᓪᓗᑎᒡᓗ ᓄᓇᖅᑲᑎᒌᓄᑦ ᐃᓄᐃᑦ ᐱᐅᓯᖏᓐᓄᑦ ᓄᓇᓕᖕᓄᓪᓗ ᐅᔾᔨᕆᔭᐅᕙᒃᖢᑎᒃ ᐱᕙᓪᓕᐊᑎᑕᐅᕙᒃᖢᑎᒡᓗ ᓄᓇᒥᒃ ᐱᓕᕆᔾᔪᓯᕐᓂᒃ; ᐃᖏᕐᕋᐃᓐᓇᕈᑕᐅᔪᓐᓇᖅᖢᑎᒡᓗ ᐱᓕᕆᐊᖑᔪᒪᔪᓂᒃ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ.
ᐱᓕᕆᐊᒃᓴᕆᔭᐅᔪᓕᒫᑦ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎᒃᑯᑦ ᐊᕕᒃᑐᖅᓯᒪᔪᓂᒃ ᒥᕐᖑᐃᖅᓯᕕᖕᓂ ᐊᒻᒪ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥ, ᐸᕐᓇᒃᑕᐅᕙᓪᓕᐊᕗᑦ ᑲᑐᔾᔨᖃᑎᒌᒍᑕᐅᓪᓗᑎᒡᓗ ᐊᐅᓚᑕᐅᓪᓗᑎᒃ ᐱᒋᐊᖅᑕᐅᕙᒃᖢᑎᒡᓗ ᑐᓴᖅᑕᐅᔪᓐᓇᖅᑐᒃᑯᑦ ᐊᑕᖏᐅᒪᔪᓐᓇᖅᑐᒃᑯᓪᓗ ᑐᑭᓯᒋᐊᕈᑎᒃᑯᑦ, ᐃᓄᐃᑦ ᐱᒻᒪᕆᐅᒋᔭᖏᑦᑎᒍᑦ, ᓄᓇᓕᖕᓂ ᐊᒻᒪ ᖃᐅᔨᓴᖅᑎᓂᒃ ᖃᐅᔨᒪᔭᐅᔪᒃᑯᑦ, ᒫᓐᓇᓕᓴᕐᓄᓪᓗ ᐱᓕᕆᔾᔪᑕᐅᕙᒃᑐᑦ ᐊᒻᒪ ᓄᓇᙳᐊᓕᕆᔾᔪᑎᓄᑦ ᑐᑭᓯᒋᐊᕈᑎᑦ.
ᑐᕌᖅᑕᐅᓇᓱᒃᑐᖅ
ᓄᓇᕗᒻᒥ ᒥᕐᖑᐃᕐᓯᕐᕕᕗᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐅᕙᑦᑎᓐᓂᓕᒫᖅ ᓄᓇᕗᒻᒥᐅᖑᓪᓗᑕ. ᐊᑐᓂ ᒥᕐᖑᐃᖅᓯᕖᑦ ᐊᔾᔨᐅᖏᑦᑐᑦ, ᓴᓇᔭᐅᓯᒪᔪᑦ ᑕᒪᒃᑮᓄᑦ ᐃᓕᖅᑯᓯᕐᓄᑦ ᐊᒻᒪ ᓄᓇᖓᓄᑦ. ᖁᕕᐊᓲᑎᖃᖃᑦᑕᖅᐳᑦ ᑲᔾᔮᕐᓇᕐᓂᖓᓂᒃ ᐊᒻᒪ ᐊᔾᔨᒌᙱᓐᓂᖓᓂᒃ ᓄᓇᑦᑎᓐᓂ, ᐊᒻᒪ ᐱᑕᖃᖅᑎᑦᑎᓪᓗᑎᒃ, ᐱᕈᖅᑐᓄᑐᐊᖑᙱᑦᑐᖅ ᓂᕐᔪᑎᓄᓪᓗ, ᑭᓯᐊᓂᑦᑕᐅᖅ ᒥᕐᖑᖅᓰᒃᑯᓐᓄᑦ − ᐃᓄᐃᑦ ᑕᕐᓂᖏᓐᓄᑦ. ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ ᔭᒐᑎᑦᑕᐃᓕᒪᓗᒋᑦ ᑭᖑᕚᒃᓴᑦᑎᓐᓄᑦ ᐊᒡᒋᖅᑐᓄᑦ. ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᓄᓇᕗᒻᒥᐅᓕᒫᓂᒃ ᑲᔪᖏᖅᓴᐃᕗᑦ ᓄᓇᕗᒻᒥ ᐊᕙᑎᕗᑦ ᐃᓕᖅᑯᓯᖏᓪᓗ ᐊᔾᔨᒌᙱᕈᓘᔭᖅᑐᑦ. ᐱᐅᓯᒋᐊᖅᑎᑦᑎᕙᒃᐳᑦ ᐃᓕᓐᓂᐊᕐᓂᑦᑎᓐᓂᒃ, ᐱᐅᓯᒋᐊᖅᑎᑦᑎᕙᒃᐳᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐱᑎᑦᑎᕙᒃᖢᑎᒡᓗ ᑭᐱᙳᐃᔭᕐᓂᕐᒧᑦ ᖁᕕᐊᓱᖕᓂᕆᔭᑦᑎᓐᓂᒃ ᐊᓯᖏᓐᓂᒡᓗ ᐱᕚᓪᓕᕈᑕᐅᕙᒃᑐᓂᒃ. ᐱᒻᒪᕆᐅᓛᖑᔪᖅ, ᑲᔪᓯᑎᑦᑎᑦᑎᐊᕐᓗᑎᒃ ᐱᒻᒪᕆᐅᒋᔭᐅᔪᓂᒃ ᐃᓄᐃᑦ ᐊᒻᒪ ᓄᓇᕗᒻᒥ ᐃᓕᖅᑯᓯᖓᓐᓂ; ᓄᓇ ᐃᒃᐱᒋᑦᑎᐊᕐᓗᒍ ᐊᒻᒪ ᐱᐅᖅᓱᐊᕐᓂᖅ, ᐊᒻᒪ ᐅᐱᒋᔭᐅᕐᔪᐊᖅᐳᖅ ᓄᓇᐅᑉ ᑕᐅᑦᑐᐊ ᐊᒻᒪ ᐃᓕᖅᑯᓯᖓ ᑲᑎᙵᑦᑎᐊᕐᓂᖓᓄᑦ.
ᑕᐅᑐᖅᑰᖅᑕᕗᑦ ᓄᓇᕗᒻᒥ ᑖᒃᑯᐊ ᐊᑭᑭᑦᑐᑦ ᐊᑐᒐᒃᓴᑦ, ᐃᓂᒃᓴᐃᑦ ᐊᑐᖅᑕᓪᓗ ᓴᐳᑎᔭᐅᓯᒪᓗᑎᒃ ᐅᔾᔨᖅᓱᑦᑎᐊᕐᓂᒃᑯᑦ, ᐃᓱᒪᒃᓴᖅᓯᐅᑦᑎᐊᕐᓂᒃᑯᑦ ᐊᐅᓚᑦᑎᓂᒃᑯᑦ, ᓯᕗᓕᖅᓯᓂᒃᑯᑦ ᐊᔾᔨᖃᖅᑐᓂᒃ ᓄᓇᕘᑉ ᐃᓕᖅᑯᓯᓪᓚᑦᑖᖓᑕ ᓴᙱᓂᖏᓐᓂ ᐱᒻᒪᕆᐅᒋᔭᖏᓐᓂᒃᓗ.
ᑲᔪᓯᕙᓪᓕᐊᑎᓪᓗᑕ ᐱᓕᕆᐊᕗᑦ
ᓄᓇᕗᒻᒥ ᒥᕐᖑᐃᖅᓯᕐᕖᑦ ᐊᔾᔨᖃᖅᑐᑦ ᓄᓇᕗᑉ ᐊᕙᑎᖓᓂᒃ ᐊᒻᒪᓗ ᐃᓕᖅᑯᓯᖏᑦ ᐊᔾᔨᒌᙱᓐᓂᖏᑦ, ᖃᐅᔨᒪᑦᑎᐊᑎᑦᑎᔪᑦ ᓄᓇᕗᒻᒥᐅᑦ ᐊᒻᒪᓗ ᓂᐅᕐᕈᐊᑦ ᑭᖑᕚᑦ ᖃᐃᖃᑦᑕᕋᔭᕐᒪᑕ ᑕᑯᔪᓐᓇᕐᓗᑎᑦ
ᐃᓕᓐᓂᐊᕐᓗᑎᓪᓗ ᓄᓇᒥ ᐃᓕᖅᑯᓯᑉ ᐱᖅᑯᓯᖏᓐᓂᓪᓗ. ᐸᕐᓇᓪᓗᓂ ᐊᐅᓚᑦᑎᓗᓂᓗ ᓄᓇᕗᑦ ᒐᕙᒪᖏᓐᓂᑦ ᐃᓕᓴᖅᓯᒍᓐᓇᑎᑦᑎᔪᑦ ᓄᓇᓂ ᐊᒻᒪᓗ ᓄᓇᒦᙶᖓᔪᓂᑦ ᓴᐳᔾᔭᐅᔭᕆᐊᓕᖕᓂᒃ ᐸᐸᑦᑎᖃᑦᑕᕆᐊᕐᓗᑎᓪᓗ ᐱᕙᓪᓕᐊᒍᑎᒋᔭᐅᕙᑦᑐᓂᑦ ᐊᔭᐅᖅᓯᓗᐊᖃᑦᑕᓕᖅᑎᓪᓗᒋᑦ, ᓯᓚᑉ ᐊᓯᔾᔨᖅᑎᓪᓗᒍ, ᐊᒻᒪᓗ ᐊᓯᖏᓐᓂᒃ ᐊᑦᑕᕐᓇᕈᑕᐅᔪᓂᑦ ᓄᓇᑦᑎᓐᓄᑦ ᐃᓕᖅᑯᓯᑦᑎᓄᓪᓗ ᐱᒻᒪᕆᐅᔪᓂᑦ. ᓄᓇᓂ ᓴᖅᑮᑎᑦᑎᓪᓗᑕ ᐊᒻᒪᓗ ᐱᕕᖃᖅᑎᑎᓪᓗᑕ ᐱᖅᑯᓯᕗᑦ ᐊᑐᕈᓐᓇᑦᑎᐊᖁᓪᓗᒍ ᐊᑐᑦᑎᐊᑎᑦᑎᒍᑕᐅᓕᕈᓐᓇᖅᑐᖅ ᐃᓅᓯᕐᓂᑦ ᐱᐅᓯᕚᓪᓕᑎᑦᑎᓗᑎᑦ ᐊᒻᒪᓗ ᐃᑉᐱᒍᓱᑦᑎᐊᓕᖅᑎᑦᑎᓗᑎᑦ ᓄᓇᒥ.
ᑐᕌᖅᑕᐅᓇᓱᒃᑐᖅ
ᓄᓇᕗᒻᒥ ᒥᕐᖑᐃᖅᓯᕐᕖᑦ ᓴᐳᔾᔨᓲᑦ ᐊᒻᒪᓗ ᐸᐸᑦᑎᓲᑦ ᑭᓱᕈᓘᔭᕐᓂᑦ ᓄᓇᕗᒻᒥ ᓄᓇᖏᓐᓂᑦ ᐃᓕᖅᑯᓯᕆᔭᐅᔪᓄᓪᓗ ᐊᑐᖅᑕᐅᓲᓂᑦ ᓄᓇᓂ ᓯᕗᓂᒃᓴᐅᔪᑦ ᑭᖑᕚᒃᓴᖏᓐᓄᑦ ᐊᑐᖅᑕᐅᒍᓐᓇᓕᕋᔭᕐᒪᑕ. ᑲᑐᔾᔨᓪᓗᑎᑦ ᐸᕐᓇᖃᑎᒌᖕᓂᖅ ᐊᒻᒪᓗ ᐊᐅᓚᑦᑎᖃᑎᒌᖕᓂᖅ ᐊᑐᕐᓂᐊᖅᑐᑦ ᐱᐅᓛᕐᓂᑦ ᐊᑐᐃᓐᓇᐅᒪᔪᓂᑦ ᐃᓄᐃᑦ ᓄᓇᓕᖕᓂ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᖃᓪᓗᓇᕐᔨᕐᖓᑦ ᖃᐅᔨᓴᐅᓯᖏᑕ ᖃᐅᔨᒪᓂᖏᓐᓂᑦ ᐃᑲᔪᕈᓐᓇᖁᓪᓗᒋᑦ ᐊᑯᓂᐅᔪᒧᑦ ᒪᑭᒪᓂᐊᕐᒪᑕ ᓄᓇᕗᑦ ᐊᕙᑎᖏᑦ, ᐃᓕᖅᑯᓯᕐᒧᑦ ᐊᑐᖅᑕᐅᓲᑦ.
ᓄᓇᕗᒻᒥᐅᑕᐅᔪᑦ ᐊᒻᒪᓗ ᓂᐅᕐᕈᐊᑦ ᐊᑐᓲᑦ ᓄᓇᕗᑦ ᕐᕕᖏᓐᓂᑦ ᐃᑉᐱᓇᑦᑎᐊᖅᑐᒥᒃ ᑐᑭᖃᑦᑎᐊᖅᑐᒥᒃ ᓄᓇᑐᐃᓐᓇᕐᒦᒍᓐᓇᖁᓪᓗᒋᑦ ᐊᒻᒪᓗ ᐃᓕᖅᑯᓯᕐᒥ ᐊᑐᕐᓗᑎᑦ ᐊᑐᕈᓐᓇᖁᓪᓗᒋᑦ ᐊᒻᒪᓗ ᐃᖅᑲᐅᒪᔭᒃᓴᓕᐅᕐᓗᑎᑦ. ᓄᓇᕗᒻᒥᐅᑕᐅᔪᑦ ᐊᒻᒪᓗ ᓂᐅᕐᕈᐊᑦ ᐊᑐᓲᖑᓂᖏᑦ ᒥᕐᖑᐃᖅᓯᕐᕕᓐᓂ ᑐᙵᕕᖃᕐᒪᑕ ᒥᕐᖑᐃᖅᓯᕐᕕᖕᒥ ᖃᓄᐃᓕᐅᓲᖑᓂᖏᓐᓂᑦ ᑕᖃᐃᖅᓯᕐᕕᖃᕆᐊᖅᑐᖅᑐᑎᑦ, ᑕᑯᔭᖅᑐᕆᐅᖅᑐᑎᑦ, ᐊᒻᒪᓗ ᐃᓕᓐᓂᐊᕆᐊᖅᑐᑎᑦ. ᐱᐅᔪᒥᒃ ᐊᑐᖃᑦᑕᕈᓐᓇᖁᓪᓗᒋᑦ, ᒥᕐᖑᐃᖅᓯᕐᕖᑦ ᐋᖅᑭᐅᒪᑎᑕᐅᓲᑦ ᐊᒻᒪᓗ ᐃᖏᕐᕋᑎᑕᐅᓪᓗᑎᑦ ᐱᓛᒃᑯᑦ ᒪᓕᑦᑕᐅᔭᕆᐊᖃᖅᑐᑎᑦ ᖃᐅᔨᒪᑦᑎᐊᕐᓗᑕ ᓄᓇᕗᑦ ᐊᒻᒪᓗ ᐃᓕᖅᑯᓯᕗᑦ ᐱᖅᑯᓯᕗᑦ ᓴᐳᔾᔭᐅᒐᓗᐊᕐᒪᖔᑕ, ᖁᕕᐊᒋᔭᐅᓗᑎᑦ, ᖁᔭᒋᔭᐅᓗᑎᓪᓗ ᐃᖅᑲᓇᐃᔭᖃᑎᒌᓪᓗᑕ ᐸᕐᓇᐅᓯᐅᖃᑦᑕᕐᓗᑕ ᐊᐅᓚᑦᑎᒍᓯᕐᓂᓪᓗ ᐋᖅᑮᓗᑕ ᓄᓇᕗᑦ ᒥᕐᖑᐃᖅᓯᕐᕕᖏᑦ ᐱᓕᕆᐊᖓᑎᒍᑦ. ᓄᓇᐃᑦ, ᐅᐊᑦᑎᐊᕈ ᐊᑐᖅᑕᐅᖃᑦᑕᕐᓂᑯᒥᓃᑦ ᐊᒻᒪᓗ ᐅᐊᑦᑎᐊᕈᒃᑲᓐᓂᒻᒪᕆᒃ ᐃᓄᓕᓚᐅᖅᑎᓐᓇᒍ ᓄᓇᐃᑦ, ᐊᒻᒪᓗ ᑕᒪᐃᓐᓂ ᐋᓐᓂᐊᖅᑕᐃᓕᓂᖏᑦ ᖃᓄᐃᑦᑕᐃᓕᓂᖏᓪᓗ ᐃᓄᖁᑎᑦᑕ. ᐊᒃᓱᕈᕈᑎᒋᔭᕗᓪᓕ ᓇᓗᓇᐃᖅᓯᓗᑕ ᐸᐸᑦᑎᓗᑕᓗ ᑕᒪᒃᑯᓂᖓ ᐅᑎᖅᑎᒐᒃᓴᐅᙱᑦᑐᓂᑦ ᐊᔾᔨᖃᖅᑎᓯᓐᓈᕋᓱᐊᕐᓗᒋᑦ ᐅᓪᓗᒥᐅᔪᖅ ᓄᓇᕗᒻᒥᐅᑕᐅᔪᑦ ᑭᙴᒪᒋᔭᖏᑦ. ᐋᖅᑭᐅᒪᑎᑕᐅᓗᑎᑦ; ᒥᕐᖑᐃᖅᓯᕐᕕᖕᒥ ᐱᓕᕆᐊᖃᐅᖅᑐᑎᑦ ᑲᒪᒋᔭᐅᓲᑦ ᒥᕐᖑᐃᖅᓯᕐᕕᖕᒥ ᐃᖅᑲᓇᐃᔭᖅᑎᓄᑦ ᐱᓕᒻᒪᓴᑦᑎᐊᖅᓯᒪᔪᓄᑦ ᐊᒻᒪᓗ ᖃᐅᔨᒪᔪᓄᑦ ᐊᒻᒪᓗ ᓄᓇᓕᖕᓂ ᑐᑭᓯᒋᐊᖅᑎᑦᑎᔩᑦ ᐊᑐᖅᑕᐅᓪᓗᑎᑦ; ᐊᒻᒪᓗ ᐊᐅᓪᓚᖅᑎᑕᐅᓂᒃᓴᖏᑕ ᐸᕐᓇᐅᑕᐅᓂᖏᓐᓄᑦ ᑐᑭᓯᒋᐊᖅᑎᑕᐅᓲᖑᓪᓗᑎᑦ. ᓇᒻᒥᓂᖅᓱᕐᓂᖅ ᐊᒻᒪᓗ ᐃᓕᖅᑯᓯᕐᒨᖓᓂᖏᑦ ᐊᒻᒪᓗ ᐃᓅᓯᖏᑦ ᖃᓄᐃᑦᑕᐃᓕᓂᖏᑦ ᐃᓄᐃᑦ ᐱᐅᓯᑎᑕᐅᒋᐊᒻᒪᕆᓲᑦ ᓄᓇᕗᑦ ᒥᕐᖑᐃᖅᓯᕐᕕᖓᓂᒃ ᐋᖅᑮᔪᖃᕋᐃᒻᒪᑦ, ᐸᕐᓇᐅᑕᐅᓂᖓᒍᑦ, ᐊᐅᓚᑕᐅᓂᒍᑦ ᐊᒻᒪᓗ ᐃᖏᕐᕋᑎᑕᐅᓂᖓᒍᑦ.
ᐃᓄᐃᑦ ᐊᔾᔨᐅᙱᑦᑐᒥᒃ ᓄᓇᕗᑉ ᓄᓇᖓᓂᒃ ᐊᑐᓲᖑᒻᒪᑕ ᐊᕙᑎᒃᑯᑦ, ᐅᑉᐱᓂᒃᑯᑦ ᐊᒻᒪᓗ ᐃᓅᓯᖃᕐᓂᒃᑯᑦ, ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᖃᐅᔨᒪᓂᖃᐅᕈᓘᔭᓕᖅᓯᒪᓪᓗᑎᑦ ᓄᓇᕗᑦ ᒥᕐᖑᐃᖅᓯᕐᕕᖏᓐᓂ.. ᑖᒃᑯᑎᒎᓇ ᓄᓇᓕᓐᓂ ᑲᑐᔾᔨᓗᑎᒃ ᐸᕐᓇᐃᔩᑦ ᐊᐅᓚᑦᑎᔨᐅᓪᓗᑎᓪᓗ ᑲᑎᒪᔨᕋᓛᑦ (CJMPMC) ᓄᓇᕗᒻᒥ ᒥᕐᖑᐃᖅᓯᕐᕖᑦ ᓄᓇᓕᖕᒥᐅᓂᑦ ᐃᓚᐅᑎᑦᑎᓲᑦ ᐃᓱᒪᓕᐅᖃᑎᒋᔭᐅᓪᓗᑎᑦ, ᐱᕕᖃᖅᑎᑕᐅᓪᓗᑎᑦ ᐃᓄᐃᑦ ᐃᑲᔪᖅᑕᐅᓂᐊᕐᒪᑕ ᐱᕙᓪᓕᐊᒍᑎᖃᕈᓐᓇᖅᓯᓗᑎᑦ ᒥᕐᖑᐃᖅᓯᕐᕕᒻᒨᖓᔪᓂᑦ ᐳᓚᕋᖅᑐᓕᕆᓂᒃᑯᑦ, ᐱᕙᓪᓕᐊᔪᓕᕆᓂᒃᑯᑦ, ᐃᓕᓐᓂᐊᕐᓂᕐᒥᒃ, ᐊᒻᒪᓗ ᐃᖅᑲᓇᐃᔭᕈᓐᓇᕐᓂᕐᒥᒃ. ᐱᖅᑯᓯᑦᑎᓐᓂ ᐊᕙᑎᑦᑎᓐᓂᓪᓗ ᑲᔪᖏᖅᓴᐃᓂᒻᒧᑦ ᑲᔾᔭᐅᓴᕐᕕᑎᒍᑦ ᐃᓕᓐᓂᐊᕐᕕᓴᑦᑎᐊᕙᒻᒪᕆᐊᓗᐃᑦ ᓄᓇᕗᒻᒥᐅᑕᓄᑦ ᓂᐅᕐᕈᐊᓄᓪᓗ ᑐᑭᓯᔭᐅᖁᓪᓗᒍ ᐊᑐᖅᑕᐅᖃᑦᑕᕐᓂᑯᒥᓂᖏᑦ, ᐃᓕᖅᑯᓯᖏᑦ, ᓄᓇᖏᑦ ᐊᒻᒪᓗ ᓄᓇᒦᙶᖓᔪᖁᑎᖏᑦ ᓄᓇᕗᒻᒥ. ᑲᓱᖅᑎᖅᑐᒋᑦ ᑭᖑᕚᕆᔭᐅᔪᑦ ᓄᓇᒧᑦ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓄᑦ, ᒥᕐᖑᐃᖅᓯᕐᕕᒃ ᐊᑯᓂᐅᔪᒧᑦ ᐃᓅᓯᓕᒫᕐᒧᑦ ᐃᓕᓐᓂᐊᑎᑦᑎᒍᑕᐅᑦᑎᐊᕈᓐᓇᖅᑐᖅ, ᑐᑭᓯᕚᓪᓕᓂᖅᓴᐅᓗᑎᑦ ᐊᒻᒪᓗ ᐃᑲᔪᖅᑐᖅᑕᐅᓗᑎᓪᓗ ᒥᕐᖑᐃᖅᓯᕐᕖᑦ, ᑲᔪᖏᖅᓴᖅᑕᐅᓗᑎᑦ ᓄᓇᕗᒻᒥᐅᑕᐅᔪᑦ ᐱᒻᒪᕆᒋᔭᖃᕐᓂᖅᓴᐅᓕᕐᓗᑎᑦ ᐸᐸᑦᑕᓂᕐᒥᒃ ᓄᓇᕗᒻᒥ ᐃᓕᖅᑯᓯᖏᓐᓂᑦ ᐊᒻᒪᓗ ᓄᓇᒦᙶᖓᔪᖁᑎᖏᓐᓂᑦ.
ᑐᙵᕕᖏᑦ
Nunavut Joint, Planning and Management Committee
Qavavauq Issuqangituq
Luke Suluk
Darrell Ohokannoak
Pacome Lloyd
Simon Qingngatuk
Linda Vaillancourt
David Monteith
Vacancy
Linda Vaillancourt
ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ: ᐃᑉᐱᒍᓱᑦᑎᐊᕐᓂᖅ ᐊᒻᒪᓗ ᐸᖅᑭᓂᖅ ᓄᓇᒥ, ᐆᒪᔪᕐᓂᓗ
ᐊᒻᒪᓗ ᐊᕙᑎᒥ.
- ᐃᓄᐃᑦ ᖃᐅᔨᒪᔭᑐᖃᖏᑦ, ᐅᕝᕙᓘᓐᓃᑦ ᐱᖅᑯᓯᑐᖃᖅᑎᒍᑦ ᖃᐅᔨᒪᓂᖏᑦ ᐃᓄᐃᑦ, ᐊᑐᖅᑕᐅᔭᕆᐊᖃᓪᓚᕆᑦᑐᑦ ᑲᒪᒋᔭᖃᑦᑎᐊᓂᒃᑯᑦ ᐃᓱᒪᓕᐅᖅᑎᐊᕈᓐᓇᖁᓪᓗᒋᑦ ᓄᓇᐃᑦ, ᐃᒪᐃᑦ ᓄᓇᒦᙶᖅᑐᓪᓗ ᐱᔾᔪᑎᒋᓪᓗᒋᑦ. ᐃᓄᐃᑦ ᖃᐅᔨᒪᔭᑐᖃᖏᑦ ᒥᕐᖑᐃᖅᓯᕐᕕᑦ ᖃᓄᐃᑦᑑᓂᖏᑦ, ᐊᕙᑎᖓ, ᐆᒪᔪᖏᑦ, ᐊᒻᒪᓗ ᐃᓄᐃᑦ ᐱᖅᑯᓯᖏᑦ ᐃᓕᖅᑯᓯᖏᓪᓗ ᐊᑐᖅᑕᐅᒐᔭᖅᑐᑦ ᐸᕐᓇᑕᐅᔾᔪᓯᕐᒥᒃ, ᐊᐅᓚᑕᐅᓂᒃᓴᖏᓐᓂᑦ ᐊᒻᒪᓗ ᐃᓱᒪᓕᐅᕈᑕᐅᓂᒃᓴᖏᓐᓂᑦ.
- ᖃᓄᐃᑦᑕᐅᓕᓂᖏᑦ ᓄᓇᕗᑦ ᐊᒻᒪᓗ ᐃᓕᖅᑯᓯᕐᒧᑦ ᐊᑐᖅᑕᐅᓲᑦ − ᖃᓄᐃᑦᑕᐃᓕᒪᑏᓐᓇᕐᓗᒋᑦ ᓄᓇᖁᑎᕗᑦ ᐊᒻᒪᓗ ᐃᓕᖅᑯᓯᕐᒧᑦ ᐊᑐᖅᑕᐅᓲᖁᑎᕗᑦ ᓄᓇᐃᓪᓗ ᑲᒪᒋᔭᐅᖅᑳᕆᐊᓕᒃ ᐸᕐᓇᑦᑐᖃᖅᑎᓪᓗᒍ, ᐊᐅᓚᑦᑎᔪᖃᖅᑎᓪᓗᒍ ᐃᖏᕐᕋᑎᑦᑎᔪᖃᖅᑎᓪᓗᒍᓗ ᓄᓇᕗᒻᒥ ᒥᕐᖑᐃᖅᓯᕐᕕᓂᑦ. ᐃᑦᑕᕐᓂᓴᖃᕐᓂᕐᒧᑦ ᐃᓕᖅᑯᓯᖏᓐᓄᓪᓗ ᐃᓄᐃᑦ ᐸᐸᑕᐅᓂᐊᖅᑐᖅ ᐊᑐᖅᑕᐅᑎᑕᐅᓇᓱᐊᖃᑦᑕᕐᓗᓂᓗ.
- ᐃᓄᐃᑦ−ᐊᕙᑎ ᖃᓄᐃᖃᑎᒌᓲᖑᓂᖏᑦ − ᐃᓄᐃᑦ ᐊᒻᒪᓗ ᐊᕙᑎ ᐊᕕᑕᔅᓴᐅᙱᑦᑐᑦ. ᐃᓱᒪᒋᔭᖃᕆᐊᕆᐊᓖᑦ ᑕᒪᔅᓱᒥᖓ ᐸᐸᑦᑎᔪᖃᕋᓱᐊᖅᑎᓪᓗᒍ ᐊᒻᒪᓗ ᓄᓇᐃᑦ ᐃᓕᖅᑯᓯᕐᒨᖓᔪᓪᓗ ᑕᑯᒃᓴᐅᑎᑕᐅᓇᓱᐊᖅᑎᓪᓗᒋᑦ ᐃᓄᐃᑦ, ᐆᒪᔪᐃᑦ, ᐊᒻᒪᓗ ᓄᓇᐃᑦ.
ᐋᔩᖃᑎᒌᖕᓂᖅ: ᐃᓱᒪᓕᐅᕐᓂᖅ ᐅᖃᖃᑎᒌᖕᓂᒃᑯᑦ ᐊᖏᖃᑎᒌᖕᓂᑯᓪᓗ.
- ᑲᑐᔾᓪᓗᑎᑦ ᐊᐅᓚᑦᑎᓂᖅ ᐊᒻᒪᓗ ᐸᕐᓇᖃᑎᒌᖕᓂᖅ − ᓄᓇᕗᒻᒥ ᒥᕐᖑᐃᖅᓯᕐᕕᖏᑦ ᐸᕐᓇᐅᑕᐅᓲᑦ ᐊᐅᓚᑕᐅᓪᓗᑎᓪᓗ ᑲᑐᔾᔭᐅᓂᖏᑎᒍᑦ ᐃᑲᔪᖅᑐᖅᑕᐅᓪᓗᑎᑦ ᓄᓇᓕᖕᒥᐅᑕᓄᑦ ᐊᒻᒪᓗ ᓄᓇᓕᐅᔪᓄᑦ. ᐃᓄᐃᑦ ᐱᔪᓐᓇᐅᑎᖏᑦ, ᐊᒻᒪᓗᑦᑕᐅᖅ ᓄᓇᖓ ᐊᒻᒪᓗ ᓄᓇᒦᙶᖅᑐᑦ ᐱᒻᒪᕆᔭᖏᑦ ᐱᓪᓗᒋᑦ ᒪᓕᑦᑐᑦ ᓄᓇᕗᑦ ᐊᖏᕈᑎᖓᓂᒃ ᐊᒻᒪᓗ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗ ᐊᖏᕈᑎᖓᓂᒃ, ᐃᓕᓴᕆᔭᐅᔪᑦ ᒥᕐᖑᐃᖅᓯᕐᕕᓕᐅᖅᑐᖃᖅᑎᓪᓗᒍ, ᐸᕐᓇᒃᑐᖃᖅᑎᓪᓗᒍ ᐊᒻᒪᓗ ᐊᐅᓚᑦᑎᔪᖃᖅᑎᓪᓗᒍ ᐊᐅᓚᔾᔪᓯᖏᓐᓂᑦ.
ᖃᓄᖅᑑᕐᓂᖅ: ᖃᓄᖅᑑᕈᓐᓇᕐᓂᖅ ᐊᑑᑎᖃᑦᑎᐊᕈᓐᓇᓂᕐᓗ.
- ᖃᐅᔨᓴᕐᓂᖅ ᐊᒻᒪᓗ ᖃᐅᔨᒪᔭᓂᖅ − ᓇᓗᓇᐃᖅᑕᐅᓂᖏᑦ, ᐸᕐᓇᐅᑎᒋᔭᐅᓂᖏᑦ, ᐋᖅᑭᑦᑕᐅᓂᖏᑦ ᐊᐅᓚᑕᐅᓂᖏᓪᓗ ᒥᕐᖑᐃᖅᓯᕐᕖᑦ ᒪᓕᓲᑦ ᒪᑐᐃᖓᔪᓯᒃ, ᐊᐅᓚᔾᔪᓯᖃᐅᖅᑐᓂᑦ, ᐱᓕᕆᐊᕆᔭᒻᒪᕆᐅᓲᓂᑦ, ᐱᓕᕆᖃᑎᒌᑦᑐᑎᑦ ᐊᒻᒪᓗ ᖃᐅᔨᒪᔭᐅᔪᓂᑦ ᑐᙵᕕᖃᖅᑐᑎᑦ ᐃᓕᖅᑯᓯᖃᓲᑦ. ᐊᑐᓲᖑᔪᒍᑦ ᐱᐅᓛᕐᓂᑦ ᐊᑐᐃᓐᓇᐅᒪᔪᓂᑦ ᖃᐅᔨᒪᔭᐅᔪᓂᑦ, ᐃᑲᔪᖅᑐᖅᑕᐅᓪᓗᑎᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᖃᓪᓗᓇᕐᔨᕐᖓᑦ ᖃᐅᔨᓴᐅᓯᖏᓐᓂᑦ, ᐊᒻᒪᓗ ᐃᑲᔪᖅᑐᐃᓲᓂᑦ ᓱᖏᐅᑎᖃᑦᑕᖅᑐᑦ ᐊᐅᓚᔾᔪᓯᕐᓂᑦ ᑲᒪᒋᐊᓲᖑᓪᓗᑎᑦ.
ᐃᓅᖃᑎᒌᑦᓯᐊᕐᓂᖅ: ᐊᓯᒥᓂᒃ ᐃᑉᐱᒍᓱᑦᑎᐊᕐᓂᖅ, ᐃᓅᖃᑎᖃᕐᓂᖅ ᐸᖅᑭᓂᕐᓗ ᐃᓄᖕᓂᒃ.
- ᐃᓚᐅᖃᑕᐅᓂᖅ − ᐃᓄᐃᑦ ᑲᑐᔾᔨᖃᑎᒌᖏᑦ, ᓄᓇᓖᑦ ᓄᓇᓕᖕᒥᐅᑕᐃᑦ ᐊᒻᒪᓗ ᐊᓯᖏᑦ ᐊᑦᑐᖅᑕᐅᓂᖃᓲᑦ ᑐᙵᕕᒋᔭᐅᕗᑦ ᐊᑐᐊᒐᓕᐅᕐᓂᕐᒧᑦ, ᐸᕐᓇᓂᕐᒧᑦ, ᐊᐅᓚᑦᑎᓂᕐᒧᑦ ᐊᒻᒪᓗ ᐃᖏᕐᕋᑎᑦᑎᓂᕐᒧᑦ ᐃᓕᖅᑯᓯᕆᔭᐅᓲᓂᑦ ᐃᑲᔪᕋᔭᕐᒪᑕ ᖃᐅᔨᒪᑦᑎᐊᑎᑦᑎᓗᑎᑦ ᐃᓱᒪᓕᐅᕈᑎᒋᔭᐅᑦᑎᐊᕐᓂᐊᕐᒪᑕ, ᐃᓄᐃᑦ ᑐᑭᓯᑎᑕᐅᓗᑎᑦ, ᐊᒻᒪᓗ ᐱᕕᖃᖅᑎᑕᐅᓗᑎᑦ ᑭᒃᑯᓕᒫᑦ ᐃᑲᔪᕋᔭᕐᓂᖏᓐᓂᑦ ᖃᐅᒪᓂᖏᑦ, ᐊᔪᙱᓐᓂᖏᑦ ᐊᑐᖁᔭᖏᑦ ᐅᖃᐅᑕᐅᓯᒪᓗᑎᑦ.
ᐱᓕᕆᖃᑎᒌᖕᓂᖅ/ᐃᑲᔪᖃᑎᒌᖕᓂᖅ: ᐃᖅᑲᓇᐃᔭᖃᑎᒌᖕᓂᖅ ᐊᑕᐅᓯᕐᒥᒃ ᑎᑭᑦᑎᓇᓱᐊᕐᓗᑎᑦ ᐱᔾᔪᑎᖃᖅᑐᑎᑦ.
- ᐱᓕᕆᖃᑎᒌᖕᓂᖅ − ᐸᕐᓇᓐᓂᖅ ᐊᒻᒪᓗ ᐊᐅᓚᑦᑎᓂᖅ ᓄᓇᕗᒻᒥ ᒥᕐᖑᐃᖅᓯᕐᕕᓂ ᑲᒪᒋᔭᐅᓲᑦ ᑕᒪᐃᓐᓂ ᐱᖃᑕᐅᑎᑕᐅᓪᓗᑎᑦ ᑕᒪᐃᓐᓂ ᐊᑦᑐᖅᑕᐅᓂᖃᖅᑐᑦ, ᐱᒻᒪᕆᐅᓪᓗᓂ ᒥᕐᖑᐃᖅᓯᕐᕖᑦ ᑲᔪᓯᓂᖃᕐᓂᐊᕈᑎᑦ ᐃᑲᔪᕐᓗᑎᑦ ᓄᓇᕗᑉ ᐱᓇᓱᐊᒐᖏᓐᓂᑦ ᒪᑭᒪᔪᒥᒃ ᒥᕐᖑᐃᖅᓯᕐᕕᖃᖁᓪᓗᒋᑦ, ᐃᓕᓐᓂᐊᑎᑦᑎᒍᑎᒃᓴᖅᑕᖃᕐᓗᓂ, ᐳᓚᕋᑦᑐᓕᕆᓂᕐᒧᑦ ᐋᓐᓂᐊᖅᑕᐃᓕᒪᓂᕐᒨᖑᔪᓂᓪᓗ; ᐊᒻᒪᓗ ᐱᓗᐊᖅᑐᒥᒃ ᐸᐸᑦᑎᓂᕐᒧᑦ ᐱᕙᓪᓕᐊᒍᑎᖃᕐᓂᕐᒧᑦ ᐱᓇᓱᐊᒐᕆᔭᐅᔪᑦ ᓇᓕᒧᒌᓕᖅᑎᑕᐅᓂᐊᕈᑎᑦ. ᑲᑐᔾᔨᓪᓗᑎᑦ ᐸᕐᓇᐅᑎᓕᐅᕐᓂᖅ ᐊᐅᓚᑦᑎᓂᕐᓗ ᐱᒻᒪᕆᐊᓘᕗᖅ ᐱᐅᙱᑦᑐᓂᑦ ᐊᑦᑐᐃᓂᖃᒃᑲᒻᒪᑦᑕᐃᓕᒪᑎᑦᑎᔪᖃᕈᒪᒋᓂ ᓄᖅᑲᖅᑎᑕᐅᓗᑎᓪᓘᓐᓃᑦ ᒥᕐᖑᐃᖅᓯᕐᕕᐅᔪᓂ.
ᐱᔨᑦᑎᓯᕐᓂᖅ: ᐱᔨᑦᑎᕐᓂᖅ ᐊᒻᒪᓗ ᐱᑎᑦᑎᔪᓐᓇᕐᓂᖅ ᐃᓚᒥᓄᑦ ᐊᒻᒪᓗ/ ᐅᕝᕙᓘᓐᓃᑦ ᓄᓇᓕᐅᔪᒧᑦ.
- ᓇᓕᒧᒌᑦᑎᑦᑎᓂᖅ − ᓄᓇᕗᒻᒥ ᒥᕐᖑᐃᖅᓯᕐᕕᖏᑦ ᐃᑲᔪᖅᑐᑦ ᓄᓇᕗᑦ ᑮᓇᐅᔭᓕᐅᕈᓐᓇᕐᓂᖓᓄᑦ ᐳᓚᕋᖅᑐᓕᕆᓂᒃᑯᑦ ᐊᒻᒪᓗ ᒥᕐᖑᐃᖅᓯᕐᕕᒻᒧᑦ ᑐᕌᖓᔪᓂᑦ ᑮᓇᐅᔭᓕᐅᕋᓱᐊᕈᑎᓂᑦ ᓴᐳᔾᔭᐅᓯᒪᓂᖓ ᓱᕋᑦᑕᐅᙱᓪᓗᓂ ᐃᓕᖅᑯᓯᑦᑎᓐᓂᑦ ᐊᒻᒪᓗ ᓄᓇᒥ ᐱᖅᑯᓯᑎᒍᑦ ᐊᑐᖃᑦᑕᓲᖑᓂᑦᑎᓐᓂ.
ᑐᙵᓇᕐᓂᖅ: ᑐᙵᓱᐊᑎᑦᑎᖃᑦᑕᕐᓂᖅ ᒪᑐᐃᖓᓂᒃᑯᑦ, ᑐᙵᓱᐊᑎᑦᑎᓂᒃᑯᑦ ᐊᒻᒪᓗ ᑭᒃᑯᓕᒫᓂᑦ ᐃᓚᐅᖃᑕᐅᑎᑦᑎᓗᓂ.
- ᓱᓕᔪᒃᑯᑦ ᐱᓕᕆᐊᖃᕐᓂᖅ ᐊᒻᒪᓗ ᓵᑕᐅᓯᒪᓂᖅ − ᐃᓱᒪᓕᐅᕈᑎᖃᖁᓪᓗᒋᑦ ᑐᕌᖓᔪᓂᑦ ᖑᐋᖅᑮᔪᖃᖅᑎᓪᓗᒍ, ᐸᕐᓇᒃᑐᖃᖅᑎᓪᓗᒍ, ᐊᐅᓚᑦᑎᔪᖃᖅᑎᓪᓗᒍ ᐊᒻᒪᓗ ᐃᖏᕐᕋᑎᑦᑎᔪᖃᖅᑎᓪᓗᒍ ᐊᑐᕐᓗᑎᑦ ᑕᒪᐃᓐᓂ ᐊᑐᐃᓐᓇᐅᒪᔪᓂᑦ ᑐᑭᓯᒋᐊᕈᑎᓂᑦ ᖃᐅᔨᒪᓇᑦᑎᐊᖁᓪᓗᒋᑦ ᑐᑭᓯᐅᒪᑦᑎᐊᕐᓗᑎᑦ ᐃᓱᒪᓕᐅᕐᓂᐊᕐᒪᑕ ᓇᓕᒧᒌᑦᑎᑦᑎᓗᑎᑦ, ᓴᖅᑭᔮᖅᑎᑦᑎᓗᑎᑦ ᐊᒻᒪᓗ ᓵᑕᐅᓯᒪᓗᑎᑦ. ᐃᓄᒃᑎᑐᑦ ᐊᑐᖅᑕᐅᖃᑦᑕᕐᓗᑎᑦ ᓄᓇᕗᒻᒥ ᒥᕐᖑᕐᓯᕕᒻᒥ ᑐᙵᕕᒋᔭᐅᕗᖅ ᐱᖅᑯᓯᑦᑎᓐᓂ ᐊᕙᑎᑦᑎᓐᓂᓪᓗ ᑲᔪᖏᖅᓴᐃᓂᒻᒧᑦ ᐊᒻᒪᓗ ᑐᑭᓯᒋᐊᕈᑎᓄᑦ ᐱᓕᕆᐊᕐᓂᑦ. ᑕᒪᐃᓐᓂ ᓄᓇᕗᒻᒥ ᒥᕐᖑᐃᖅᓯᕐᕖᑦ ᖃᓄᐃᓕᐅᕈᑎᒋᔭᐅᓂᖏᑦ ᓵᑕᐅᓯᒪᔪᒃᓴᐅᕗᑦ ᑕᒪᒃᑯᓄᖓ ᑐᙵᕕᒋᔭᐅᔪᓄᑦ, ᐊᒻᒪᓗ ᐊᑐᓕᖅᑎᑕᐅᓂᖏᓐᓄᑦ ᐱᖁᔭᑦ, ᓄᓇᕗᑦ ᐊᖏᕈᑎᖓ ᐊᒻᒪᓗ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᖏᓐᓄᓪᓗ ᒪᓕᑦᑕᐅᔭᕆᐊᓕᓐᓂᑦ, ᐊᒻᒪᓗ ᐊᓯᖏᑦ ᑐᕌᖓᔪᑦ ᐊᑐᐊᒐᑦ.
Inuit Associations and Organizations
Parks and Protected Areas Organizations
Canadian Parks Council
Canada’s national, provincial and territorial park agencies work together, through the Canadian Parks Council, to ensure that Canadians can continue to be proud of the role parks and protected areas play in preserving our country’s natural capital.
Canadian Heritage Rivers System
The Canadian Heritage Rivers System (CHRS) is Canada’s national river conservation program, giving national recognition to Canada’s outstanding rivers and encouraging their long-term management to conserve their natural, cultural and recreational values for the benefit and enjoyment of Canadians, now and in the future.
Trans Canada Trail
The Trans Canada Trail will promote and assist in the development and use of the cross country Trail – The Great Trail – by supporting success at the local level in the creation of this national network.
Tread Lightly!
Tread Lightly! and its partners lead a national initiative to protect and enhance recreation access and opportunities by promoting outdoor ethics to heighten individuals’ sense of good stewardship.